100:1 Grátiam et justítiam cantábo; * tibi, Dómine, psallam.
100:2 Incédam in via immaculáta: * quando vénies ad me?
100:3 Ambulábo in innocéntia cordis mei * in domo mea.
100:4 Non ponam ante óculos meos * rem injústam; 
100:4 Faciéntem prævaricatiónes ódio hábeo: * non adhærébit mihi.
100:5 Cor pravum erit procul a me; * Quod malum est, non cognóscam.
100:6 Detrahéntem occúlte próximo suo: * hunc perdam.
100:7 Supérbum óculis et inflátum corde: * hunc non tolerábo.
100:8 Oculi mei respíciunt fidéles terræ, * ut hábitent mecum. 
100:8 Qui ámbulat in via immaculáta, * hic mihi ministrábit.
100:9 Non habitábit in domo mea, * qui facit dolum. 
100:9 Qui lóquitur mendácia, non subsístet * coram óculis meis.
100:10 Cotídie perdam * omnes peccatóres terræ, 
100:10 Extérminans de civitáte Dómini * omnes male agéntes.