04-27# Ex Régula Sancti Patri Nostri Benedícti. Caput 69: Ut in monastério non præsúmat alter álterum deféndere
_
Præcavéndum est ne quavis occasióne præsúmat alter álium deféndere mónachum in monastério aut quasi tuéri, étiam si qualívis consanguinitátis propinquitáte jungántur. Nec quólibet modo id a mónachis præsumátur, quia exínde gravíssima occásio scandalórum oríri potest. Quod si quis hæc transgréssus fúerit, ácrius coerceátur.