[Rank]
S. Joseph Opificis;;Duplex I classis;;6;;
[RankNewcal]
S. Joseph Opificis;;Duplex optional classis;;2;;
[Rule]
proper
Psalmi Dominica
Antiphonas horas
9 lectiones;
Psalm5 Vespera=116
[Ant Vespera]
Deus, mundi opifex, * posuit hominem ut operaretur et custodiret terram, alleluia.
Christus, Dei Filius, * manibus suis operari dignatus est, alleluia.
Artem fabri * fideliter exercens sanctus Joseph, laboris mirabile refulget exemplar, alleluia.
Fidelis servus * et prudens, quem constituit Dominus super familiam suam, alleluia.
Joseph, opifex sancte, * opera nostra tuere, alleluia.
[Capitulum Vespera]
!Col 3:14-15
v. Fratres: Caritatem habete, quod est vinculum perfectionis, et pax Christi~
exultet in cordibus vestris, et grati estote.
$Deo gratias
[Hymnus Vespera]
@Sancti/03-19:Hymnus Vespera
[Versum 1]
V. Solémnitas est hódie sancti Joseph, alleluia.
R. Qui mánibus suis Fílio Dei ministrávit, alleluia.
[Ant 1]
Christus Dominus * fabri fílius putári dignátus est, alleluia.
[Oratio]
Rerum conditor Deus, qui legem laboris humano generi statuisti: concede~
propitius; ut, sancti Joseph exemplo et patrocinio, opera perficiamus quae~
praecipis, et praemia consequamur quae promittis.
$Qui vivis
[Invit]
Regem regum Dominum, qui putari dignatus est fabri filius, * Venite, adoremus, alleluia.
[Hymnus Matutinum]
v. Te, pater Ioseph, opifex colende,
Nazarae felix latitans in umbra,
Vocibus magnis animisque plenis
Nocte canemus.
_
Regiam stirpem tenuemque victum
Mente fers aequa tacitusque portas,
Sacra dum multo manuum labore
Pignora nutris.
_
O Faber, sanctum speculum fabrorum,
Quanta das plebi documenta vitae,
Ut labor sudans, ut et officina
Sanctificetur.
_
Qui carent escis, miseros foveto;
Tempera effrenos perimasque lites;
Mysticus Christus patriae sub umbrae
Tegmine crescat.
_
Tu Deus trinus pariterque et unus,
Qui pater cunctis opifexque rerum,
Fac patrem Joseph imitemur actu,
Morte imitemur. Amen.
[Ant Matutinum]
Exit homo * ad opus suum, et ad laborem suum usque ad vesperum, alleluia.;;1
;;2
;;3
V. Gloria et exemplar opificum, sancte Joseph, alleluia.
R. Cui obedire voluit Filius Dei, alleluia.
Jesus, * cum esset triginta annorum, putabatur filius Joseph, alleluia;;4
;;5
;;8
V. O magnam dignitatem laboris, alleluia.
R. Quem Christus sanctificavit, alleluia.
Nonne hic est * fabri filius? Nonne hic est filius Joseph? Alleluia.;;14
;;20
;;23
V. Verbum Dei, per quod facta sunt omnia, alleluia.
R. Dignatus est operari manibus suis, alleluia.
[Lectio1]
De libro Genesis.
!Gen 1:27-28,31; 2:1-3
27 In principio creavit Deus hominem ad imaginem suam; ad imaginem Dei creavit illum: masculum et feminam creavit eos.
28 Benedixitque illis Deus, et ait: "Crescite et multiplicamini, et replete terram, et subjicite eam".
31 Viditque Deus cuncta quae fecerat, et erant valde bona. Et factum est vespere et mane, dies sextus.
1 Igitur perfecti sunt caeli et terra, et omnis ornatus eorum.
2 Complevitque Deus die septimo opus suum quod fecerat: et requievit die septimo ab universo opere quod patrarat.
3 Et benedixit diei septimo, et sanctificavit illum, quia in ipso cessaverat ab omni opere suo quod creavit Deus ut faceret.
[Responsory1]
R. Sex diebus operaberis et facies omnia opera tua, septimo autem die sabbatum Domini Dei tui est:
* Non facies omne opus in eo, alleluia.
V. Sex enim diebus fecit Dominus caelum et terram, et requievit in die septimo.
R. Non facies omne opus in eo, alleluia.
[Lectio2]
!Gen 2:7-9,15
7 Formavit igitur Dominus Deus hominem de limo terrae, et inspiravit in faciem ejus spiraculum vitae, et factus est homo in animam viventem.
8 Plantaverat autem Dominus Deus paradisum voluptatis a principio, in quo posuit hominem quem formaverat.
9 Produxitque Dominus Deus de humo omne lignum pulchrum visu, et ad vescendum suave lignum etiam vitae in medio paradisi, lignumque scientiae boni et mali.
15 Tulit ergo Dominus Deus hominem, et posuit eum in paradiso voluptatis, ut operaretur, et custodiret illum.
[Responsory2]
R. Posuit Dominus Deus hominem quem formaverat, in paradisum voluptatis,
* Ut operaretur illum, alleluia.
V. Haec erat conditio hominis ab initio.
R. Ut operaretur illum, alleluia.
[Lectio3]
!Gen 3:17-19,23-24
17 Dixit Dominus Deus Adae: Quia audisti vocem uxoris tuae, et comedisti de ligno, ex quo praeceperam tibi ne comederes, maledicta terra in opere tuo: in laboribus comedes ex ea cunctis diebus vitae tuae.
18 Spinas et tribulos germinabit tibi, et comedes herbam terrae.
19 In sudore vultus tui vesceris pane, donec revertaris in terram de qua sumptus es: quia pulvis es et in pulverem reverteris.
23 Et emisit eum Dominus Deus de paradiso voluptatis, ut operaretur terram de qua sumptus est.
24 Ejecitque Adam: et collocavit ante paradisum voluptatis cherubim, et flammeum gladium, atque versatilem, ad custodiendam viam ligni vitae.
[Responsory3]
R. Post peccatum ejecit Deus hominem de paradiso voluptatis,
* Ut in laboribus operaretur terram, alleluia.
V. Et in sudore vultus tui, dixit Deus, vesceris pane.
R. Ut in laboribus operaretur terram, alleluia.
&Gloria
R. Ut in laboribus operaretur terram, alleluia.
[Lectio4]
!Ex Actis Pii Papae XII
Ecclesia, providentissima omnium Mater, maximas impendit curas ad opifices tutandos ac levandos, eorumdem consociationes instituens iisque favens, quas Pius duodecimus, Pontifex Maximus, iampridem validissimo sancti Joseph patrocinio concreditas esse voluit. Etenim sanctus Joseph, cum putativus esset pater Christi, qui faber et fabri filius appellari dignatus est, propter necessitudinem qua iunctus erat cum Jesu, abunde spiritum illum hausit unde labor nobilitatur atque evehitur. Consimili modo huiuscemodi opificum consociationes adniti debent, ut Christus sit semper in ipsis praesens, in eorum membris horumque familiis, in omni denique coetu operario; siquidem praecipuus harum consociationum finis est, ut christianam vitam in suis membris servent atque alant, Deique regnum latius propagent, praesertim inter eiusdem officinae contubernales.
[Responsory4]
R. Non facies calumniam proximo tuo, nec vi opprimes eum;
* Non morabitur opus mercenarii tui apud te usque mane, alleluia.
V. Dignus est enim operarius mercede sua.
R. Non morabitur opus mercenarii tui apud te usque mane, alleluia.
[Lectio5]
De hac autem Ecclesiae sollicitudine erga coetum operarium novum idem Pontifex praebuit argumentum, cum occasionem nactus opificum conventus Kalendis maiis anni millesimi nongentesimi quinquagesimi quinti Romae celebrati, ingentem multitudinem in foro ad sancti Petri Basilicam coadunatam alloquens, opificum institutionem summopere commendavit. Haec enim nostris temporibus potiores sibi vindicat partes, ut opifices, christiana doctrina rite imbuti, grassantes circa societatis constitutionem remque oeconomicam errores devitent, et moralem ordinem a Deo praestitutum, quem Ecclesia pandit atque interpretatur, de opificum iuribus atque officiis, probe noscant, reique gerendae participes effecti, eiusdem procurationi efficaciter adlaborent. Christus enim primus in orbe promulgavit atque Ecclesiae tradidit principia, quae ad has dirimendas quaestiones immutabilia ac validissima perstant.
[Responsory5]
R. Dedisti mihi protectionem salutis tuae et dextera tua suscepit me:
* Protector meus et susceptor meus, alleluia.
V. Ego protector tuus sum et merces tua magna nimis.
R. Protector meus et susceptor meus, alleluia.
[Lectio6]
Quo autem humani laboris dignitas, et principia quae eamdem efficiunt, altius insiderent animis, Pius duodecimus festum sancti Joseph opificis instituit, qui omni coetui operario exemplo sit ac praesidio. Ab hoc enim exemplo, qui operosas exercent artes discere debent qua ratione et quo spiritu sua munia expleant, ut pariter primo Dei obsequentes praecepto, terram subiciant atque oeconomicae prosperitati consulant, ac simul aeternae vitae praemia consequantur. Neque deerit providus Nazarethanae Familiae custos sibi arte ac labore compares suo munimine tegere eorumdemque caelitus fortunare domos. Aptissime Summus Pontifex hoc festum celebrari iussit Kalendis maiis, quem diem operarii coetus sibi asciverunt; hinc enim spes affulget fore, ut dies hic, sancto Joseph opifici dicatus, deinceps non odia exacuat ac iurgia accendat, sed singulis recurrens annis, omnes invitet ad ea magis magisque perficienda, quae civium paci adhuc desunt, immo etiam reipublicae moderatores exstimulet ad ea sollerter absolvenda quae consortionis humanae rectus expostulat ordo.
[Responsory6]
R. Miser sum ego et pauper;
* Dominus sollicitus est mei, alleluia.
V. Laborem manuum tuarum manducabis et bene tibi erit, alleluia.
R. Dominus sollicitus est mei, alleluia.
&Gloria
R. Dominus sollicitus est mei, alleluia.
[Lectio7]
Lectio sancti Evangelii secundum Matthaeum.
!Matt 13:54-58
In illo tempore: Veniens Jesus in patriam suam, docebat eos in synagogis~
eorum, ita ut mirarentur et dicerent: Unde huic sapientia haec et virtutes?~
Nonne hic est fabri filius? Et reliqua.
_
Homilia sancti Alberti Magni Episcopi.
!In Evangelium Lucae, cap. 4
Die sabbati intravit in synagogam, quo omnes intentione audiendi conveniunt. Et omnium in synagoga oculi erant intendentes in eum. Hoc tamen quidam devotione, quidam curiositate, et quidam observantes eum fecerunt, ut caperent eum in sermone. Et dicebant scribae et pharisaei ad populum, qui iam fidem et devotionem conceperat: "Nonne hic est filius Joseph?" Despectionis nota est demonstratio ejus quem nominare non sunt dignati. Filius Joseph: minus hic dicit evangelista quod tam a Matthaeo quam a Marco plenius sciverat esse positum: "Nonne hic est fabri filius? Nonne hic est faber, filius Mariae?" Haec omnia despective dicta sunt.
[Responsory7]
R. Jesus erat incipiens quasi annorum triginta,
* Qui putabatur filius Joseph, alleluia.
V. Faber autem erat Joseph, sponsus Virginis Mariae, de qua natus est Christus.
R. Qui putabatur filius Joseph, alleluia.
[Lectio8]
Faber lignarius dicitur fuisse Joseph, arte et usu manuum victum quaerens, et non in otio et deliciis panem manducans, sicut scribae et pharisaei fecerunt. Maria etiam colo et consilio manuum victum quaerebat. Et est sensus: Hic despectae et pauperrimae nativitatis, non potest esse Christus Dominus, quem unxit Deus. Et ideo sibi non est credendum tam rusticano et tam vili.
[Responsory8]
R. Unde huic sapientia haec et virtutes?
* Nonne hic est fabri filius? Alleluia.
V. Ita dicebant in civitate Nazareth.
R. Nonne hic est fabri filius? Alleluia.
&Gloria
R. Nonne hic est fabri filius? Alleluia.
[Lectio9]
Faber tamen erat Dominus: quia propheta dixit de ipso: "Tu fabricatus es auroram et solem". Similis modus despectivus est in libro Regum, ubi Saul promoto in regnum suum dixerunt: "Quaenam res accidit filio Cis? Num et Saul inter prophetas est?" Parva ergo locutio magnum importat despectum. Dominus autem dixit: "Amen dico vobis, quia nemo propheta acceptus est in patria sua". Se autem prophetam hic dicit Dominus. Ipse enim, cui omnia per divinitatem nota sunt, nullam penitus recipit inspirationis revelationem. Patriam autem suam vocat hic stricte locum conceptionis et nutritionis. Suis autem convicaneis, qui invidia incitabantur ad ipsum, non fuit acceptus.
&teDeum
[Ant Laudes]
Deus, mundi opifex, * posuit hominem ut operaretur et custodiret terram, alleluja.
Christus, Dei Filius, * manibus suis operari dignatus est, alleluja.
Artem fabri * fideliter exercens sanctus Joseph, laboris mirabile refulget exemplar, alleluja.
Fidelis servus * et prudens, quem constituit Dominus super familiam suam, alleluja.
Joseph, opifex sancte, * ópera nostra tuere, alleluja.
[Capitulum Laudes]
!Col 3:14-15
v. Fratres: Caritatem habete, quod est vinculum perfectionis, et pax Christi~
exultet in cordibus vestris, et grati estote.
$Deo gratias
[Hymnus Laudes]
v. Aurora, solis nuntia
Florumque mensi praevia,
Fabri sonoram malleo
Domum salutat Nazarae.
_
Salve, caput domesticum,
Sub quo supremus Artifex,
Sudore salso roridus,
Exercet artem patriam.
_
Altis locatus sedibus
Celsaeque Sponsae proximus,
Adesto nunc clientibus,
Quos vexat indigentia.
_
Absintque vis et jurgia,
Fraus omnis a mercedibus;
Victus cibique copiam
Mensuret una parcitas.
_
O Trinitatis Unitas,
Joseph precante, quaesumus,
In pace nostros omnium
Gressus viamque dirige.
Amen.
[Versum 2]
V. Ora pro nobis, sancte Joseph, alleluia.
R. Laborum nostrorum protector fidelis, alleluia.
[Ant 2]
Descendit Jesus * cum Maria et Joseph, et venit Nazareth, et erat subditus illis, alleluia.
[Lectio Prima]
!Col 3:24
v. Quodcumque facitis, ex animo operamini sicut Domino, et non hominibus,~
scientes quod a Domino accipietis retributionem haereditatis. Domino Christo~
servite.
[Capitulum Tertia]
!Col 3:14-15
v. Fratres: Caritatem habete, quod est vinculum perfectionis, et pax Christi~
exultet in cordibus vestris, et grati estote.
$Deo gratias.
[Responsory Tertia]
R.br. Gloria et exemplar opificum, sancte Joseph. * Alleluia, alleluia.
R. Gloria et exemplar opificum, sancte Joseph. * Alleluia, alleluia.
V. Cui obedire voluit Filius Dei.
R. Alleluia, Alleluia.
&Gloria
R. Gloria et exemplar opificum, sancte Joseph. * Alleluia, alleluia.
_
V. O magnam dignitatem laboris, alleluia.
R. Quem Christus sanctificavit, alleluia.
[Capitulum Sexta]
!Col 3:17
v. Omne quodcumque facitis in verbo aut in opere, omnia in nomine Domini Jesu~
Christi, gratias agentes Deo et Patri per ipsum.
$Deo gratias
[Responsory Sexta]
R.br. O magnam dignitatem laboris, * alleluia, alleluia.
R. O magnam dignitatem laboris, * alleluia, alleluia.
V. Quem Christus sanctificavit.
R. Alleluia, alleluia.
&Gloria
R. O magnam dignitatem laboris, * alleluia, alleluia.
_
V. Verbum Dei, per quod facta sunt omnia, alleluia.
R. Dignatus est operari manibus suis, alleluia.
[Capitulum Nona]
!Col 3:24
v. Quodcumque facitis, ex animo operamini sicut Domino, et non hominibus,~
scientes quod a Domino accipietis retributionem haereditatis. Dómino Christo~
servite.
$Deo gratias
[Responsory Nona]
R.br. Verbum Dei, per quod facta sunt omnia, * alleluia, alleluia.
R. Verbum Dei, per quod facta sunt omnia, * alleluia, alleluia.
V. Dignatus est operari manibus suis.
R. Alleluia, alleluia.
&Gloria
R. Verbum Dei, per quod facta sunt omnia, * alleluia, alleluia.
_
V. Ora pro nobis, sancte Joseph, alleluia.
R. Laborum nostrorum protector fidelis, alleluia.
[Versum 3]
V. Ora pro nobis, sancte Joseph, alleluia.
R. Laborum nostrorum protector fidelis, alleluia.
[Ant 3]
Et ipse Jesus * erat incipiens quasi annorum triginta, ut putabatur, filius~
Joseph, alleluia.
|