[Rank]
In Octava S. Joannis Baptistæ;;Duplex;;3.1;;vide Sancti/06-24

[Rule]
vide C1;
9 lectiones
					
[Lectio4]
Sermo sancti Maximi Epíscopi.
!Homilia 3. in Nativ. S. Joannis Bapt.
Festivitatem præsentis diei, fratres carissimi, venerandi Joannis Baptistæ genuina nativitas consecravit: qui idcirco in hoc sæculum superna dispensatione directus est, ut non solum ipse prophetali sublimaretur gloria, sed ut et omnium étiam per eum prophetarum præconia firmarentur. Nec immerito illum præcipuo honore nunc veneramur, qui speciali quadam gratia, ob hoc Redemptorem mundi novissimus prophetavit, ut ostenderet eum primus. Hic enim solus est prophetarum, qui Dominum nostrum Jesum Christum, quem alii in longa tempora futurum præscierunt, propriis oculis videre meruit, et annuntiare præsentem.

[Lectio5]
Hic est ille, quem, inspirante Deo, præscius annuntiat Isaias, dicens: Vox clamantis in deserto, Parate viam Domini. Quam congrue fratres carissimi beatus Joannes prædicatus est vox, qui cælestis Verbi et præco mittebatur, et testis. Hic est ille, cujus per Angelum Gabrielem prænuntiatur nativitas, et nomen, et meritum. Hic est, qui judicio cælestis sententiæ cunctis mortalibus antefertur, dicente Domino: Non surrexit inter natos mulierum major Joanne Baptista. Quam pulchre dictum est, inter natos mulierum non esse majorem: quia ille omnimodis major erat Joanne, qui de Virgine nascebatur.

[Lectio6]
Quibus perspectis, advertite dilectissimi, quantam huic reverentiam, quantum devotionis debeamus impendere: qui ut honorabilis sit, a sancto est Spiritu prophetatus, promissus ab Angelo, laudatus a Domino, et perpetua sanctæ mortis gloria consecratus. Decebat namque, ut mysticam nativitatem ejus mirabilis vita sequeretur, et sanctam perfectamque vitam mors Deo devota concluderet. Propter quod, fratres, rectissime toto hodie orbe, Christi Ecclesia primordia nativitatis ejus lætissima festivitate concelebrat, qui æterna mortalibus adesse gaudia, stupenti mundo testis fidelissimus revelavit.

[Lectio7]
Léctio sancti Evangélii secúndum Lucam.
!Luc 1:57-65
Elisabeth impletum est tempus pariendi, et peperit filium. Et audierunt vicini et cognati ejus. quia magnificavit Dominus misericordiam suam cum illa, et congratulabantur ei. Et réliqua.
_
De Homilia sancti Ambrósii Epíscopi.
!Lib. 2. in Luca3 cap. L, circa finem.
Joannes est, inquit, nomen ejus. Non poterat Elisabeth Domini ignorare prænuntium, quæ prophetaverat Christum. Bene additur: Quia nemo in cognatione ejus vocabatur hoc nomine, ut intelligas nomen non generis esse, sed vatis. Zacharias quoque nutu interrogatur: sed quia incredulitas ei affatum eripuerat et auditum; quod voce non poterat, manu et litteris est locutus.

[Lectio8]
Scripsit enim dicens: Joannes est nomen ejus. Et hic nomen non imponitur, sed astruitur: meritoque continuo resoluta est lingua ejus: quia quam vinxerat incredulitas, fides solvit. Credamus et nos igitur, ut loquamur; ut lingua nostra, quæ incredulitatis vinculis est ligata, rationis voce solvatur.

[Lectio9]
Scribamus spiritu mysteria, si volumus loqui: scribamus prænuntium Christi, non in tabulis lapideis, sed in tabulis cordis carnalibus. Etenim qui Joánnem loquitur, Christum prophetat. Loquamur Joánnem, loquamur et Christum: ut nostrum quoque os possit aperiri, quod in sacerdote tanto, irrationabilis modo pecudis, fræna nutantis fidei coërcebant.
&teDeum

[Commemoratio 2]
!Commemoratio Octavæ Ss. Petri et Pauli
Ant. Gloriosi principes terræ, quomodo in vita sua dilexerunt se, ita et in morte non sunt separati.
_
V. In omnem terram exivit sonus eorum.
R. Et in fines orbis terræ verba eorum.
_
$Oremus
Deus, qui hodiernam diem Apostolorum tuorum Petri et Pauli martyrio consecrasti: da Ecclesiæ tuæ, eorum in omnibus sequi præceptum, per quos religionis sumpsit exordium.
$Per Dominum