[Rank]
S. Franciscæ Xaveriæ Cabrini Virginis;;Semiduplex;;2.2;;vide C6

[Rule]
vide C6;

[Oratio]
Dómine Jesu Christe, qui sanctam Vírginem Francíscam Xavériam, Sacratíssimi Cordis tui igne succénsam, per amplíssimas mundi plagas ad ánimas tibi lucrándas deduxísti, et per eam novam in Ecclésia tua Vírginum famíliam suscitásti; quǽsumus; ut ipsa intercedénte, eiúsdem Cordis tui virtútibus induámur, atque ad ætérnum beatitúdinis portum perveníre mereámur. 
$Qui vivis

[Hymnus Matutinum]
v. Ex Corde Jesu cóncipit
Francísca flammas, ímpete
Queis fide Christi ad éxtimas
Festínat oras núntia.
_
Quacúmque transit, íllico
Odóra spirant lília
Horrens et ante vépribus
Tellus virétis énitet.
_
Eam migrántes Itali,
Terras per omnes díditi
Sensére matrem, sédulam
Leváre curas éxulum.
_
Non ira bacchans ǽquorum
Nivósa nec cacúmina,
Plagæ vel æstu tórridæ
Fortem morántur féminam.
_
Virtus, honor, laus, glória
Deo Patri cum Fílio
Sancto simul Paráclito
In sæculórum sǽcula.
Amen.

[Lectio94]
Francísca Xavéria in óppido Sancti Angeli, diœcésis Laudénsis, orta, jam inde a puerítia Deo devótam vitæ ratiónem instítuit. Trédecim annos nata, sacratíssimo Cordi Jesu virginitátem vovit. At, non bene valens, religiónem cum postulásset, unam alterámque repúlsam passa est. Ludi magístræ múnere functam, orphanotróphio moderándo præfécit eam epíscopus, a quo étiam ad novam condéndam religiónem missionáriam incitabátur.  Itaque Cotónei, apud sacéllum beátæ Vírginis de Grátiis, cum ipsa trigínta esset annórum, missionálium vírginum a Sacro Corde Jesu fundaménta iecit. Cum autem hæréret anceps, Dei nutum crédidit elóquium Leónis décimi tértii jubéntis ad oras navigáre occíduas. Océanum quater et vícies prætergréssa, in América Septentrionáli mater Italórum méruit appellári.  Deo semper inténta et confísa, beátam Vírginem Maríam Congregatiónis suæ Matrem salutábat. Institútum suum mirífice propagávit, sexagínta septem dómibus ab ipsa constitútis. Demum Chicágiæ, die vigésima secúnda decémbris, anno millésimo nongentésimo décimo séptimo, cursum consummávit ejúsque exúviæ Neo-Eborácum translátæ sunt. Quam Pius undécimus beátis, Pius vero duodécimus sanctis Virgínibus accénsuit.
&teDeum

[Hymnus Laudes]
v. Divína Jesu cáritas,
Tu magna sola pérficis,
Quæ, vertis ipsas vírgines
In férvidos apóstolos.
_
Per te refúlsit ínclita
Francísca, spreto sǽculo,
Sexúque major glóriam
Dei per orbem prótulit.
_
Beáta Mater, réspice
Cælo benígna fílias,
Tuúmque fac virtútibus
Opus viréscat, flóreat:
_
Cor perge Jesu fléctere,
Stirpes ut omnes cóngreget
Et prona nobis ímpetra
Flammas amóris ǽmulas.
_
Virtus, honor, laus, glória
Deo Patri cum Fílio
Sancto simul Paráclito
In sæculórum sǽcula.
Amen.

[Hymnus Vespera]
v. Beáta cæli régia
Lætis resúltet cántibus
Plausúque terra súbdita
Polis utrísque cónsonet.
_
Præcíncta nimbo glóriæ
Francísca, inhǽrens ímpigra
Xavérii vestígiis
Triúmphat inter Cǽlites.
_
Ætáte jam tenéllula
Amóre Jesum déperit
Ipsúmque volvit péctore
Inférre cunctis géntibus.
_
Vox ecce dia própulit 
Nido colúmbam pátrio;
Fines ad orbis últimos
Frequénter ipso cónvolat.
_
Virtus, honor, laus, glória
Deo Patri cum Fílio
Sancto simul Paráclito
In sæculórum sǽcula.
Amen.

[Commemoratio]
!Commemoratio S. Didaci Confessoris
@Commune/C5:Oratio proper
$Oremus
Omnípotens sempitérne Deus, qui dispositióne mirábili infírma mundi éligis, ut fórtia quæque confúndas: concéde propítius humilitáti nostræ; ut, piis beáti Dídaci Confessóris tui précibus, ad perénnem in cælis glóriam sublimári mereámur.
$Per Dominum