[Lectio1]
De Ezechiéle Prophéta
!Ezek 43:1-5
1 Et duxit me ad portam, quæ respíciebat ad viam Orientalem,
2 et ecce glória Dei Israël ingrediebátur per viam Orientalem, et vox erat ei quasi vox aquárum multárum, et terra splendébat a majestate ejus.
3 Et vidi visiónem secúndum spéciem quam víderam, quando venit ut dispérderet civitátem, et spécies secúndum aspéctum quem videram juxta fluvium Chobar, et cécidi super fáciem meam.
4 Et májestas Dómini ingréssa est templum per viam portæ, quæ respíciebat ad Oriéntem;
5 et elevávit me spíritus et introduxit me in atrium interius, et ecce repléta erat glória Dómini domus.

[Responsory1]
@Tempora/111-0:Responsory4

[Lectio2]
!Ezek 43:6-8
6 Et audívi loquentem ad me de domo, et vir qui stábat juxta me,
7 dixit ad me: Fili hóminis, locus sólii mei, et locus vestigiórum pedum meórum, ubi hábito in médio filiórum Israël in ætérnum: et non polluent ultra domus Israël nomen sanctum meum, ipsi et reges eórum, in fornicatiónibus suis, et in ruinis regum suórum, et in excélsis.
8 Qui fabricáti sunt limen suum juxta limen meum, et postes suos juxta postes meos, et murus erat inter me et eos: et polluérunt nomen sanctum meum in abominatiónibus, quas fecérunt; propter quod consumpsi eos in ira mea. 

[Responsory2]
@Tempora/111-0:Responsory5

[Lectio3]
!Ezek 43:9-11
9 Nunc ergo repellant procul fornicatiónem suam et ruínas regum suórum a me, et habitábo in médio eórum semper.
10 Tu autem, fili hóminis, ostende dómui Israël templum, et confundántur ab iniquitátibus suis, et metiántur fábricam,
11 et erubéscant ex ómnibus quæ fecérunt. Figuram domus, et fábricæ ejus, éxitus et intróitus, et omnem descriptiónem ejus, et univérsa præcepta ejus, cunctumque ordinem ejus, et omnes leges ejus ostende eis, et scribes in óculis eórum, ut custódiant omnes descriptiónes ejus, et præcepta illíus, et faciunt ea.

[Responsory3]
@Tempora/111-0:Responsory6