[Lectio1]
De libro Sapiéntiæ
!Sap 15:1-3
1 Tu autem, Deus noster, suávis et verus es, pátiens et in misericórdia dispónens ómnia. 
2 Etenim, si peccavérimus, tui sumus sciéntes magnitúdinem tuam; et, si non peccavérimus, scimus quóniam apud te sumus computáti. 
3 Nosse enim te, consummáta justítia est, et scire justítiam et virtútem tuam, radix est immortalitátis.

[Responsory1]
@Tempora/081-0:Responsory7

[Lectio2]
!Sap 15:4-6
4 Non enim in errórem indúxit nos hóminum malæ artis excogitátio, nec umbra pictúræ labor sine fructu, effígies sculpta per vários colóres, 
5 cujus aspéctus insensáto dat concupiscéntiam, et díligit mórtuæ imáginis effígiem sine ánima. 
6 Malórum amatóres digni sunt qui spem hábeant in tálibus, et qui fáciunt illos et qui díligunt, et qui colunt.

[Responsory2]
@Tempora/081-1:Responsory2

[Lectio3]
!Sap 15:7-8
7 Sed et fígulus mollem terram premens laborióse fingit ad usus nostros unumquódque vas; et de eódem luto fingit, quæ munda sunt in usum vasa, et simíliter quæ his sunt contrária; horum autem vasórum quis sit usus judex est fígulus. 
8 Et cum labóre vano deum fingit de eódem luto ille, qui paulo ante de terra factus fúerat, et post pusíllum redúcit se unde accéptus est, repetítus ánimæ débitum quam habébat.

[Responsory3]
@Tempora/081-1:Responsory3