150:1 Laudáte Dóminum in sanctuário ejus, * laudáte eum in augústo firmaménto ejus.
150:2 Laudáte eum propter grándia ópera ejus, * laudáte eum propter summam majestátem ejus.
150:3 Laudáte eum clangóre tubæ, * laudáte eum psaltério et cíthara.
150:4 Laudáte eum týmpano et choro, * laudáte eum chordis et órgano.
150:5 Laudáte eum cýmbalis sonóris, laudáte eum cýmbalis crepitántibus: * omne quod spirat, laudet Dóminum!