Skeleton:    Scrolled:    Close

[Rank] S. Joannae Franciscae Fremiot de Chantal Viduae;;Duplex;;3;;vide C7a [RankNewcal] S. Joannae Franciscae Fremiot de Chantal Viduae;;Duplex optional;;2;;vide C7a [Rule] vide C7a; 9 lectiones [Oratio] Omnipotens et misericors Deus, qui beatam Joannam Franciscam tuo amore succensam,~ admirabili spiritus fortitudine per omnes vitae semitas in via perfectionis~ donasti, quique per illam illustrare Ecclesiam tuam nova prole voluisti: ejus~ meritis et precibus concede; ut qui infirmitatis nostrae conscii de tua virtute~ confidimus, coelestis gratiae auxilio cuncta nobis adversantia vincamus. $Per Dominum [Commemoratio] @Sancti/08-15:Octava [Invit] Laudemus Deum nostrum, * In confessione beatae Joanne Franciscae [Lectio4] Joanna Francisca Fremiot de Chantal, Divione in Burgundia clarissimis orta~ natalibus, ab ineunte aetate eximiae sanctitatis non obscuras edidit~ significationes. Eam enim vix quinquennem nobilem quemdam Calvinistam solida~ supra aetatem argumentatione perstrinxisse ferunt, collatumque ab eo munusculum~ flammis illico tradidisse, in haec verba: En quomodo haeretici apud inferos~ comburentur, qui loquenti Christo fidem detrectant. Matre orbata, Deiparae~ Virginis tutelae se commendavit, et famulam, quae ad mundi amorem eam alliciebat,~ ab se rejecit. Nihil puerile in moribus exprimens, a saeculi deliciis abhorrens,~ martyriumque anhelans, religioni ac pietati impense studebat. Baroni de Chantal~ nuptui a patre tradita, virtutibus omnibus excolendis operam dedit, haberes,~ famulos, aliosque sibi subjectos in fidei doctrina, bonisque moribus imbuere~ satagens. Profusa liberalitate pauperum inopiam sublevabat, annona divinitus non~ raro multiplicata: quo factum est, ut nemini se umquam Christi nomine roganti~ stipem abnegaturam spoponderit. [Lectio5] Viro in venatione interempto, perfectioris vitae consilium iniens, continentiae~ voto se obstrinxit. Viri necem non solum sequo animo tulit, sed, in publicum~ indultae veniae testimonium, occisoris filium e sacro fonte suscipere sui~ victrix elegit. Modica familia, tenui victu atque vestitu contenta, pretiosas~ vestes in pios usus convertit. Quidquid a domesticis curis supererat temporis,~ precibus, piis lectionibus, laborique impendebat. Numquam adduci potuit ut~ alteras nuptias, quamvis utiles et honorificas, iniret. Ne autem a proposito~ castimoniae observandae in posterum dimoveretur, illius voto innovato,~ sanctissimum Jesu Christi nomen candenti ferro pectori insculpsit. Ardentius in~ dies caritate fervescens, pauperes, derelictos, aegros, teterrimisque morbis~ infectos ad se adducendos curabat; eosque non hospitio tantum excipiebat,~ solabatur, fovebat, verum etiam sordidas eorumdem vestes depurgabat, laceras~ reficiebat, et manantibus foetido pure ulceribus labia admovere non exhorrebat. [Lectio6] Asancto Francisco Salesio, quo spiritus moderatore usa fuit, divinam voluntatem~ edocta, proprium parentem, socerum, filium denique ipsum, quem etiam vocationi~ obsistentem, sua e domo egrediens, pedibus calcare non dubitavit, invicta~ constantia deseruit, et sacri instituti Visitationis sanctae Mariae fundamenta~ jecit. Ejus instituti leges integerrime custodivit, et adeo paupertatis fuit~ amans, ut vel necessaria sibi deesse gauderet. Christianae vero animi~ demissionis et obedientiae, virtutum denique omnium perfectissimum exemplar se~ praebuit Altiores in corde suo ascensiones disponens, arduissimo efficiendi~ semper id quod perfectius esse intelligeret, voto se obstrinxit. Denique, sacro~ Visitationis instituto ejus potissimum opera longe lateque diffuso, verbo,~ exemplo, et scriptis etiam divina sapientia refertis, ad pietatem et caritatem~ sororibus excitatis, meritis referta, et sacramentis rite susceptis, Molinis,~ anno millesimo sexcentesimo quadragesimo primo, die decima tertia Decembris,~ migravit ad Dominum, ejusque animam, occurrente sancto Francisco Salesio, in~ coelos deferri sanctus Vincentius a Paulo procul distans aspexit Ejus corpus~ postea Annecium translatum fuit: eamque miraculis ante et post obitum claram~ Benedictus decimus quartus beatorum, Clemens vero decimus tertius Pontifex~ Maximus albo sanctorum adjecit. Festum autem eiusdem die duodecimo Kalendas~ Septembris ab universa Ecclesia Clemens decimus quartus Pontifex Maximus~ celebrari praecepit. [Lectio94] Joánna Francísca Frémiot de Chantal, Divióne in Burgúndia claríssimis orta natálibus, adhuc puélla, matre orbáta, Deíparæ Vírginis, tutélæ se commendávit. Baróni de Chantal núptui a patre trádita, mulíerem fortem appríme réferens, ómnibus ómnia facta est. Viro in venatióne interémpto, continéntiæ voto se obstrínxit et sui victrix, occisóris fílium e sacro fonte suscípere non dubitávit. Ne autem a propósito castimóniæ observándæ in pósterum dimoverétur, voto innováto, sanctíssimum Jesu Christi nomen candénti ferro suo péctori inscúlpsit. A sancto Francísco Salésio, quo spíritus moderatóre usa fuit, divínam voluntátem edócta, sacri institúti Visitatiónis sanctæ Maríæ fundaménta jecit, quod longe latéque diffúdit. Cum dénique voto se obstrinxísset efficiéndi semper quod perféctius esse intellígeret, méritis reférta, Molínis migrávit ad Dóminum, anno millésimo sexcentésimo quadragésimo primo, die décima tértia Decémbris, et a Cleménte décimo tértio albo Sanctórum adjécta est. &teDeum