[Rank]
Sabbato infra Hebdomadam III post Octavam Paschæ;;Feria;;1

[Rule]
Una Antiphona
Feria Te Deum

[Lectio1]
De libro Apocalýpsis beáti Joánnis Apóstoli
!Apo 22:1-7
1 Et osténdit mihi flúvium aquæ vitæ, spléndidum tamquam crystállum, procedéntem de sede Dei et Agni.
2 In médio platéæ ejus, et ex utráque parte flúminis, lignum vitæ, áfferens fructus duódecim per menses síngulos, reddens fructum suum et fólia ligni ad sanitátem géntium.
3 Et omne maledíctum non erit ámplius: sed sedes Dei et Agni in illa erunt, et servi ejus sérvient illi.
4 Et vidébunt fáciem ejus: et nomen ejus in fróntibus eórum.
5 Et nox ultra non erit: et non egébunt lúmine lucérnæ, neque lúmine solis, quóniam Dóminus Deus illuminábit illos, et regnábunt in sǽcula sæculórum.
6 Et dixit mihi: Hæc verba fidelíssima sunt, et vera. Et Dóminus Deus spirítuum prophetárum misit ángelum suum osténdere servis suis quæ opórtet fíeri cito.
7 Et ecce vénio velóciter. Beátus, qui custódit verba prophetíæ libri hujus.

[Responsory1]
@Tempora/Pasc3-0:Responsory7

[Lectio2]
!Apo 22:8-12
8 Et ego Joánnes, qui audívi, et vidi hæc. Et postquam audíssem, et vidíssem, cécidi ut adorárem ante pedes ángeli, qui mihi hæc ostendébat:
9 et dixit mihi: Vide ne féceris: consérvus enim tuus sum, et fratrum tuórum prophetárum, et eórum qui servant verba prophetíæ libri hujus: Deum adóra.
10 Et dicit mihi: Ne signáveris verba prophetíæ libri hujus: tempus enim prope est.
11 Qui nocet, nóceat adhuc: et qui in sórdibus est, sordéscat adhuc: et qui justus est, justificétur adhuc: et sanctus, sanctificétur adhuc.
12 Ecce vénio cito, et merces mea mecum est, réddere unicuíque secúndum ópera sua.

[Responsory2]
@Tempora/Pasc3-1:Responsory2

[Lectio3]
!Apo 22:13-21
13 Ego sum alpha et ómega, primus et novíssimus, princípium et finis.
14 Beáti, qui lavant stolas suas in sánguine Agni: ut sit potéstas eórum in ligno vitæ, et per portas intrent in civitátem.
15 Foris canes, et venéfici, et impudíci, et homicídæ, et idólis serviéntes, et omnis qui amat et facit mendácium.
16 Ego Jesus misi ángelum meum testificári vobis hæc in ecclésiis. Ego sum radix, et genus David, stella spléndida et matutína.
17 Et spíritus, et sponsa dicunt: Veni. Et qui audit, dicat: Veni. Et qui sitit, véniat: et qui vult, accípiat aquam vitæ, gratis.
18 Contéstor enim omni audiénti verba prophetíæ libri hujus: si quis apposúerit ad hæc, appónet Deus super illum plagas scriptas in libro isto.
19 Et si quis diminúerit de verbis libri prophetíæ hujus, áuferet Deus partem ejus de libro vitæ, et de civitáte sancta, et de his quæ scripta sunt in libro isto:
20 dicit qui testimónium pérhibet istórum. Etiam vénio cito: amen. Veni, Dómine Jesu.
21 Grátia Dómini nostri Jesu Christi cum ómnibus vobis. Amen.

[Responsory3]
@Tempora/Pasc3-2:Responsory1

[Oratio 2]
@Tempora/Pasc3-0:Oratio