[Rank]
Commemoratio S Priscae Virginis;;Simplex;;1.1;;vide C6

[Rule]
vide C6;

[Oratio]
Da quaesumus omnipotens Deus: ut qui beatae Priscae Virginis et Martyris tuae~
natalitia colimus, et annua solemnitate laetemur, et tantae fidei proficiamus~
exemplo.
$Per Dominum

[Lectio93]
Prisca, nobilis virgo Romana, tredecim annos nata, Claudio imperatore,~
christianae fidei accusata, eiusdem jussu ducta ad Apollinis templum, ut idolis~
immolaret, cum rem detestaretur, colaphis csesa, in carcerem traditur: atque~
inde emissa, cum in fidei constantia perseveraret, affecta verberibus,~
ferventique adipe delibata, rursus in carcerem includitur. Post triduum in~
amphitheatrum producta, leoni objicitur: qui suae feritatis oblitus, humiliter~
se ad ejus pedes abjecit. Quae postea in ergastulo triduum inedia afflicta, in~
equuleo suspenditur, et ungulis ferreis excarnificata in rogum injicitur, unde~
etiam mirabiliter evasit incolumis. Denique extra Urbem capite abscisso,~
virginitatis palmam martyrii corona cumulavit Cujus corpus via Ostiensi, decimo~
ab Urbe milliario, a Christianis decimo quinto Kalendas Februarii sepelitur.
&teDeum