[Rank]
S. Nicolai de Tolentino Confessoris;;Duplex;;3;;vide C5

[Rule]
vide C5;
9 lectiones

[Oratio]
Adésto, Dómine, supplicatiónibus nostris, quas in beáti Nicolái Confessóris tui solemnitáte deférimus: ut, qui nostræ justítiæ fidúciam non habémus, ejus qui tibi plácuit, précibus adjuvémur.
$Per Dominum

[Lectio4]
Nicolaus, Tolentinas a diuturno illíus civitátis domicílio appellatus, in oppido sancti Angeli in Piceno est natus piis paréntibus; qui, liberórum desidério Bárium voti causa profecti, ibique a sancto Nicoláo de futura prole confírmati, quem suscepérunt fílium de illíus nómine appellarunt. Is ab infántia multárum virtútum, sed abstinéntiæ in primis, specimen dedit. Nam anno vix septimo, beátum ipsum Nicolaum imitatus, complures hebdomadæ dies jejunare cœpit; eamque póstea consuetúdinem retinuit, solo pane et aqua contentus.

[Lectio5]
Adulta ætate, jam clericali milítiæ adscriptus et canonicus factus, cum quodam die concionatórem ordinis Eremitárum sancti Augustíni de mundi contemptu dicéntem audísset, eo sermóne inflammatus, statim eumdem ordinem est ingréssus. In quo tam exactam religiosæ vitæ ratiónem coluit, ut áspero vestítu, verbéribus et férrea catena corpus domans, atque a carne et omni fere obsónio ábstinens, caritate, humilitate, patiéntia ceterisque virtútibus, aliis prælucéret.

[Lectio6]
Orándi assiduum studium, quamvis sátanæ insídiis varie vexátus et flagellis intérdum cæsus, non intermittebat. Demum, sex ante óbitum mensibus, singulis noctibus angelicum concentum audívit; cujus suavitate cum jam paradisi gaudia prægustaret, crebro illud Apóstoli repetebat: Cupio dissolvi, et esse cum Christo. Denique óbitus sui diem frátribus prædixit, qui fuit quarto Idus Septembris. Miraculis multis étiam post mortem cláruit; quibus rite et ordine cógnitis, ab Eugenio Papa quarto in Sanctórum númerum est relatus.

[Lectio7]
@Commune/C5:Lectio7 in 2 loco

[Lectio8]
@Commune/C5:Lectio8 in 2 loco

[Lectio9]
@Commune/C5:Lectio9 in 2 loco

[Lectio94]
Nicoláus, Tolentínas a diutúrno illíus civitátis domicílio appellátus, in óppido sancti Angeli in Picéno natus est piis paréntibus, qui illum ex voto, sancti Nicolái intercessióne, a Deo impetrárunt. Puer, multárum virtútum, abstinéntiæ in primis, spécimen dedit. Clericáli milítiæ dein adscríptus et canónicus factus, cum quodam die concionatórem órdinis Eremitárum sancti Augustíni de mundi contémptu dicéntem audísset, eo sermóne inflammátus, statim eúndem órdinem est ingréssus; in quo tam exáctam religiósæ vitæ ratiónem cóluit, ut jejúnio, rudi vestítu, verbéribus et áspera caténa corpus domáret, atque ómnibus áliis virtútibus prælucéret. Orándi assíduum stúdium, quamvis sátanæ insídiis várie vexátus et flagéllis intérdum cæsus, non intermittébat. Sex ante óbitum ménsibus, síngulis nóctibus angélicum concéntum audívit, et tandem, óbitus die prænuntiáto, obdormívit in Dómino. Miráculis in vita et post mortem clarus, ab Eugénio quarto in Sanctórum númerum relátus est.
&teDeum