[Rank]
S. Lini Papæ et Martyris;;Semiduplex;;2.2;;vide C2

[Rule]
vide C2;
9 lectiones
OPapaM=Linum;

[Oratio]
Deus, qui nos beati Lini Martyris tui atque Pontificis annua solemnitate~
lætificas: concede propitius; ut cujus natalitia colimus, de ejusdem etiam~
protectione gaudeamus.
$Per Dominum

[Commemoratio]
!Commemoratio S. Theclæ Virginis et Martyris
@Commune/C6:Oratio proper
v. Oremus.
Da, quæsumus, omnipotens Deus: ut qui beatæ Theclæ Virginis et Martyris tuæ~
natalitia colimus, et annua solemnitate lætemur, et tantæ fidei proficiamus~
exemplo.
$Per Dominum

[Lectio4]
Linus Pontifex, Volaterris in Etruria natus, primus post Petrum gubernavit~
Ecclesiam. Cujus tanta fides et sanctitas fuit, ut non solum dæmones ejiceret,~
sed étiam mortuos revocaret ad vitam. Scripsit res gestas beati Petri, et ea~
maxime quæ ab illo acta sunt contra Simonem magum. Sancivit, ne qua mulier,~
nisi velato capite in ecclesiam introiret. Huic Pontifici caput amputatum est ob~
constantiam christianæ fidei, jussu Saturnini impii et ingratissimi consularis,~
cujus filiam a dæmonum vexatione liberaverat. Sepultus est in Vaticano prope~
sepulchrum principis Apostolorum, nono Kalendas Octobris. Sedit annos undecim,~
menses duos, dies viginti tres, creatis bis mense Decembri episcopis quindecim,~
presbyteris decem et octo.

[Lectio5]
De Expositione sancti Ambrósii Epíscopi in psalmum centesimum decimum octavum.
!Sermone 21.
Principes persecuti sunt me gratis: et a verbis tuis trepidavit cor meum. Bene~
hoc Martyr dicit, quod injuste persecutionum tormenta sustineat: qui nihil~
rapuerit, nullum violentus oppresserit, nullius sanguinem fuderit, nullius torum~
putaverit esse violandum: qui nihil legibus debeat, et graviora latronum~
sustinere cogatur supplicia: qui loquatur juste, et non audiatur: qui loquatur~
plena salutis, et impugnetur: ut possit dicere, Cum loquebar illis, impugnabant~
me gratis. Gratis igitur persecutionem patitur, qui impugnatur sine crimine:~
impugnatur ut noxius, cum sit in tali confessione laudabilis: impugnatur quasi~
veneficus, qui in nomine Domini gloriatur, cum pietas virtutum omnium~
fundamentum sit.

[Lectio6]
Vere frustra impugnatur, qui apud impios et infidos impietatis arcessitur, cum~
fidei sit magister. Verum qui gratis impugnatur, fortis debet esse et constans.~
Quomodo ergo subtexuit: Et a verbis tuis- trepidavit cor meum? Trepidare~
infirmitatis est, timoris atque formidinis. Sed est étiam infirmitas ad salutem,~
est étiam timor sanctorum. Timete Dominum, omnes sancti ejus: et, Beatus vir,~
qui timet Dominum. Qua ratione beatus? Quia in mandatis ejus cupit nimis.

[Lectio93]
!Commemoratio S. Theclæ Virginis et Martyris 
Thecla virgo, ex illustribus parentibus Iconii nata, a Paulo Apostolo fidei~
præceptis instituta, miris sanctorum Patrum laudibus celebratur. Quæ decimum~
octavum annum agens: Thamiride sponso relicto, cum eam parentes, quod Christiana~
esset, accusassent, in ardentem rogum, qui, nisi Christo renuntiaret, ei paratus~
erat, prius signo crucis armata seipsam injecit. Sed igne pluvia, quæ repente~
exorta est, exstincto, Antiochiam venit: ubi feris objecta, et tauris in diversa~
incitatis alligata, mox conjecta in fossam plenam serpentibus, ex omnibus Jesu~
Christi gratia liberatur. Cujus ardore fidei et vitæ sanctitate multi ad~
Christum conversi sunt. Iterum in patriam rediens, in montem sola secessit:~
deínde multis virtutibus et miraculis insignis, nonagenaria migravit ad Dominum,~
ac Seleuciæ sepulta est. 
&teDeum

[Lectio94]
@Sancti/09-23:Lectio94