XXVI. De Lectionibus

1. Lectiones leguntur ad Matutinum, dictis Psalmis Nocturnorum cum Antiphonis ,
Versibus , Absolutionibus quoque, et Benedictionibus, ut supra. In Duplicibus et
Semiduplicibus dicuntur novem Lectiones, id est, in quolibet Nocturno tres: in
Feriis, et in Festis Simplicibus leguntur tantum tres Lectiones.

2. In Officio novem Lectionum dicuntur hoc modo. In primo Nocturno semper
leguntur tres Lectiones de Scriptura: que, quando suis locis proprie, aut de
Communi Sanctorum non assignantur, semper leguntur ut in Officio de Tempore ;
qua; sua quaque die occurrunt legendas. In secundo Nocturno, si fit de Sancto,
tres Lectiones leguntur de vita Sancti, vel de aliquo Sermone, aut Tractatu, qui
ei convenit: que, si non adsint proprias, leguntur ex Communi Sanctorum. Ex quo
etiam Communi completur numerus trium Lectionum, quando Officium fit novem
Lectionum de aliquo Sancto, qui habet tantum unam vel duas Lectiones proprias.
Si fit de Dominica, vel de alio Officio novem Lectionum per annum, etiam de
Octava, leguntur tres Lectiones de Sermone, aut Tractatu, qui in illis ponitur.
In tertio Nocturno semper leguntur tres Lectiones de Homilia in Evangelium,
posite in Proprio, aut ex Communi assignata;: et prime Lectioni de Homilia
semper praeponitur principium Evangelii, de quo est Homilia, etiam infra
Octavas. Excipiuntur ab hoc ordinario Lectionum Matutina Tenebrarum ante Pascha,
et Defunctorum, ut in suis Officiis ponitur.

3. Si in Officio novem Lectionum, in quo non dicitur nonum Responsorium,
contingat fieri Commemorationem de aliquo Sancto, qui propriam habet Lectionem,
nona Lectio legitur de Sancto: si habuerit duas Lectiones, ex duabus fiat una
Lectio, omissa nona Lectione in dicto Officio novem Lectionum vel octava
Lectioni adjuncta. Item de Festo Duplici aut Semiduplici, si fiat tamquam
Simplex, legitur nona Lectio composita ex omnibus Sancti Lectionibus historicis
secundi Nocturni, ut supra dictum est in Rubrica de Commemorationibus num. 10.
Quod si eodem die occurrat Dominica, vel Feria que habeat Homiliam, nona Lectio
Sancti omittitur, et ejus loco legitur Homilia Dominice, vel Ferie; scilicet
vel prima Lectio de Homilia, vel tres simul in unam Lectionem conjuncte.
Similiter si plures occurrant none Lectiones proprie de Sanctis, legitur
tantum illa dignioris.

4. In Officio trium Lectionum, si fit de Feria, tres Lectiones leguntur de
Scriptura, nisi tres sint de Homilia, quia tunc omissis Lectionibus de Scriptura,
leguntur de Homilia. Si fit de Sancto, qui habeat duas Lectiones, prima tantum
erit de Scriptura, ut vel legatur una, vel ex tribus simul junctis fiat una;
secunda et tertia de Sancto. Si unam tantum habuerit, vel propriam, vel ex
Communi assignatam, prima et secunda erunt de Scriptura, tertia de Sancto: quod
etiam servatur in Officio beate Marie in Sabbato.

5. Lectiones autem de Scriptura in Officio de Tempore sic distribute sunt per
annum, ut quotidie aliquid ex ea legatur, etiam in Officio de Sanctis, quando
alie (ut dictum est) non assignantur.

6. Initia librorum sacre Scripturas (qui fere semper in Dominicis inchoantur)
eo die ponuntur, quo notata sunt, etiamsi fiat Officium de Sancto, nisi in
Festo alie proprie Lectiones de Scriptura, vel de Communi assignentur: tunc
enim initium Lectionis de Scriptura transfertur in sequentem diem similiter non
impeditam; et Lectiones illi diei de eadem Scriptura assignate vel cura
superioribus Lectionibus legantur, vel omittantur: ita ut non oporteat eas
amplius in alio sequenti die resumere, sed ille legantur, que sua quaque die
occurrunt, aut cum eisdem jungantur. Quod semper servetur, quando Lectiones
occurrentes de Scriptura aliquo die omittuntur.

7. Cum autem initium alicujus Epistolae catholice tempore Paschali, aut
alicujus Prophete minoris mense Novembri, infra Hebdomadam illorum temporum
impeditur aliquo Festo novem Lectionum habente proprias Lectiones de
Scriptura, dictum initium Epistolae et Prophete, quoad comode fieri poterit,
ponatur in sequenti Feria, alio simili initio Scripture ponendo, vel Festo non
impedita; alioquin in praecedenti similiter non impedita, ita ut aliquo modo
ponatur, etiamsi plura initia eodem die poni oporteat.

8. De Scriptura quoque tantum est positum, quantum satis videtur pro numero
Hebdomadarum, que esse possunt inter Epiphaniam et Septuagesimam, et inter
Pentecosten et Adventum. Ubi vero contingit minui numerum Dominicarum et
Hebdomadarum post Epiphaniam, adveniente Dominica Septuagesime, quod
superest de Epistolis beati Pauli, que distribute sunt pro numero dictarum
Dominicarum et Hebdomadarum, eo anno omittitur, quamvis de aliquibus Epistolis
nihil sit lectura. Quod etiam fit de Scriptura ex libris Regum (de quibus
legitur ab Octava Pentecostes usque ad Dominicam primam Augusti), cum non
expletur numerus Dominicarum post Pentecosten de eis libris annotatus usque ad
mensem Augusti; quia tunc, Lectionibus de his libris omissis, legitur de
Scriptura, que ponitur mense Augusti. Quod si fiat de aliqua Dominica post
Epiphaniam anticipate in Feria, eo modo quo dictum est de Dominicis num. 4 et 5;
tunc post Officium Dominice anticipate, in sequentibus diebus legatur de
Epistolis sancti Pauli assignatis Dominice anticipate, et sequentibus Feriis,
omissis aliis, que sunt assignatas praecedenti Hebdomade. Quid autem
observandum sit, cura mensis, cui quinque Dominice assignantur, non habuerit
nisi quatuor, in propriis locis notatur.

9. Lectiones de Scriptura posite in Communi Sanctorum leguntur in Festis, ubi
assignantur in Proprio Sanctorum per annum. Rursus, quando aliquod Festum in
propria Ecclesia solemniter celebratur: itera, quando aliquod Festum novem
Lectionum occurrit in Quadragesima, et Quatuor Temporibus, in secunda Feria
Rogationum, et in Vigilia Ascensionis, in quibus Feriis in Officio de Tempore
non assignantur Lectiones de Scriptura, sed de Homilia; tunc enim in Festis
recurrendum est ad Lectiones de Scriptura positas in Communi Sanctorum. Quod si
in aliquibus ex supradictis Feriis occurrat dies Octava alicujus Festi habentis
Octavam, tunc in primo Nocturno diei Octave repetantur Lectiones, que in primo
Nocturno Festi lecte fuerunt: si vero occurrat dies infra Octavam, tunc sumantur
de Communi. Alias Lectiones secundi et tertii Nocturni posite in Communi
Sanctorum similiter leguntur, quando in Proprio Sanctorum assignantur, et quando
in aliqua Ecclesia aliquod Festum celebratur cum novem Lectionibus (quia in ca
est solemne, aut consuetum in ea celebrari), quod proprias et approbatas de
Festo Lectiones non habuerit.

10. Lectiones primi Nocturni leguntur cum titulo libri, ex quo sumuntur, nisi
aliter in propriis locis notetur. Lectiones etiam secundi Nocturni, quando sunt
ex aliquo Sermone vel Tractatu, leguntur cura titulo et nomine Auctoris; alias
munire. Et similiter in tertio Nocturno preponitur titulus auctoris cujus est
Homilia.

11. In fine cuiusque Lectionis dicitur Tu autem Domine miserere nobis, et
respondetur Deo gratias. Quod etiam fit in Lectionibus brevibus in principio
Completorii, et in fine Prima post Pretiosa, preterquam in triduo majoris
Hebdomada; ante Pascha, et in Officio Defunctorum, ut suis locis ponitur.