120:1 Attóllo óculos meos in montes: * unde véniet auxílium mihi?
120:2 Auxílium meum a Dómino, * qui fecit cælum et terram.
120:3 Non sinet nutáre pedem tuum, * non dormitábit, qui custódit te.
120:4 Ecce non dormitábit neque dórmiet, * qui custódit Israël.
120:5 Dóminus custódit te, * Dóminus protéctio tua a látere dextro tuo.
120:6 Per diem sol non fériet te, * neque luna per noctem.
120:7 Dóminus custódiet te ab omni malo: * custódiet ánimam tuam.
120:8 Dóminus custódiet éxitum tuum et intróitum tuum, * et nunc et usque in sǽculum.