[Rank]
Feria VI infra Hebdomadam IV Adventus;;Feria major;;2.1

[Rule]
Oratio Dominica

[Lectio1]
De Isaía Prophéta
!Isa 66:5-8
5 Audíte verbum Dómini, qui trémitis ad verbum ejus: dixérunt fratres vestri odiéntes vos, et abiciéntes propter nomen meum: glorificétur Dóminus, et vidébimus in lætítia vestra: ipsi autem confundéntur. 
6 Vox pópuli de civitáte, vox de templo, vox Dómini reddéntis retributiónem inimícis suis.
7 Antequam parturíret, péperit: ántequam veníret partus ejus, péperit másculum. 
8 Quis audívit umquam tale? et quis vidit huic símile? Numquid partúriet terra in die una? aut pariétur gens simul, quia parturívit et péperit Sion fílios suos?

[Responsory1]
@Tempora/Adv4-0:Responsory4

[Lectio2]
!Isa 66:9-12
9 Numquid ego, qui álios párere fácio, ipse non páriam, dicit Dóminus? si ego, qui generatiónem céteris tríbuo, stérilis ero, ait Dóminus, Deus tuus? 
10 Lætámini cum Jerúsalem, et exsultáte in ea, omnes qui dilígitis eam: gaudéte cum ea gáudio, univérsi qui lugétis super eam,
11 ut sugátis, et repleámini ab úbere consolatiónis ejus: ut mulgeátis, et delíciis affluátis ab omnímoda glória ejus. 
12 Quia hæc dicit Dóminus: Ecce ego declinábo super eam quasi flúvium pacis, et quasi torréntem inundántem glóriam géntium, quam sugétis: ad úbera portabímini, et super génua blandiéntur vobis.

[Responsory2]
@Tempora/Adv4-0:Responsory5

[Lectio3]
!Isa 66:13-16
13 Quómodo si cui mater blandiátur, ita ego consolábor vos, et in Jerúsalem consolabímini.
14 Vidébitis, et gaudébit cor vestrum, et ossa vestra quasi herba germinábunt, et cognoscétur manus Dómini servis ejus, et indignábitur inimícis suis. 
15 Quia ecce Dóminus in igne véniet, et quasi turbo quadrígæ ejus: réddere in indignatióne furórem suum, et increpatiónem suam in flamma ignis, 
16 quia in igne Dóminus dijudicábit, et in gládio suo ad omnem carnem, et multiplicabúntur interfécti a Dómino.

[Responsory3]
@Tempora/Adv4-0:Responsory6

[Ant 2]
Ecce completa sunt * ómnia, quæ dicta sunt per Angelum de Vírgine Maria.