NOTANDA IN PRAECEDENTES TABELLAS Quando in regulis alterutrius Tabellæ invenitur Officium de nobiliori, vel Totum de nobiliori, intelligi debet de illo ex duobus occurrentibus aut concurrentibus Festis vel Officiis, quod, ad normam tituli n præcedentium Rubricarum De Festorum præstantia, alteræ præferri debeat. 2 Dominicæ quævis assignationem perpetuam excludunt cujusvis Festi, excepta Dominica inter Circumcisionem et Epiphaniam, in qua fit Officium sanctissimi Nominis Jesu, Dominica infra Octavam Epiphaniæ, in qua Festum agitur Sanctæ Familiæ Jesu, Mariæ, Joseph, Dominica I post Pentecosten, in qua celebratur Festum Sanctissimæ Trinitatis et Dominica ante Kalendas Novembris, in qua recolitur Festum D. N. Jesu Christi Regis. 3 Vigiliæ communes, si in aliquam Dominicam inciderint, anticipantur Sabbato, juxta Rubricas, etiam sicubi a Duplici I classis occurrenti sua die perpetuo impedita fuerint; Vigiliæ vero privilegiata; ipsa die Dominica celebrantur, ut propriis locis habetur. 4 De Octavis, quæ non sunt in Breviario Romano, nihil fit a die 17 ad 25 Decembris, a Feria IV Cinerum ad Dominicam in Albis, fit a Vigilia Pentecostes ad Festum sanctissimæ Trinitatis, semper inclusive. 5 De quolibet Duplici majori vel minori aut Semiduplici, quod a Festo duplici I classis primario Domini Ecclesia; universalis impediatur, nihil fit; de Festo hujusmodi, a ceteris Duplicibus I classis impedito, nisi hoc iuerit Domini Festum in Dominica quavis aut in Vigilia Epiphaniæ occurrens, fit tantum Commemoratio ad Laudes. 6 Item de die Octava simplici vel Festo item simplici ab occurrenti Duplici II classis impeditis, fit tantum ad Laudes, et insuper, de Festo, etiam ad Matutinum, si legi possit IX Lectio historica, vel stricte propria. 7 Festa tamen alicujus Nationis, Dioecesis, Ordinis, Instituti vel particularis Ecclesiæ propria, quæ in tota Natione, Dioecesi, Ordine vel Institute aut in sua particulari Ecclesia perpetuo impediantur, si celebrentur sub ritu duplici majori vel minori aut semiduplici, reponuntur in proxima sequenti die, quæ libera sit a quolibet Officio duplici, a Festo semiduplici, a Vigiliis privilegiatis et ab Octavis II ordinis. 8 Si duo Officia ejusdem Personæ eodem die occurrant, fit de nobiliori, juxta Rubricas, et omittitur, nisi agatur de mysteriis Domini diversis, Commemoratio alterius. Idem servatur in concurrentia, et in paritate nobilitatis Vesperæ mon dimidiantur, nisi pariter agatur de diversis Domini mysteriis, sed integræ dicuntur de præcedenti sine Commemoratione sequentis. Si tamen aliquod Festum duplex majus aut minus vel semiduplex vel simplex occurrat infra aliquam Octavam communem ejusdem Persons, vel in ipsa die Octava, etiam simplici, Officium fit de Festo sub ritu et cum privilegiis ipsi Octavæ convenientibus, nisi illud sub altiori ritu sit celebrandum; et additur vel omittitur Commemoratio Octava, ut supra. 9 Feria VI post Octavam Ascensionis in occurrentia et concurrentia, et Vigilia Pentecostes in concurrentia tantum, iisdem gaudent privilegiis ac dies infra Octavam communem; sed base illis præfertur. 10 Festa Domini, et dies Octavæ item Domini, quas in universale Ecclesia sint privilegiatæ, in occurrentia accidentali et in concurrentia, Dominicæ minori præferuntur. 11 De VII die infra aliquam Octavam nihil fit in II Vesperis, si die sequent; persolvendam sit Officium de die Octava; dicuntur autem Integra Vesperæ vel fit Commemoratio juxta Rubricas, si die sequent! nihil faciendum sit de die Octava, vel etiam si concurrens dies Vn infra Octavam, juxta ordinem in titulo VII, n. 5, De Commemorationibus præscriptum, prseferri debeat diei Octaves, in Officio nobiliori commemorandæ. 12 Item nihil fit ad II Vesperas de Dominicis post Octavam Epiphanise vel Pentecostes, quæ Sabbato anticipari debuerint juxta Rubricas, quamvis Dominica sequens commemoranda tantum sit; eis tamen integra manent privilegia Dominicæ tam in occursu, quam in concursu ad I Vesperas. 13 In Nativitate Domini et tribus sequentibus diebus, in Circumcisione, in Officio sanctissimi Nominis Jesu, et in Epiphania ejusque die Octava, nulla fit Commemoratio de Dominica occurrenti, nee etiam, præterquam in II Vesperis Ss. Innocentium et Epiphaniæ, et utrisque Vesperis diei Octavæ ejusdem, de Dominica concurrenti. Officium tamen sanctissimi Nominis Jesu tarn in occursu quam in concursu admittit Commemorationem de Vigilia Epiphaniæ. Circumcisio autem Domini præfertur in occurrentia cuilibet Festo, etiam Duplici I classis, et in concurrentia non admittit Commemorationem Officii præcedentis, quod non fuerit Duplex II classis. Dies vero Octava Corporis Christi cedit in occurrentia Festis duplicibus I classis primariis Ecclesiæ universalis. 14 Infra Octavam Naiivitatis Domini, præterquam in Officio Circumcisionis, Vesperse usque ad Capitulum dicuntur semper de Octava, sub ritu Officii in concurrentia nobilioris. A Capitulo autem ipsæ Vesperæ juxta normam consuetam fiunt de Officio ex concurrentibus nobiliori, exceptis II Vesperis S. Stephani Protomartyris, cum Commemoratione alterius, si base agenda sit juxta Rubricas; sed in paritate nobilitatis fiunt semper de Officio præcedenti, cum Commemoratione sequentis. 15 De Feriis Adventus et Quadragesimæ, quando a nobiliori Officio impeditæ fuerint, semper fit Commemoratio ad Laudes et in Vesperis; de Feriis vero Quatuor Temporum et II Rogationum fit ad Laudes tantum. Itemque ad Laudes tantum fit Commemoratio de Vigiliis communibus, quando agenda est, juxta superiorem tabellam. Et tamen de Feria quam de Vigilia commemoratis, dummodo in eis idem atque in Officio currenti non habeatur Evangelium, dicitur IX Lectio de Homilia, præterquam de Feriis Adventus extra Quatuor Tempora.