[Rank]
Feria quinta infra Hebdomadam V post Octavam Pentecostes;;Feria;;1

[Rule]
Oratio Dominica

[Lectio1]
De libro secúndo Regum
!2 Reg 6:1-3
1 Congregávit autem rursum David omnes eléctos ex Israël trigínta míllia.
2 Surrexítque pópulus et ábiit et univérsus pópulus qui erat cum eo de viris Juda, ut addúcerent arcam Dei, super quam invocátum est nomen Dómini exercítuum, sedéntis in Chérubim super eam. 
3 Et imposuérunt arcam Dei super plaustrum novum tulerúntque eam de domo Abínadab, qui erat in Gábaa; Oza autem et Ahio fílii Abínadab, minábant plaustrum novum.

[Responsory1]
@Tempora/Pent01-1:Responsory1

[Lectio2]
!2 Reg 6:4-7
4 Cumque tulísset eam de domo Abínadab, qui erat in Gábaa custódiens arcam Dei, Ahio præcedébat arcam. 
5 David autem et omnis Israël ludébant coram Dómino in ómnibus lignis fabrefáctis, et cítharis et lyris et týmpanis et sistris et cýmbalis.
6 Postquam autem venérunt ad áream Nachon, exténdit Oza manum ad arcam Dei et ténuit eam, quóniam calcitrábant boves et declinavérunt eam. 
7 Iratúsque est indignatióne Dóminus contra Ozam, et percússit eum super temeritáte: qui mórtuus est ibi juxta arcam Dei.

[Responsory2]
@Tempora/Pent01-1:Responsory2

[Lectio3]
!2 Reg 6:8-12
8 Contristátus est autem David eo quod percussísset Dóminus Ozam; et vocátum est nomen loci illíus: Percússio Ozæ, usque in diem hanc.
9 Et extímuit David Dóminum in die illa, dicens: Quómodo ingrediétur ad me arca Dómini?
10 Et nóluit divértere ad se arcam Dómini in civitátem David; sed divértit eam in domum Obédedom Gethǽi.
11 Et habitávit arca Dómini in domo Obédedom Gethǽi tribus ménsibus, et benedíxit Dóminus Obédedom et omnem domum ejus.
12 Nuntiatúmque est regi David quod benedixísset Dóminus Obédedom, et ómnia ejus, propter arcam Dei. Abiit ergo David et addúxit arcam Dei de domo Obédedom in civitátem David cum gáudio.

[Responsory3]
@Tempora/Pent01-1:Responsory3