Scrolled:    Close

[Rank] Ss. Vincentii et Anastasii Martyrorum;;Semiduplex;;2;;vide C3 [Rule] vide C3; 9 lectiones [Oratio] Adesto Domine supplicationibus nostris: ut, qui ex iniquitate nostra reos nos~ esse cognoscimus, beatorum Martyrum tuorum Vincentii et Anastasii intercessione~ liberemur. $Per Dominum [Lectio4] Vincentius Oscae in Hispania citeriore natus, a prima aetate studiis deditus,~ sacras litteras a Valerio Caesare augustano episcopo didicit: cujus etiam partes~ suscepit praedicandi Evangelium, quod episcopus, propter linguae impedimentum,~ praedicationis officio fungi non poterat. Ea re ad Dacianum, provinciae a~ Diocletiano et Maximiano praepositum, delata Vincentius Caesaraugustae~ comprehenditur, et vinctus ad Dacianum Valentiam adducitur. Ubi verberibus et~ equuleo tortus, multis praesentibus, cum nulla aut tormentorum vi, aut~ acerbitate, vel lenitate verborum a proposito deterreri posset; in craticula~ impositus, prunis ardentibus suppositis, ac ferreis linguibus excarnificatus,~ candentibusque laminis exustus, iterum ducitur in carcerem stratum testaceis~ fragmentis, ut ejus nudum corpus, somno oppressum, a subjectis etiam testarum~ aculeis torqueretur. [Lectio5] Verum, illo in tenebricosa incluso custodia, clarissimus splendor obortus totum~ carcerem illustravit; quae lux cum summa admiratione omnes, qui aderant,~ affecisset; res a custode carceris ad Dacianum defertur. Qui eductum in molli~ culcitra collocat: et quem cruciatibus in suam sententiam trahere non poterat,~ deliciis perducere conatur. Sed invictus Vincentii animus Jesu Christi fide~ speque munitus vicit omnia: et ignis, ferri, tortorum immanitate superata,~ victor ad coelestem martyrii coronam advolavit, undecimo Kalendas Februarii.~ Cujus corpus, cum projectum esset inhumatum, corvus et a volucribus et a lupo~ linguibus, rostro, alis mirabiliter defendit. Qua re cognita, Dacianus illud in~ altum mare demergi jubet: sed inde etiam divinitus ejectum ad littus, Christiani~ sepeliunt. [Lectio6] Anastasius Persa, monachus, Heracho imperatore, cum sanctam Jerosolymorum terram~ visitasset, ad Caesaream Palaestinae pro Christi religione vincula et verbera~ constanter perpessus est. Mox a Persis ob eamdem causam variis cruciatibus~ affectus, a rege Chosroa una cum septuaginta aliis Christianis securi~ percutitur. Cujus reliquiae primum Jerosolymam ad monasterium, in quo monasticam~ vitam professus erat, deinde Romam delatae, collocatae sunt in monasterio ad~ Aquas Salvias. [Lectio94] Vincéntius, Oscæ in Hispánia citerióre natus, a prima ætáte stúdiis déditus, sacras lítteras a Valério Cæsaraugustáno epíscopo dídicit ; cujus étiam partes suscépit prædicándi Evangélium, quod epíscopus, propter linguæ impediméntum, prædicatiónis offício fungi non póterat. Ea re ad Daciánum, impiíssimum præsidem deláta. Vincéntius ab eódem Valéntiam addúcitur ; et cárceres, famem, equúleum aliáque tormentórum génera perpéssus, ad martyrii corónam advolávit undécimo Kaléndas Februárii. Anastásius Persa, mónachus, Heraclío imperatóre, cum sanctam Jerosolymórum terram visitásset, ad Cæsaréam Palæstínæ pro Christi religióne víncula et vérbera constánter perpéssus est. Mox a Persis ob eámdem causam váriis cruciátibus afféctus, a rege Chósroa una cum septuagínta áliis Christiánis secúri percútitur. Cujus relíquiæ primum Jerosólymam, deínde Romam delátæ, collocátæ sunt in monastério ad Aquas Sálvias. &teDeum