[Lectio1]
De libro Ecclesiástici
!Sir 14:1-5
1 Beátus vir qui non est lapsus verbo ex ore suo, et non est stimulátus in tristítia delícti;
2 felix qui non hábuit ánimi sui tristítiam, et non éxcidit a spe sua. 
3 Viro cúpido et tenáci sine ratióne est substántia, et hómini lívido ad quid aurum? 
4 Qui acérvat ex ánimo suo injúste áliis cóngregat, et in bonis illíus álius luxuriábitur. 
5 Qui sibi nequam est, cui álii bonus erit? et non jucundábitur in bonis suis.

[Responsory1]
@Tempora/081-0:Responsory1

[Lectio2]
!Sir 14:6-10
6 Qui sibi ínvidet, nihil est illo néquius, et hæc reddítio est malítiæ illíus;
7 et, si bene fécerit, ignoránter et non volens facit: et in novíssimo maniféstat malítiam suam. 
8 Nequam est óculus lívidi: et avértens fáciem suam, et despíciens ánimam suam. 
9 Insatiábilis óculus cúpidi in parte iniquitátis: non satiábitur, donec consúmat arefáciens ánimam suam. 
10 Oculus malus ad mala, et non satiábitur pane, sed índigens et in tristítia erit super mensam suam.

[Responsory2]
@Tempora/081-0:Responsory2

[Lectio3]
!Sir 14:11-17
11 Fili, si habes, bénefac tecum et Deo dignas oblatiónes offer. 
12 Memor esto, quóniam mors non tardat, et testaméntum inferórum, quia demonstrátum est tibi; testaméntum enim hujus mundi morte moriétur. 
13 Ante mortem bénefac amíco tuo et secúndum vires tuas expórrigens da páuperi. 
14 Non defraudéris a die bono, et partícula boni doni non te prætéreat. 
15 Nonne áliis relínques dolóres et labóres tuos in divisióne sortis? 
16 Da et áccipe et justífica ánimam tuam: 
17 ante óbitum tuum operáre justítiam; quóniam non est apud ínferos inveníre cibum.

[Responsory3]
@Tempora/081-0:Responsory3