[Rank] S. Cæciliæ Virginis et Martyris;;Duplex;;3;;vide C6b [Rank] (rubrica 1570) S. Cæciliæ Virginis et Martyris;;Semiduplex;;2.2;;vide C6b [Rule] vide C6b; 9 lectiones [Ant Vespera] Cantántibus orgánis, * Cæcília Dómino decantábat, dicens: Fiat cor meum immaculátum, ut non confúndar.;;109 Valeriánus * in cubículo Cæcíliam cum Angelo orántem invénit.;;112 Cæcília * fámula tua, Dómine, quasi apis tibi argumentósa desérvit.;;121 Benedíco te, * Pater Dómini mei Jesu Christi, quia per Fílium tuum ignis exstínctus est a látere meo.;;126 Triduánas * a Dómino popósci indúcias, ut domum meam ecclésiam consecrárem.;;147 [Ant 1] Est secrétum, * Valeriáne, quod tibi volo dícere: Angelum Dei hábeo amatórem, qui nímio zelo custódit corpus meum. [Oratio] Deus, qui nos ánnua beátæ Cæcíliæ Vírginis et Mártyris tuæ solemnitáte lætíficas: da, ut, quam venerámur offício, étiam piæ conversatiónis sequámur exémplo. $Per Dominum [Ant Matutinum] Cæcília virgo * Almáchium superábat: Tibúrtium et Valeriánum ad corónas vocábat.;;8 Expánsis mánibus * orábat ad Dóminum, ut eam eríperet de inimícis.;;18 Cilício * Cæcília membra domábat, Deum gemítibus exorábat.;;23 V. Spécie tua et pulchritúdine tua. R. Inténde, próspere procéde, et regna. Dómine Jesu Christe, * seminátor casti consílii, súscipe séminum fructus, quos in Cæcília seminásti.;;44 Beáta Cæcília * dixit ad Tibúrtium: Hódie te fáteor meum cognátum, quia amor Dei te fecit esse contemptórem idolórum.;;45 Fiat, Dómine, * cor meum et corpus meum immaculátum, ut non confúndar.;;47 V. Adjuvábit eam Deus vultu suo. R. Deus in médio ejus, non commovébitur. Crédimus Christum * Fílium Dei verum Deum esse, qui sibi talem elégit fámulam.;;95 Nos sciéntes * sanctum nomen ejus, omníno negáre non póssumus.;;96 Tunc Valeriánus * perréxit, et signo quod accéperat, invénit sanctum Urbánum.;;97 V. Elégit eam Deus, et præelégit eam. R. In tabernáculo suo habitáre facit eam. [Lectio1] @Commune/C6:Lectio1 [Responsory1] R. Cantántibus órganis, Cæcília virgo in corde suo soli Dómino decantábat, dicens: * Fiat, Dómine, cor meum et corpus meum immaculátum, ut non confúndar. V. Biduánis et triduánis jejúniis orans, commendábat Dómino quod timébat. R. Fiat, Dómine, cor meum et corpus meum immaculátum, ut non confúndar. [Lectio2] @Commune/C6:Lectio2 [Responsory2] R. O beáta Cæcília, quæ duos fratres convertísti, Almáchium judicem superásti, * Urbanum episcopum in vultu angelico demonstrásti. V. Quasi apis argumentosa Dómino deservísti. R. Urbanum episcopum in vultu angelico demonstrásti. [Lectio3] @Commune/C6:Lectio3 [Responsory3] R. Virgo gloriósa semper Evangélium Christi gerébat in péctore, et non diébus neque nóctibus vacábat * A collóquiis divínis et oratióne. V. Expánsis mánibus, orábat ad Dóminum, et cor ejus igne cælésti ardébat. R. A collóquiis divínis et oratióne. &Gloria R. A collóquiis divínis et oratióne. [Lectio4] Cæcília, Virgo Romana, nobili genere nata, a prima ætate christianæ fidei præceptis instituta, virginitátem suam Deo vovit. Sed, cum póstea, contra suam voluntátem, data esset in matrimónium Valeriáno, prima nuptiárum nocte hunc cum eo sermónem hábuit: Ego, Valeriane, in Angeli tutela sum, qui virginitátem meam custódit; quare ne quid in me committas, quo ira Dei in te concitétur. Quibus verbis commótus Valerianus, illam attingere non est ausus; quin étiam addidit se in Christum crediturum, si eum Angelum vidéret. Cui Cæcília cum sine baptismo negaret id fíeri posse, incénsus cupiditate vidéndi Angelum, se baptizari velle respóndit. Quare hortatu Vírginis ad Urbanum Papam, qui propter persecutiónem in Mártyrum sepúlcris via Appia latebat, veniens, ab eo baptizátur. [Responsory4] R. Cilicio Cæcília membra domabat, Deum gemítibus exorabat, * Tiburtium et Valerianum ad corónas vocábat. V. Hæc est Virgo sapiens, et una de número prudéntum. R. Tiburtium et Valerianum ad corónas vocabat. [Lectio5] Inde ad Cæciliam reversus, orántem et cum ea Angelum divino splendore fulgentem invénit. Quo aspectu obstupefactus, ut primum ex timóre confirmátus est, Tiburtium fratrem suum accersit; qui, a Cæcília Christi fide imbutus et ab eodem Urbano baptizatus, ipse étiam ejusdem Angeli, quem frater ejus viderat, aspectu dignátus est. Uterque autem paulo post, Almachio præfecto, constanter martyrium subiit. Qui mox Cæciliam comprehéndi imperat, ab éaque primum, ubi Tiburtii et Valeriáni facultates sint, exquirit. [Responsory5] R. Cæcília intra cubiculum orántem invénit, et juxta eam stántem Angelum Dómini: * Quem videns Valerianus, nimio terróre correptus est. V. Angelus Dómini descéndit de cælo, et lumen refulsit in habitáculo. R. Quem videns Valerianus, nimio terróre correptus est. [Lectio6] Cui, cum Virgo ómnia illórum paupéribus distributa esse respondísset, eo furóre concitátus est, ut eam, in ipsíus ædes reductam, in balneo comburi jusserit. Quo in loco cum diem noctemque ita fuísset ut ne flamma quidem illam attingeret, eo immissus est carnifex, qui ter secúri ictam, cum caput abscindere non potuísset, semivivam relíquit. Illa triduo post, sextodecimo Kalendas Octobris, Alexandro imperatóre, duplici virginitátis et martyrii palma decorata, evolávit in cælum. Cujus corpus ab ipso Urbano Papa in Callísti cœmeterio sepúltum est, in ejus ædibus ecclésia ipsíus Cæcíliæ consecrata. Ejus et Urbani ac Lucii Pontificum, Tiburtii, Valeriáni et Maximi corpora, a Paschali primo Pontifice inde transláta in Urbem, in eádem sanctæ Cæcíliæ ecclésia cóndita sunt. [Responsory6] R. Dómine Jesu Christe, pastor bone, seminator cásti consílii, suscipe seminum fructus quos in Cæcília seminásti: * Cæcília famula tua quasi apis tibi argumentosa deservit. V. Nam sponsum, quem quasi leónem ferocem accepit, ad te quasi agnum mansuetíssimum destinávit. R. Cæcília famula tua quasi apis tibi argumentosa deservit. &Gloria R. Cæcília famula tua quasi apis tibi argumentosa deservit. [Lectio94] Cæcília, Virgo Romána, nóbili génere nata, a prima ætáte virginitátem suam Deo vovit. Sed, cum invíta núptui data esset Valeriáno, huic persuásit, ut ipsam illibátam relínqueret et ad beátum Urbánum Papam iret, ut, accépto baptísmate, dignus fíeret, qui Angelum Cæcíliæ protectórem vidéret. Quod cum Valeriánus obtinuísset, fratrem suum Tibúrtium convértit ad Christum, ita ut ambo paulo post sub Almáchio præfécto martýrium subíerint. Cæcília autem ab eódem Almáchio comprehénsa, quod illórum facultátes in páuperes distribuísset, in bálneo combúri jussa est. Sed, cum flamma eam attíngere non audéret, ibídem secúri ter percússa et semivíva relícta, post tríduum virginitátis et martýrii palmam est consecúta, et in cœmetério Callísti sepúlta. Ejus et Urbáni ac Lúcii Pontíficum, Tibúrtii, Valeriáni et Máximi córpora, a Pascháli Papa primo in Urbem transláta, in ecclésia, ipsíus sanctæ Cæcíliæ nómine consecráta, cóndita sunt. &teDeum [Lectio7] Léctio sancti Evangélii secúndum Matthǽum !Matt 25:1-13 In illo témpore: Dixit Jesus discípulis suis parábolam hanc: Simile erit regnum cælórum decem virgínibus, quæ, accipiéntes lampades suas, exiérunt obviam sponso et sponsæ. Et réliqua. _ Homilía sancti Joánnis Chrysóstomi !Homilia 79 in Matth., post initium Quam ob causam in persona vírginum hanc parábolam profert, nec qualemcúmque personam sine discrimine súbjicit? Magna quædam de virginitate disserúerat dicens: Sunt eunuchi, qui seipsos castravérunt propter regnum cælórum; et, Qui potest cápere, capiat. Nec ignorabat, de virginitate magnam esse vulgo existimatiónem, quippe cum sit ea res natúra sublimis: quod inde patet, quia neque in veteri Testaménto a priscis illis sanctisque viris culta fuit, et in novo nulla legis necessitate jubétur. Non enim id imperávit, sed fidelium voluntáti permisit. Unde et Paulus ait: De virgínibus autem præcéptum Dómini non habeo; et laúdo quidem eum, qui hoc sectátur institutum, nolentem autem non cogo, neque eam rem præcéptum facio. [Responsory7] R. Beáta Cæcília dixit Tiburtio: Hodie te fateor meum esse cognátum, quia amor Dei te fecit esse * Contemptórem idolórum. V. Sicut enim amor Dei mihi tuum fratrem conjugem fecit, ita te mihi cognátum fecit esse. R. Contemptórem idolórum. [Lectio8] Quóniam ígitur et magna res erat, ac de ea apud multos magna erat existimátio, ne quis, ea perfécta, se totum perfécisse putaret ac cetera negligeret, hanc parábolam pósuit; ut osténderet, virginitátem, quamvis cetera habeat, si misericórdiæ bonis carúerit, cum fornicatóribus éjici. Ac mérito quidem inhumanum ac misericórdia carentem cum illis cóllocat; fornicator enim córporum, istæ vero pecuniárum cupiditate vincúntur. Non est autem córporum et pecuniæ par cupiditas; sed acrior multo atque vehementior illa córporum est. Quanto ígitur cum imbecilliore luctántur, tanto minus venia dignæ sunt, si vincántur. Idcirco étiam fatuas appellávit; quóniam, majori certamine superato, in facíliore totum perdidérunt. [Responsory8] R. Cæcília me misit ad vos, ut ostendatis mihi sanctum antístitem; * Quia ad ipsum habeo secreta quæ pérferam. V. Tunc Valerianus perréxit, et, signo quod acceperat, invénit sanctum Urbanum. R. Quia ad ipsum habeo secreta quæ pérferam. &Gloria R. Quia ad ipsum habeo secreta quæ pérferam. [Lectio9] Lámpades autem hoc loco illud ipsum virginitátis domum appellat et sanctimoniæ puritátem; óleum vero benignitátem, eleemosynam, impensum indigéntibus auxílium. Tardante autem sponso dormitavérunt omnes, et dormiérunt. Non parvum témporis rursus spatium interjectum osténdit, ut discipulos, regnum ipsíus mox futurum exspectántes, ab ea opinióne dedúceret; id enim illi sperábant: quapropter crebro ab hujusmodi eos spe révocat. Ad hoc, illud quoque índicat, somnum quemdam esse mortem. Dormiérunt, inquit; media autem nocte clamor factus est: vel, ut in eádem parábola persistat, vel rursus osténdit in nocte futuram esse resurrectiónem. Clamórem étiam Paulus commemorat, dicens: In jussu, in voce Archangeli, in novíssima tuba descéndet de cælo. &teDeum [Ant Laudes] Cantántibus órganis, * Cæcília Dómino decantábat, dicens: Fiat cor meum immaculátum, ut non confúndar. Valeriánus * in cubículo Cæcíliam cum Angelo orántem invénit. Cæcília * fámula tua, Dómine, quasi apis tibi argumentósa desérvit. Benedíco te, * Pater Dómini mei Jesu Christi, quia per Fílium tuum ignis exstínctus est a látere meo. Triduánas * a Dómino popósci indúcias, ut domum meam ecclésiam consecrárem. [Ant 2] Dum auróra * finem daret, Cæcília exclamávit dicens: Eia, mílites Christi, abjícite ópera tenebrárum et induímini arma lucis. [Ant 2](rubrica 1960) Dum auróra * finem daret, Cæcília exclamávit dicens: Eia, mílites Christi, abícite ópera tenebrárum et induímini arma lucis. [Ant Vespera 3] @:Ant Vespera [Ant 3] Virgo gloriósa * semper Evangélium Christi gerébat in péctore suo, et non diébus neque nóctibus a collóquiis divínis et oratióne cessábat.