[Lectio1]
De libro Ecclesiástici
!Sir 21:1-5
1 Fili, peccásti? non adícias íterum, sed et de prístinis deprecáre, ut tibi dimittántur.
2 Quasi a fácie cólubri fuge peccáta et, si accésseris ad illa, suscípient te. 
3 Dentes leónis dentes ejus interficiéntes ánimas hóminum, 
4 quasi rhomphǽa bis acúta omnis iníquitas, plagæ illíus non est sánitas.
5 Objurgátio et injúriæ annullábunt substántiam, et domus quæ nimis lócuples est, annullábitur supérbia: sic substántia supérbi eradicábitur.

[Responsory1]
@Tempora/081-0:Responsory4

[Lectio2]
!Sir 21:6-10
6 Deprecátio páuperis ex ore usque ad aures ejus pervéniet, et judícium festináto advéniet illi. 
7 Qui odit correptiónem, vestígium est peccatóris; et, qui timet Deum, convertétur ad cor suum.
8 Notus a longe potens lingua audáci, et sensátus scit labi se ab ipso. 
9 Qui ædíficat domum suam impéndiis aliénis, quasi qui cólligit lápides suos in híeme. 
10 Stuppa collécta synagóga peccántium, et consummátio illórum flamma ignis.

[Responsory2]
@Tempora/081-0:Responsory5

[Lectio3]
!Sir 21:11-16
11 Via peccántium complanáta lapídibus, et in fine illórum ínferi et ténebræ et pœnæ.
12 Qui custódit justítiam, continébit sensum ejus. 
13 Consummátio timóris Dei, sapiéntia et sensus.
14 Non erudiétur qui non est sápiens in bono;
15 est autem sapiéntia quæ abúndat in malo, et non est sensus ubi est amaritúdo. 
16 Sciéntia sapiéntis tamquam inundátio abundábit, et consílium illíus sicut fons vitæ pérmanet.

[Responsory3]
@Tempora/081-0:Responsory6