Scrolled:    Close

[Rank] S. Agnetis Virginis et Martyris;;Duplex;;3.1;;vide C6 [Rule] vide C6; 9 lectiones [Ant Vespera] Ingressa Agnes * turpitudinis locum, Angelum Domini praeparatum invenit;;109 Mecum enim habeo * custodem corporis mei, Angelum Domini;;110 Annulo suo * subarrhavit me Dominus meus Jesus Christus, et tamquam sponsam decoravit me corona;;111 Benedico te * Pater Domini mei Jesu Christi, quia per Filium tuum ignis exstinctus est a latere meo;;112 Congaudete mecum, * et congratulamini, quia cum his omnibus lucidas sedes accepi;;116 [Capitulum Vespera] !Sir 51:1-3 v. Confitebor tibi Domine Rex, et collaudabo te Deum Salvatorem meum. Confitebor~ nomini tuo: quoniam adjutor et protector factus es mihi et liberasti corpus meum a~ perditione. $Deo gratias [Ant 1] Beata Agnes * in medio flammarum expansis manibus orabat: Te deprecor omnipotens,~ adorande, colende, Pater metuende, quia per sanctum Filium tuum evasi minas~ sacrilegi tyranni, et carnis spurcitias immaculato calle transivi: et ecce venio~ ad te, quem amavi, quem quaesivi, quem semper optavi. [Oratio] Omnipotens sempiterne Deus, qui infirma mundi eligis, ut fortia quaeque~ confundas: concede propitius; ut, qui beatae Agnetis Virginis et Martyris tuae~ solemnia colimus, ejus apud te patrocinia sentiamus. $Per Dominum [Ant Matutinum] Discede a me pabulum mortis, quia jam ab alio amatore praeventa sum;;1 Dexteram meam et collum meum cinxit lapidibus pretiosis tradidit auribus meis inaestimabiles margaritas;;2 Posuit signum in faciem meam, ut nullum praeter eum amatorem admittam;;3 V. Specie tua et pulchritudine tua. R. Intende, prospere procede, et regna. Induit me Dominus cyclade auro texta, et immensis monilibus ornavit me;;4 Mel et lac ex ejus ore suscepi, et sanguis ejus ornavit genas meas;;5 Ipsi soli servo fidem, ipsi me tota devotione committo;;8 V. Adjuvabit eam Deus vultu suo. R. Deus in medio ejus, non commovebitur. Cujus pulchritudinem sol et luna mirantur, ipsi soli servo fidem;;14 Christus circumdedit me vernantibus atque coruscantibus gemmis pretiosis;;44 Ipsi sum desponsata, cui Angeli serviunt, cujus pulchritudinem sol et luna mirantur;;45 V. Elegit eam Deus, et praeelegit eam, R. In tabernaculo suo habitare facit eam. [Lectio1] De libro Ecclesiastici. !Sir 51:1-7 1 Oratio Jesu filii Sirach. Confitebor tibi, Domine rex, et collaudabo te Deum salvatorem meum. 2 Confitebor nomini tuo, quoniam adjutor et protector factus es mihi, 3 et liberasti corpus meum a perditione: a laqueo linguae iniquae, et a labiis operantium mendacium: et in conspectu astantium factus es mihi adjutor. 4 Et liberasti me, secundum multitudinem misericordiae nominis tui, a rugientibus praeparatis ad escam: 5 de manibus quaerentium animam meam, et de portis tribulationum quae circumdederunt me; 6 a pressura flammae quae circumdedit me, et in medio ignis non sum aestuatus; 7 de altitudine ventris inferi, et a lingua coinquinata, et a verbo mendacii, a rege iniquo, et a lingua injusta. [Responsory1] R. Diem festum sacratissimae Virginis celebremus, qualiter passa sit beata Agnes~ ad memoriam revocemus: tertiodecimo aetatis suae anno mortem perdidit, et vitam~ invenit: * Quia solum vitae dilexit auctorem. V. Infantia quidem computabatur in annis, sed erat senectus mentis immensa. R. Quia solum vitae dilexit auctorem. [Lectio2] !Sir 51:8-12 8 Laudabit usque ad mortem anima mea Dominum, 9 et vita mea appropinquans erat in inferno deorsum. 10 Circumdederunt me undique, et non erat qui adjuvaret: respiciens eram ad adjutorium hominum, et non erat. 11 Memoratus sum misericordiae tuae Domine, et operationis tuae, quae a saeculo sunt: 12 quoniam eruis sustinentes te, Domine, et liberas eos de manibus gentium. [Responsory2] R. Dexteram meam et collum meum cinxit lapidibus pretiosis, tradidit auribus~ meis inaestimabiles margaritas: * Et circumdedit me vernantibus atque coruscantibus gemmis. V. Posuit signum in faciem meam, ut nullum praeter eum amatorem admittam. R. Et circumdedit me vernantibus atque coruscantibus gemmis. [Lectio3] !Sir 51:13-17 13 Exaltasti super terram habitationem meam, et pro morte defluente deprecatus sum. 14 Invocavi Dominum patrem Domini mei, ut non derelinquat me in die tribulationis meae, et in tempore superborum, sine adjutorio. 15 Laudabo nomen tuum assidue, et collaudabo illud in confessione: et exaudita est oratio mea, 16 et liberasti me de perditione, et eripuisti me de tempore iniquo. 17 Propterea confitebor, et laudem dicam tibi, et benedicam nomini Domini. [Responsory3] R. Amo Christum, in cujus thalamum introibo cujus mater virgo est, cujus pater~ feminam nescit, cujus mihi organa modulatis vocibus cantant: * Quem cum amavero, casta sum; cum tetigero, munda sum; cum accepero, virgo sum. V. Annulo fidei suae subarrhavit me, et immensis monilibus ornavit me. R. Quem cum amavero, casta sum; cum tetigero, munda sum; cum accepero, virgo~ sum. &Gloria R. Quem cum amavero, casta sum; cum tetigero, munda sum; cum accepero, virgo~ sum. [Lectio4] Ex libro S. Ambrosii Episcopi de Virginibus. !Lib. 1, post init. Hodie natalis est Virginis, integritatem sequamur. Natalis est Martyris, hostias~ immolemus. Natalis est sanctae Agnetis, mirentur viri, non desperent parvuli,~ stupeant nuptae, imitentur innuptae. Sed quid dignum ea loqui possumus, cujus ne~ nomen quidem vacuum laudis est? Devotio supra aetatem, virtus supra naturam: ut~ mihi videatur non hominis habuisse nomen, sed oraculum Martyris, quod indicavit~ quid esset futura. Nomen Virginis, titulus est pudoris. Appellabo Martyrem:~ praedicavi satis. Prolixa laudatio est, quae non quaeritur, sed tenetur. Nemo~ est laudabilior, quam qui ab omnibus laudari potest. Quot homines, tot praecones,~ qui Martyrem praedicant, dum loquuntur. [Lectio5] Haec tredecim annorum martyrium fecisse traditur. Quo detestabilior crudelitas,~ quae nec minusculae pepercit aetati: imo magna vis fidei, quae etiam ab illa~ testimonium invenit aetate. Fuitne in illo corpusculo vulneri locus? Et quae non~ habuit quo ferrum reciperet, habuit quo ferrum vinceret. Haec inter cruentas~ carnificum impavida manus, haec stridentium gravibus immobilis tractibus~ catenarum, nunc furentis mucroni militis totum offerre corpus, mori adhuc nescia,~ sed parata, vel si ad aras invita raperetur, tendere Christo inter ignes manus,~ atque in ipsis sacrilegis focis trophaeum Domini signare victoris: nunc ferratis~ colla manusque ambas inserere nexibus. Sed nullus tam teniua membra poterat nexus~ includere. Novum martyrii genus. Nondum idonea pcenae, et jam matura victoriae:~ certare difficilis, facilis coronari: magisterium virtutis implevit, quae~ praejudicium vehebat aetatis. [Lectio6] Non sic ad thalamum nupta properaret, ut ad supplicii locum, laeta successu,~ gradu festina virgo processit. Flere omnes, ipsa sine fletu. Mirori plerique,~ quod tam facile vitae suae prodiga, quam nondum hauserat, jam quasi perfuncta~ donaret Stupere universi, quod jam divinitatis testis exsisteret, quae adhuc~ arbitra sui per aetatem esse non posset Quanto terrore egit carnifex ut~ timeretur, quantis blanditiis ut suaderet, quantorum vota, ut sibi ad nuptias~ proveniret? At illa: Et haec sponsi injuria est, inquit, exspectare placituram.~ Qui me sibi prior elegit, accipiet: quid percussor moraris? Pereat corpus, quod~ amari potest oculis, quibus nolo. Stetit, oravit, cervicem inflexit. Cerneres~ trepidare carnificem, quasi ipse addictus fuisset, tremere percussoris dexteram,~ pallere ora alieno timentis periculo, cum puella non timeret suo. Habetis igitur~ in una hostia duplex martyrium, pudoris et religionis. Et virgo permansit, et~ martyrium obtinuit. [Lectio94] Hódie natális est Vírginis, integritátem sequámur. Natalis est Mártyris, hóstias immolémus. Natalis est sanctæ Agnétis, miréntur viri, non despérent párvuli, stúpeant nuptæ, imiténtur innúptæ. Sed quid dignum ea loqui póssumus, cujus ne nomen quidem vácuum laudis est? Devótio supra ætátem, virtus supra natúram : ut mihi videátur non hóminis habuísse nomen, sed oráculum Mártyris, quod indicávit, quid esset futúra. Nomen Vírginis títulus est pudóris. Appellábo Mártyrem : prædicávi satis. Prolíxa laudátio est, quæ non quæritur, sed tenétur. Nemo est laudabílior, quam qui ab ómnibus laudári potest. Quot hómines, tot præcónes, qui Mártyrem prædicant, dum loquúntur. Hæc trédecim annórum martyrium fecísse tráditur. Quo destabílior crudélitas quæ nec minúsculæ pepércit ætáti ; immo magna vis fídei, quæ étiam ab illa testimónium invénit ætáte. &teDeum [Responsory7] R. Ipsi sum desponsata, cui Angeli serviunt, cujus pulchritudinem sol et luna~ mirantur: * Ipsi soli servo fidem, ipsi me tota devotione committo. V. Dexteram meam et collum meum cinxit lapidibus pretiosis: tradidit auribus~ meis inaestimabiles margaritas. R. Ipsi soli servo fidem, ipsi me tota devotione committo. [Responsory8] R. Omnipotens, adorande, colende, tremende, benedico te: * Quia per Filium tuum unigenitum evasi minas hominum impiorum, et spurcitias~ diaboli impolluto calle transivi. V. Te confiteor labiis, te corde, te totis visceribus concupisco. R. Quia per Filium tuum unigenitum evasi minas hominum impiorum, et spurcitias~ diaboli impolluto calle transivi. &Gloria R. Quia per Filium tuum unigenitum evasi minas hominum impiorum, et spurcitias~ diaboli impolluto calle transivi. [Ant Laudes] Ingressa Agnes * turpitudinis locum, Angelum Domini praeparatum invenit Mecum enim habeo * custodem corporis mei, Angelum Domini Annulo suo * subarrhavit me Dominus meus Jesus Christus, et tamquam sponsam decoravit me corona Benedico te * Pater Domini mei Jesu Christi, quia per Filium tuum ignis exstinctus est a latere meo Congaudete mecum, * et congratulamini, quia cum his omnibus lucidas sedes accepi. [Capitulum Laudes] !Sir 51:1-3 v. Confitebor tibi Domine Rex, et collaudabo te Deum Salvatorem meum. Confitebor~ nomini tuo: quoniam adjutor et protector factus es mihi et liberasti corpus meum a~ perditione. $Deo gratias [Ant 2] Ecce quod concupivi * jam video: quod speravi, jam teneo: ipsi sum juncta in~ coelis, quem in terris posita, tota devotione dilexi. [Capitulum Tertia] !Sir 51:1-3 v. Confitebor tibi Domine Rex, et collaudabo te Deum Salvatorem meum. Confitebor~ nomini tuo: quoniam adjutor et protector factus es mihi et liberasti corpus meum a~ perditione. $Deo gratias [Capitulum Sexta] !Sir 51:4-5 v. Et liberasti me secundum multitudinem misericordiae nominis tui a rugientibus~ paratis ad escam 5 de manibus quaerentium animam meam et de portis tribulationis~ quae circumdederunt me $Deo gratias [Capitulum Nona] !Sir 51:8; 51:12 v. Laudabit usque ad mortem anima mea Deminum, quoniam oruis sustinentes te, et~ liberas eos de manu angustiae, Domine Deus noster. $Deo gratias [Ant 3] Stans beata Agnes * in medio flammae, expansis manibus orabat ad Dominum:~ Omnipotens, adorande, colende, tremende, benedico te, et glorifico nomen tuum in~ aeternum.