[Rank]
In Octava Assumptionis Beatæ Mariæ Virginis;;Duplex;;3.1;;vide Sancti/08-15

[Rule]
vide Sancti/08-15;
9 lectiones

[Commemoratio]
!Commemoratio Ss. Timothei, Hippolyti et Symphoriani Mart.
@Commune/C3:Oratio proper
$Oremus
Auxílium tuum nobis, Dómine, quǽsumus, placátus impende: et, intercedéntibus beátis Martýribus tuis Timótheo, Hippolýto et Symphoriáno, déxteram super nos tuæ propitiatiónis exténde.
$Per Dominum

[Lectio1]
De Canticis canticorum.
!Cant 8:5-6
5 quæ est ista quæ ascendit de deserto deliciis affluens et nixa super~
dilectum suum sub arbore malo suscitavi te ibi corrupta est mater tua ibi~
violata est genetrix tua
6 pone me ut signaculum super cor tuum ut signaculum super brachium tuum quia~
fortis est ut mors dilectio dura sicut inferus æmulatio lampades ejus lampades~
ignis atque flammarum

[Responsory1]
@Sancti/08-15:Responsory1

[Lectio2]
!Cant 8:7-9
7 aquæ multæ non poterunt extinguere caritatem nec flumina obruent illam si~
dederit homo omnem substantiam domus suæ pro dilectione quasi nihil despicient~
eum
8 soror nostra parva et ubera non habet quid faciemus sorori nostræ in die~
quando adloquenda est
9 si murus est ædificemus super eum propugnacula argentea si ostium est~
conpingamus illud tabulis cedrinis

[Responsory2]
@Sancti/08-15:Responsory2

[Lectio3]
!Cant 8:10-13;
10 ego murus et ubera mea sicut turris ex quo facta sum coram eo quasi pacem~
repperiens
11 vinea fuit Pacifico in ea quæ habet populos tradidit eam custodibus vir~
adfert pro fructu ejus mille argenteos
12 vinea mea coram me est mille tui Pacifice et ducenti his qui custodiunt~
fructus ejus
13 quæ habitas in hortis amici auscultant fac me audire vocem tuam. Fuge~
dilecte mi, et assimilare capreæ hinnuloque cervorum super montes aromatum.

[Responsory3]
@Sancti/08-15:Responsory3

[Lectio4]
De Sermone sancti Bernardi Abbatis.
!Serm. 4. de Assumptione, circa med.
Non est equidem quod me magis delectet, sed nec est quod terreat magis, quam de~
gloria Virginis Mariæ habere sermonem. Ecce enim si in ea laudavero~
virginitatem, mihi multæ virgines post eam videntur offerri. Si humilitatem~
prædicavero, invenientur forte vel pauci, qui (docente Filio ejus) mites facti~
sunt et humiles corde. Si magnificare voluero misericordiæ ejus multitudinem,~
sunt aliqui misericordiæ viri, étiam et mulieres. Unum est in quo nec primam~
similem visa est, nec habere sequentem, gaudia matris habens cum virginitatis~
honore. Mariæ privilegium est, non dabitur alteri: singulare est, sed continuo~
étiam indicibile invenitur.

[Responsory4]
@Sancti/08-15:Responsory4

[Lectio5]
Verumtamen non hoc tantum, si diligenter attendas, sed ceteras quoque virtutes~
singulares prorsus invenies in Maria, quæ videbantur esse communes. Quæ enim~
vel angelica puritas virginitati illi audeat comparari, quæ digna fuit Spiritus~
sancti sacrarium fieri, et habitaculum Filii Dei? Quanta vero, et quam prætiosa~
humilitatis virtus cum tanta puritate, cum innocentia tanta, cum conscientia~
prorsus absque delicto, imo cum tantæ gratiæ plenitudine? Unde tibi humilitas,~
et tanta humilitas, o beata? Digna plane quam respiceret Dominus, cujus decorem~
concupisceret Rex, cujus odore suavissimo ab æterno illo paterni sinus~
attraheretur accubitu.

[Responsory5]
@Sancti/08-15:Responsory5

[Lectio6]
Ecce jam quibus potiumus votis ascendentem te ad Filium deduximus, et prosecuti~
sumus saltem a longe, Virgo benedicta. Sit pietatis tuæ, ipsam, quam apud Deum~
gratiam invenisti, notam facere mundo, reis veniam, medelam ægris, pusillis~
corde robur, afflictis consolationem, periclitantibus adjutorium, et~
liberationem sanctis tuis precibus obtinendo. In hac quoque die solemnitatis et~
lætitiæ dulcissimum Mariæ nomen cum laude invocantibus servulis, per te~
Regina clemens, gratiæ suæ munera largiatur Jesus Christus, Filius tuus,~
Dominus noster, qui est super omnia Deus benedictus in sæcula. Amen.

[Responsory6]
@Sancti/08-15:Responsory6

[Lectio7]
Léctio sancti Evangélii secúndum Lucam.
!Luc 10:38-42
In illo témpore: Intravit Jesus in quoddam castellum: et mulier quædam, Martha~
nomine, excepit illum in domum suam. Et réliqua.
_
Homilia sancti Bernardi Abbatis.
!Serm. 2. de Assumpt. B. M. V.
Quid introisse eum dicimus in castellum? Etiam in angustissimum virginalis uteri~
diversorium introivit. Denique et mulier quædam excepit illum in domum suam.~
Felix mulier, cujus domus, Salvatore suscepto, inventa est munda quidem, sed~
plane non vacua. Quis enim vacuam dixerit, quam salutat Angelus gratia plenam?~
Neque hoc solum, sed adhuc quoque in eam superventurum asserit Spiritum sanctum.~
Ad quid, putas, nisi ut étiam superimpleat eam? Ad quid, nisi ut adveniente jam~
Spiritu plena sibi, eodem superveniente, nobis quoque superplena et~
supereffluens fiat?

[Responsory7]
R. Felix namque es, sacra Virgo Maria, et omni laude dignissima:
* Quia ex te ortus est sol justitiæ, Christus Deus noster.
V. Ora pro populo, interveni pro clero, intercede pro devoto femineo sexu:~
sentiant omnes tuum juvamen, quicumque celebrant tuam sanctam festivitatem.
R. Quia ex te ortus est sol justitiæ, Christus Deus noster.

[Lectio8]
Intret ergo domum Salvator, et frequenter visitet eam, quam pænitens Lazarus~
mundat, ornat Martha, et Maria replet internæ dedita contemplationi. Sed forte~
curiosus quisquam requirat cur in præsenti evangelica lectione nulla prorsus~
Lazari mentio fiat. Arbitror sane, ne id quidem a proposita similitudine~
dissidere. Virginalem etenim domum intelligi volens Spiritus, siluit non~
incongrue pænitentiam, quæ malum utique comitatur. Absit enim ut proprii~
quidquam inquinamenti domus hæc aliquando habuisse dicatur, ut in ea proinde~
scopa Lazari quæreretur.

[Responsory8]
@Sancti/08-15:Responsory8

[Lectio93]
!Commemoratio Ss. Mart. Timotheo, Hippolyto et Symphoriano.
Tlimotheus Antiochenus, Romam veniens, Melchiade Summo Pontifice, cum per annum~
ibi Christi fidem prædicasset, a Tarquinio Urbis præfecto conjicitur in~
vincula: et post diuturnas carceris ærumnas ad idola perducitur, ut eis~
sacrificet. Quam impietatem summa libertate detestatus, acerbissime cæditur, et~
excarnificatum corpus viva calce perfunditur. In quibus aliusque suppliciis~
constans Martyr capite plectitur. Corpus via Ostiensi prope sepulchrum beati~
Pauli Apostoli sepelitur. Quo die etiam, Alexandro imperatore, apud Ostia~
iberina Hippolytus episcopus Portuensis ob præclaram fidei confessionem~
manibus pedibusque ligatis, in altam foveam aquis plenam præcipitatus, martyrio~
coronatus est, et ibidem a Christianis sepultus. Quo item die, Aureliano~
imperatore, propter eamdem fidem Augustíni Symphorianus adolescens varie tortus~
est. Qui dum ad ultimum supplicium duceretur, matrem ita clamantem audiens: Nate,~
nate, memento æternæ vitæ, cælum suspice, et ibi regnantem intuere: tibi enim~
vita non eripitur, sed mutatur in melius: fortiter Jesu Christi causa carnifici~
collum præbuit.
&teDeum