03-07# Ex Régula Sancti Patri Nostri Benedícti. Caput 30: De púeris minóri ætáte quáliter corripiántur 
_
Omnis ætas vel intelléctus próprias debet habére mensúras. Ideóque quótiens púeri vel adulescentióres ætáte, aut qui minus intellégere possunt, quanta pœna sit excommunicatiónis, hii tales dum delínquunt, aut jejúniis nímiis affligántur aut acris verbéribus coerceántur, ut sanéntur.