[Lectio1]
De Ezechiéle Prophéta
!Ezek 47:1-2
1 Et convértit me ad portam domus, et ecce aquæ egrediebántur subter limen domus ad Oriéntem; fácies enim domus respíciebat ad Oriéntem, aquæ autem descendébant in latus templi dextrum, ad Meridiem altaris.
2 Et edúxit me per viam portæ Aquilónis, et convértit me ad viam foras portam exteriórem, viam quæ respíciebat ad Oriéntem, et ecce aquæ redundántes a látere dextro.

[Responsory1]
@Tempora/111-0:Responsory7

[Lectio2]
!Ezek 47:3-5
3 Cum egrederétur vir ad Oriéntem, qui habebat funículum in manu sua, et ménsus est mille cúbitos, et traduxit me per aquam usque ad talos;
4 rursumque ménsus est mille, et traduxit me per aquam usque ad genua;
5 et ménsus est mille et traduxit me per aquam usque ad renes; et ménsus est mille, torréntem quem non pótui pertransíre, quóniam intumúerant aquæ profúndi torrentis, qui non potest transvadári.

[Responsory2]
@Tempora/111-1:Responsory2

[Lectio3]
!Ezek 47:6-9
6 Et dixit ad me: Certe vidísti, fili hóminis. Et edúxit me, et convértit ad ripam torréntis.
7 Cumque me convertíssem, ecce in ripa torrentis ligna multa nimis ex utráque parte.
8 Et ait ad me: Aquæ istæ, quæ egrediúntur ad túmulos sábuli Orientalis, et descéndunt ad plana desérti, intrábunt mare et éxibunt: et sanabúntur aquæ,
9 et omnis ánima vivens quæ serpit, quocúmque venerit torrens, vivet, et erunt pisces multi satis, postquam venerint illuc aquæ istæ: et sanabúntur et vivent ómnia ad quæ venerit torrens.

[Responsory3]
@Tempora/111-1:Responsory3