[Rank]
Fest der allerheiligsten Dreifaltigkeit;;Duplex I classis;;6.5

[Ant Vespera]
Glória tibi, Trinitas * æqualis, una Deitas, et ante ómnia sæcula, et nunc et in perpétuum.;;109
Laus et perennis glória * Deo Patri, et Fílio, Sancto simul Paraclito, in sæculórum sæcula.;;110
Glória laudis * resonet in ore ómnium, Patri, genitæque Proli, Spiritui Sancto páriter resultet laude perenni.;;111
Laus Deo Patri, * parilique Proli, et tibi, Sancte, studio perenni, Spíritus, nostro resonet ab ore, omne per ævum.;;112
Ex quo ómnia, * per quem ómnia, in quo ómnia: ipsi glória in sæcula.;;116

[Capitulum Vespera]
@Psalterium/Major Special:Day6 Vespera

[Hymnus Vespera]
@Psalterium/Major Special:Hymnus Day6 Vespera

[HymnusM Vespera]
@Psalterium/Major Special:HymnusM Day6 Vespera

[Versum 1]
V. Benedicámus Patrem et Fílium cum Sancto Spíritu.
R. Laudémus et superexaltémus eum in sæcula.

[Ant 1]
Gratias * tibi Deus, grátias tibi, vera et una Trinitas, una et summa Deitas, sancta et una Unitas.

[Oratio]
Omnípotens sempitérne Deus, qui dedísti fámulis tuis in confessióne veræ fídei, ætérnæ Trinitátis glóriam agnóscere, et in poténtia majestátis adoráre Unitátem: quǽsumus; ut, ejúsdem fídei firmitáte, ab ómnibus semper muniámur advérsis.
$Per Dominum

[OratioW]
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
$Per Dominum

[Commemoratio 1]
!Commemoratio Dominica I post Pentecosten
Ant. Loquere, Dómine, quia audit servus tuus.
_
V. Vespertina orátio ascendat ad te, Dómine.
R. Et descendat super nos misericórdia tua.
_
$Oremus
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
$Per Dominum

[Invit]
Deum verum, unum in Trinitáte, et Trinitátem in Unitáte, * Veníte, adorémus.

[Hymnus Matutinum]
v. Summæ Parens cleméntiæ,
Mundi regis qui máchinam,
Uníus et substantiæ,
Trinusque persónis Deus:
_
Da déxteram sugéntibus,
Exsúrgat et mens sobria,
Flagrans et in laudem Dei
Grates rependet débitas.
_
Deo Patri sit gloria,
Natoque Patris unico,
Cum Spíritu Paraclito,
In sempiterna sæcula.
Amen.

[Ant Matutinum]
Adesto, unus Deus * omnípotens, Pater, Fílius, et Spíritus Sanctus.;;8
Te unum * in substantia, Trinitátem in persónis confitemur.;;18
Te semper idem * esse, vivere, et intellígere profitemur.;;23
V. Benedicámus Patrem et Fílium cum Sancto Spiritu.
R. Laudémus et superexaltémus eum in sæcula.
Te invocamus, * te laudamus, te adoramus, o beáta Trinitas.;;46
Spes nostra, * salus nostra, honor noster, o beáta Trinitas.;;47
Líbera, nos, * salva nos, vivifica nos, o beáta Trinitas.;;71
V. Benedíctus es, Dómine, in firmaménto cæli.
R. Et laudábilis et gloriósus in sæcula.
Caritas * Pater est, grátia Fílius, communicátio Spíritus Sanctus, o beáta Trinitas.;;95
Verax est * Pater, véritas Fílius, véritas Spíritus Sanctus, o beáta Trinitas.;;96
Pater, * et Fílius, et Spíritus Sanctus una substántia est, o beáta Trinitas.;;97
V. Verbo Dómini cæli firmáti sunt.
R. Et Spíritu oris ejus omnis virtus eórum.

[Lectio1]
De Isaía Propheta.
!Isa 6:1-4
1 In anno, quo mórtuus est rex Ozías, vidi Dóminum sedéntem super solium excélsum et elevátum: et ea, quæ sub ipso erant, replébant templum.
2 Séraphim stábant super illud: sex alæ uni, et sex alæ álteri: duabus velábant fáciem ejus, et duabus velábant pedes ejus, et duabus volábant.
3 Et clamábant alter ad álterum, et dicébant: Sanctus, sanctus, sanctus Dóminus Deus exercituum, plena est omnis terra glória ejus.
4 Et commóta sunt superliminaria cárdinum a voce clamántis, et domus repléta est fumo.

[Responsory1]
R. Vidi Dóminum sedéntem super solium excélsum et elevátum, et plena erat omnis terra majestáte ejus:
* Et ea, quæ sub ipso erant, replébant templum.
V. Séraphim stábant super illud: sex alæ uni, et sex alæ álteri.
R. Et ea, quæ sub ipso erant, replébant templum.

[Lectio2]
!Isa 6:5-8
5 Et dixi: Væ mihi, quia tácui, quia vir pollutus lábiis ego sum, et in médio pópuli pollúta lábia habéntis ego habito, et Regem Dóminum exercituum vidi óculis meis.
6 Et volávit ad me unus de Séraphim, et in manu ejus cálculus, quem fórcipe túlerat de altari.
7 Et tétigit os meum, et dixit: Ecce tétigit hoc lábia tua, et auferétur iníquitas tua, et peccátum tuum mundábitur.
8 Et audívi vocem Dómini dicentis: Quem mittam? et quis íbit nobis? Et dixi: Ecce ego, mitte me.

[Responsory2]
R. Benedíctus Dóminus Deus Israël, qui facit mirabília magna solus: 
* Et benedíctum nomen majestátis ejus in ætérnum.
V. Replébitur majestáte ejus omnis terra: fiat, fiat.
R. Et benedíctum nomen majestátis ejus in ætérnum.

[Lectio3]
!Isa 6:9-12
9 Et dixit: Vade, et dices pópulo huic: Audíte audiéntes, et nolíte intellígere: et vidéte visiónem, et nolíte cognóscere.
10 Excæca cor pópuli hujus, et aures ejus ággrava, et óculos ejus claude, ne forte vídeat óculis suis, et áuribus suis audiat, et corde suo intélligat, et convertátur, et sanem eum.
11 Et dixi: Usquequo, Dómine? Et dixit: Donec desoléntur civitátes absque habitatóre, et domus sine hómine, et terra relinquétur desérta,
12 et longe fáciet Dóminus hómines, et multiplicábitur quæ derelícta fuerat in médio terræ.

[Responsory3]
R. Benedícat nos Deus, Deus noster, benedícat nos Deus:
* Et métuant eum omnes fines terræ.
V. Deus misereátur nostri, et benedícat nos Deus.
R. Et métuant eum omnes fines terræ.
&Gloria
R. Et métuant eum omnes fines terræ.

[Lectio4]
Ex libro sancti Fulgentii Epíscopi, de fide ad Petrum.
!Inter Opera Augustini, tom. 3.
Fides, quam sancti Patriárchæ atque Prophetæ ante incarnatiónem Fílii Dei divínitus accepérunt, quam etiam sancti Apóstoli ab ipso Dómino in carne pósito audiérunt, et Spíritus Sanctus magisterio instructi non solum sermóne prædicavérunt, verum etiam ad instructiónem saluberrimam posterórum scriptis suis índitam reliquérunt; unum Deum prædicat Trinitátem, id est, Patrem, et Fílium, et Spíritum Sanctum. Sed Trinitas vera non esset, si una eademque persona dicerétur Pater et Fílius et Spíritus Sanctus.

[Responsory4]
R. Quis Deus magnus sicut Deus noster?
* Tu es Deus, qui facis mirabília.
V. Notam fecísti in pópulis virtútem tuam: redemísti in bráchio tuo pópulum tuum.
R. Tu es Deus, qui facis mirabília.

[Lectio5]
Si enim, sicut est Patris, et Fílii, et Spíritus Sancti una substantia, sic esset una persona; nihil omnino esset in quo veraciter Trinitas dicerétur. Rursus quidem Trinitas esset vera, sed unus Deus Trinitas ipsa non esset, si quemádmodum Pater, et Fílius, et Spíritus Sanctus personárum sunt ab ínvicem proprietáte distincti, sic fuissent naturárum quoque diversitate discreti. Sed quia in illo uno vero Deo Trinitáte, non solum quod unus Deus est, sed etiam quod Trinitas est, naturáliter verum est; proptérea ipse verus Deus in persónis Trinitas est, et in una natúra unus est.

[Responsory5]
R. Tibi laus, tibi gloria, tibi gratiárum actio in sæcula sempiterna, 
* O beáta Trinitas.
V. Et benedíctum nomen glóriæ tuæ sanctum: et laudábile et superexaltátum in sæcula.
R. O beáta Trinitas.

[Lectio6]
Per hanc unitátem naturalem totus Pater in Fílio et Spíritu Sancto est, totus Fílius in Patre et Spíritu Sancto est, totus quoque Spíritus Sanctus in Patre et Fílio. Nullus horum extra quémlibet ipsórum est: quia nemo alium aut præcedit æternitate, aut excedit magnitúdine, aut súperat potestate: quia nec Fílio nec Spíritu Sancto, quantum ad natúræ divinæ unitátem pértinet, aut anterior aut major Pater est; nec Fílii æternitas atque immensitas, velut anterior aut major, Spíritus Sancti immensitátem æternitatémque aut præcédere aut excédere naturáliter potest.

[Responsory6]
R. Magnus Dóminus, et laudábilis nimis: 
* Et sapiéntiæ ejus non est númerus.
V. Magnus Dóminus, et magna virtus ejus: et sapiéntiæ ejus non est finis.
R. Et sapiéntiæ ejus non est númerus.
&Gloria
R. Et sapiéntiæ ejus non est númerus.

[Lectio7]
Léctio sancti Evangélii secúndum Matthǽum.
!Matt 28:18-20
In illo témpore: Dixit Jesus discípulis suis: Dáta est mihi omnis potéstas in cælo et in terra. Euntes ergo docete omnes Gentes, baptizántes eos in nómine Patris, et Fílii, et Spíritus Sancti. Et réliqua.
_
Homilía sancti Gregórii Nazianzéni.
!In Tractatu de fide, post init.
Quis catholicórum ignórat Patrem vere esse Patrem, Fílium vere esse Fílium, et Spíritum Sanctum vere esse Spíritum Sanctum? sicut ipse Dóminus ad Apóstolos suos dicit: Euntes baptizate omnes Gentes in nómine Patris, et Fílii, et Spíritus Sancti. Hæc est perfécta Trinitas in unitate consistens, quam scilicet uníus substantiæ profitemur. Non enim nos secúndum córporum conditiónem, divisiónem in Deo fácimus; sed secúndum divinæ natúræ poténtiam, quæ in materia non est, et nóminum personas vere constare crédimus, et unitátem divinitátis esse testamur.

[Responsory7]
R. Benedicámus Patrem et Fílium cum Sancto Spíritu: 
* Laudémus et superexaltémus eum in sæcula.
V. Benedíctus es, Dómine, in firmaménto cæli: et laudábilis et gloriósus in sæcula.
R. Laudémus et superexaltémus eum in sæcula.

[Lectio8]
Nec extensiónem partis alicujus ex parte, ut quidam putavérunt, Dei Fílium dicimus: nec verbum sine re, velut sonum vocis, accípimus: sed tria nómina et tres personas uníus esse esséntiæ, uníus majestátis atque poténtiæ crédimus. Et ideo unum Deum confitemur: quia únitas majestátis, plurium vocábulo deos próhibet appellari. Denique Patrem et Fílium cathólice nominámus; duos autem Deos dicere, nec póssumus, nec debemus. Non quod Fílius Dei Deus non sit, immo verus Deus de Deo vero; sed quia non aliunde, quam de ipso uno Patre, Dei Fílium nóvimus, perinde unum Deum dícimus. Hoc enim Prophetæ, hoc Apóstoli tradidérunt: hoc ipse Dóminus docuit, cum dicit: Ego et Pater unum sumus. Unum ad unitátem divinitátis, ut dixi, refert; Sumus autem, persónis assígnat.

[Lectio8](rubrica 1960)
Nec extensiónem partis alicujus ex parte, ut quidam putavérunt, Dei Fílium dicimus: nec verbum sine re, velut sonum vocis, accípimus: sed tria nómina et tres personas uníus esse esséntiæ, uníus majestátis atque poténtiæ crédimus. Et ideo unum Deum confitemur: quia únitas majestátis, plurium vocábulo deos próhibet appellari.

[Responsory8]
R. Zwei Seraphim riefen einander zu: 
* Heilig, heilig, heilig ist der Herr, der Gott der Heerscharen: * Voll ist die ganze Erde von seiner Herrlichkeit.
V. Drei sind es, die eine Bestätigung geben im Himmel: Der Vater, das Wort und der Heilige Geist, und diese drei sind eins.
R. Heilig, heilig, heilig ist der Herr, der Gott der Heerscharen.
&Gloria
R. Voll ist die ganze Erde von seiner Herrlichkeit.

[Lectio9]
!Commemoratio Dominicæ
Léctio sancti Evangélii secúndum Lucam.
!Luc 6:36-42
In illo témpore: Dixit Jesus discípulis suis: Estote misericordes, sicut et Pater vester miséricors est. Et réliqua.
_
Homilía sancti Augustini Epíscopi.
!Serm. 15. in Evang. Matthæi de Verbis Domini, post initium.
Duo sunt ópera misericórdiæ, quæ nos liberant, quæ breviter ipse Dóminus pósuit in Evangelio: Dimittite, et dimittétur vobis: date, et dábitur vobis. Dimittite, et dimittétur vobis, ad ignoscéndum pértinet: Date, et dábitur vobis, ad præstándum benefícium pértinet. Quod ait de ignoscendo, et tu vis tibi ignosci quod peccas, et habes alium, cui tu possis ignoscere. Rursus, quod pértinet ad tribuéndum benefícium, petit te mendícus, et tu es Dei mendícus. Omnes enim quando oramus, mendici Dei sumus: ante januam magni Patrisfamilias stamus, immo et prostérnimur, súpplices ingemíscimus, aliquid voléntes accípere; et ipsum aliquid ipse Deus est. Quid a te petit mendícus? Panem. Et tu quid petis a Deo, nisi Christum, qui dicit: Ego sum panis vivus, qui de cælo descéndi? Ignosci vobis vultis? ignoscite: Remittite, et remittétur vobis. Accipere vultis? date, et dábitur vobis.
&teDeum

[Lectio9](rubrica 1960)
Denique Patrem et Fílium cathólice nominámus; duos autem Deos dicere, nec póssumus, nec debemus. Non quod Fílius Dei Deus non sit, immo verus Deus de Deo vero; sed quia non aliunde, quam de ipso uno Patre, Dei Fílium nóvimus, perinde unum Deum dícimus. Hoc enim Prophetæ, hoc Apóstoli tradidérunt: hoc ipse Dóminus docuit, cum dicit: Ego et Pater unum sumus. Unum ad unitátem divinitátis, ut dixi, refert; Sumus autem, persónis assígnat.
&teDeum

[Ant Laudes]
@:Ant Vespera:s/;;.*//g

[Capitulum Laudes]
@:Capitulum Vespera

[Hymnus Laudes]
v. Tu, Trinitátis Unitas,
Orbem poténter quæ regis,
Attende laudis cánticum,
Quod excubántes psallimus.
_
Ortus refulget Lucifer,
Præitque solem nuntius:
Cadunt ténebræ noctium:
Lux sancta nos illúminet.
_
Deo Patri sit gloria,
Ejusque soli Fílio,
Cum Spíritu Paraclito,
Nunc, et per omne sæculum. 
Amen.

[Versum 2]
@:Versum 1

[Ant 2]
Benedicta sit * sancta, creatrix et gubernatrix ómnium, sancta et individua Trinitas, nunc, et semper, et per infinita sæcula sæculórum.

[Commemoratio 2]
!Commemoratio Dominica I post Pentecostes
Ant. Estote ergo misericordes, sicut et Pater vester miséricors est, dicit Dóminus.
_
V. Dóminus regnávit, decórem induit.
R. Induit Dóminus fortitúdinem, et præcínxit se virtúte.
_
$Oremus
Deus, in te sperántium fortitudo, adesto propítius invocatiónibus nostris: et quia sine te nihil potest mortalis infirmitas, præsta auxílium gratiæ tuæ; ut in exsequéndis mandatis tuis, et voluntáte tibi et actióne placeámus. 
$Per Dominum

[Lectio Prima]
!1 Joann. 5:7
v. Tres sunt, qui testimónium dant in cælo: Pater, Verbum et Spíritus Sanctus, et hi tres unum sunt.

[Capitulum Tertia]
@:Capitulum Vespera

[Responsory Tertia]
R.br. Benedicámus Patrem et Fílium * Cum Sancto Spiritu.
R. Benedicámus Patrem et Fílium * Cum Sancto Spiritu.
V. Laudémus et superexaltémus eum in sæcula.
R. Cum Sancto Spiritu.
&Gloria
R. Benedicámus Patrem et Fílium * Cum Sancto Spiritu.
_
V. Benedíctus es, Dómine, in firmaménto cæli.
R. Et laudábilis et gloriósus in sæcula.

[Capitulum Sexta]
!2 Cor 13:13
v. Gratia Dómini nostri Jesu Christi et caritas Dei et communicátio Sancti Spíritus sit cum ómnibus vobis. Amen.
$Deo gratias

[Responsory Sexta]
R.br. Benedíctus es, Dómine, * In firmaménto cæli.
R. Benedíctus es, Dómine, * In firmaménto cæli.
V. Et laudábilis et gloriósus in sæcula.
R. In firmaménto cæli.
&Gloria
R. Benedíctus es, Dómine, * In firmaménto cæli.
_
V. Verbo Dómini cæli firmáti sunt.
R. Et Spíritu oris ejus omnis virtus eórum.

[Capitulum Nona]
@:Lectio Prima
$Deo gratias

[Responsory Nona]
R.br. Verbo Dómini * Cæli firmáti sunt.
R. Verbo Dómini * Cæli firmáti sunt.
V. Et Spíritu oris ejus omnis virtus eórum.
R. Cæli firmáti sunt.
&Gloria
R. Verbo Dómini * Cæli firmáti sunt.
_
V. Sit nomen Dómini benedíctum.
R. Ex hoc nunc, et usque in sæculum.

[Versum 3]
V. Benedíctus es, Dómine, in firmaménto cæli.
R. Et laudábilis et gloriósus in sæcula.

[Ant 3]
Te Deum * Patrem ingénitum, te Fílium unigénitum, te Spíritum Sanctum Paraclitum, sanctam et indivíduam Trinitátem, toto corde et ore confitemur, laudamus, atque benedicimus: tibi glória in sæcula.

[Commemoratio 3]
!Commemoratio Dominica I post Pentecostem
Ant. Nolíte judicáre, ut non judicémini: in quo enim judício judicavéritis, judicabímini, dicit Dóminus.
_
V. Dirigátur, Dómine, orátio mea. 
R. Sicut incénsum in conspéctu tuo.
_
$Oremus
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
$Per Dominum