[Rank]
Quinta die infra Octavam Epiphaniæ;;Semiduplex;;5.6;;ex Sancti/01-06

[Rank] (rubrica 196)
Die Decima Januarii;;Feria;;1.2;;vide Sancti/01-06

[Rule]
ex Sancti/01-06
Lectio1 tempora
Doxology=Epi
9 lectiones
Feria Te Deum
(rubrica divino aut rubrica tridentina aut rubrica monastica) CPapaM=Hygínum;
Infra octavam Epiphaniæ Domini

[Lectio1]
De Epístola ad Romános
!Rom 14:1-4
1 Infírmum autem in fide assúmite, non in disceptatiónibus cogitatiónum. 
2 Alius enim credit se manducáre ómnia: qui autem infírmus est, olus mandúcet. 
3 Is qui mandúcat, non manducántem non spernat: et qui non mandúcat, manducántem non júdicet: Deus enim illum assúmpsit. 
4 Tu quis es, qui júdicas aliénum servum? Dómino suo stat, aut cadit: stabit autem: potens est enim Deus statúere illum.

[Responsory1]
@Sancti/01-06:Responsory1InfraOctavam

[Responsory2]
@Sancti/01-06:Responsory2

[Responsory3]
@Sancti/01-06:Responsory3

[Lectio2]
!Rom 14:5-8
5 Nam álius júdicat diem inter diem, álius autem júdicat omnem diem: unusquísque in suo sensu abúndet. 
6 Qui sapit diem, Dómino sapit. Et qui mandúcat, Dómino mandúcat: grátias enim agit Deo. Et qui non mandúcat, Dómino non mandúcat, et grátias agit Deo. 
7 Nemo enim nostrum sibi vivit, et nemo sibi móritur. 
8 Sive enim vívimus, Dómino vívimus: sive mórimur, Dómino mórimur. Sive ergo vívimus, sive mórimur, Dómini sumus.

[Lectio3]
!Rom 14:9-13
9 In hoc enim Christus mórtuus est, et resurréxit: ut et mortuórum et vivórum dominétur. 
10 Tu autem, quid júdicas fratrem tuum? aut tu quare spernis fratrem tuum? Omnes enim stábimus ante tribúnal Christi. 
11 Scriptum est enim: Vivo ego, dicit Dóminus, quóniam mihi flectétur omne genu: et omnis lingua confitébitur Deo. 
12 Itaque unusquísque nostrum pro se ratiónem reddet Deo. 
13 Non ergo ámplius ínvicem judicémus.

[Lectio4]
Sermo sancti Máximi Epíscopi
!Homilia 1 de Epiphania
In hac, dilectíssimi, celebritate, sicut relatu paternæ traditiónis instrúimur, multíplici nobis est festivitate lætándum. Ferunt enim, hódie Christum Dóminum nostrum vel stella duce a Géntibus adorátum: vel invitátum ad nuptias, aquas in vina vertisse; vel suscepto a Joánne baptismate, consecrasse fluénta Jordánis, suumque simul purificasse Baptistam.

[Lectio5]
Sed quid potíssimum præsénti hoc factum sit die, nóverit ipse qui fecit: nos tamen crédere, nec dubitare debemus, quidquid illud est, factum esse pro nobis. Nam quod eum fulgentioris stellæ radiis incitáti adoravére Chaldæi, Deum verum Géntibus spes data est adorandi. Quod aquæ novo sunt ordine in vina mutátæ, novi nobis póculi prælibátum est sacraméntum. Quod autem baptizátus est Agnus Dei, regenerántis baptismi salutáre nobis munus est dedicátum.

[Lectio6]
Oportet ítaque nos, fratres, ad honórem Salvatoris nostri, cujus nativitátem débita nuper cum exsultatióne transégimus, omni cum devotióne étiam hunc virtútum ejus celebrare natalem. Et quam recte tria hæc nobis uno acta in die mysteria prædicántur, qui ineffábilis Trinitátis arcanum uno Dei sub nómine confitemur! Per hæc ergo miracula Christus Dóminus Redémptor noster óculis se vóluit revelare mortalium, quátenus invisibilis ejus divinitas, quæ latebat in hómine, in opere non latéret.

[Lectio7]
Léctio sancti Evangélii secúndum Matthǽum
!Matt 2:1-12
Cum natus esset Jesus in Bethlehem Juda in diébus Herodis regis, ecce Magi ab Oriénte venérunt Jerosolymam, dicéntes: Ubi est qui natus est Rex Judæórum? Et réliqua.
_
Homilía sancti Hierónymi Presbýteri
!Liber 1 Comment. in cap. 2. Matth.
Vídimus enim stellam ejus in Oriénte. Ad confusiónem Judæórum, ut nativitátem Christi a Géntibus díscerent, óritur in Oriénte stella; quam futuram, Bálaam, cujus successores erant, vaticinio nóverant. Lege Numerórum librum. Deferúntur autem Magi stellæ indicio in Judǽam, ut sacerdótes a Magis interrogati, ubi Christus nascerétur, inexcusábiles fíerent de adventu ejus.

[Lectio8]
At illi dixérunt ei: In Bethlehem Judææ. Librariórum hic error est. Putámus enim ab Evangelista primum éditum, sicut in ipso Hebráico légimus, Judæ, non Judææ. Quæ est enim aliárum géntium Bethlehem, ut ad distinctiónem ejus, hic Judææ ponerétur? Judæ autem idcirco scribitur, quia est et alia Bethlehem in Galilæa. Lege librum Jesu fílii Nave. Dénique et in ipso testimonio, quod de Michææ prophetía sumptum est, ita habétur: Et tu Bethlehem terra Juda.

[Lectio9]
Et, apertis thesáuris suis, obtulérunt ei múnera, aurum, thus et myrrham. Pulcherrime munerum sacraménta Juvencus Presbyter uno versículo comprehéndit: Thus, aurum, myrrham, Regíque, hominíque, Deóque dona ferunt. Et responso accepto in somnis, ne redirent ad Herodem, per aliam viam reversi sunt in regiónem suam. Qui múnera obtulerant Dómino, consequenter responsum accipiunt, non per Angelum, sed per ipsum Dóminum: ut meritórum Joseph privilegium demonstrarétur. Revertúntur autem per aliam viam: quia infidelitáti miscéndi non erant Judæórum.
&teDeum

[Ant 2]
Omnes natiónes * vénient a longe, portántes múnera sua, allelúja.

[Ant 3]
Omnes de Saba * vénient, aurum et thus deferéntes, allelúja, allelúja.

[Ant 1]
@Sancti/01-09:Ant 3