Duodécimo Kaléndas Júnii
_
Sancti Valéntis Epíscopi, qui, una cum tribus púeris, necátus est. 
Alexandríæ commemorátio sanctórum Mártyrum Secúndi Presbýteri, et aliórum; quos sacris diébus Pentecóstes, sub Constántio Imperatóre, Ariánus Epíscopus Geórgius sævíssime occídi præcépit. 
In Mauritánia Cæsariénsi natális sanctórum Mártyrum Diaconórum Timóthei, Pólii et Eutýchii, qui, in eádem regióne disseminántes verbum Dei, páriter coronári meruérunt.
Cæsaréæ, in Cappadócia, item natális sanctórum Mártyrum Polyeúcti, Victórii et Donáti.
Córdubæ, in Hispánia, sancti Secundíni Mártyris.
Eódem die sanctórum Mártyrum Synésii et Theopómpi.
Cæsaréæ Philíppi natális sanctórum Mártyrum Nicostráti et Antíochi Tribunórum, cum áliis milítibus.
Alexandríæ commemorátio sanctórum Episcopórum et Presbyterórum; qui, ab Ariánis exsílio relegáti, sanctis Confessóribus sociári meruérunt.
Níciæ, apud Varum flúvium, sancti Hospítii Confessóris, abstinéntiæ virtúte ac prophetíæ spíritu insígnis.