[Rank]
Tertia die infra Octavam S. Nativitatis Beatæ Mariæ Virginis;;Semiduplex;;2;;ex Sancti/09-08

[Rule]
ex Sancti/09-08;
9 lectiones
Doxology=Nat

[Lectio7]
Léctio sancti Evangélii secúndum Matthǽum.
!Matt 1:1-17
Liber generationis Jesu Christi filii David, filii Abraham. Abraham genuit~
Isaac. Isaac autem genuit Jacob. Et réliqua.
_
De Homilia S. Hierónymi Presbýteri
_
Et post transmigrationem Babylonis Jechonias genuit Salathiel. Si uoluerimus~
Jechoniam in fine primæ tessaradecadis ponere, in sequenti non erunt~
quattuordecim, sed tredecim. Sciamus igitur Jechoniam priorem ipsum esse quem et~
Joacim, secundum autem filium non patrem. Quorum prior describitur; quod~
scriptorum uitio et longitudine temporum apud Græcos Latinosque confusus est.

[Lectio8]
Jacob autem genuit Joseph. Hunc locum obiecit nobis Julianus Augustus~
dissonantiæ evangelistarum, cur evangelista Matthæus Joseph dixerit filium Jacob, et~
Lucas eum filium appellarit Heli, non intelligens consuetudinem scripturarum,~
quod alter secundum naturam, alter secundum legem ei pater sit. Scimus enim hoc~
per Moysem deo jubente præceptum, ut si frater aut propinquus absque liberis~
mortuus fuerit, alius ejus frater accipiat uxorem ad suscitandum semen fratris,~
uel propinqui sui. Joseph uirum Mariæ, cum utrum audieris, suspitio tibi non~
subeat nuptiarum, sed recordare consuetudinis scripturarum, quod sponsi uiri, et~
sponsæ uocentur uxores.

[Lectio9]
Et a transmigratione Babylonis usque ad Christum generationes quattuordecim.~
Numera a Jechonia usque ad Joseph, et inuenies generationes tredecim.~
Quartadecima ergo generatio in ipsum Christum reputabitur. Christi autem~
generatio sic erit. Quærat diligens lector, et dicat: Cum Joseph non sit pater~
domini salvatoris, quid pertinet ad dominum generationis ordo deductus usque ad~
Joseph? Cui respondebimus primum, non esse consuetudinis scripturarum, ut~
mulierum in generationis ordo texatur: deínde, ex una tribu fuísse Joseph et~
Mariam, unde ex lege eam accipere cogebatur ut propinquam:
&teDeum