[Rank]
Feria tertia infra Hebdomadam XI post Octavam Pentecostes;;Feria;;1

[Rule]
Oratio Dominica

[Lectio1]
De libro quarto Regum
!4 Reg 23:2-3
2 Ascéndit rex templum Dómini, et omnes viri Juda, universíque qui habitábant in Jerúsalem cum eo, sacerdótes et prophétæ, et omnis pópulus a parvo usque ad magnum: legítque, cunctis audiéntibus, omnia verba libri fœ́deris, qui invéntus est in domo Domini.
3 Stetítque rex super gradum: et fœ́dus percússit coram Dómino, ut ambulárent post Dóminum, et custodírent præcépta ejus, et testimónia, et cæremónias in omni corde, et in tota ánima, et suscitárent verba fœ́deris hujus, quæ scripta erant in libro illo: Acquievítque pópulus pacto.

[Responsory1]
@Tempora/Pent03-2Feria:Responsory1

[Lectio2]
!4 Reg 23:4-5
4 Et præcépit rex Helcíæ pontífici, et sacerdótibus secúndi órdinis, et janitóribus, ut proícerent de templo Dómini omnia vasa, quæ facta fúerant Baal, et in luco, et univérsæ milítiæ cæli: et combússit ea foris Jerúsalem in conválle Cedron, et tulit púlverem eorum in Bethel.
5 Et delévit arúspices quos posúerant reges Juda ad sacrificándum in excélsis per civitátes Juda, et in circúitu Jerúsalem: et eos qui adolébant incénsum Baal, et soli, et lunæ, et duódecim signis, et omni milítiæ cæli.

[Responsory2]
@Tempora/Pent03-2Feria:Responsory2

[Lectio3]
!4 Reg 23:6-8
6 Et efférri fecit lucum de domo Dómini foras Jerúsalem in conválle Cedron, et combússit eum ibi, et redégit in púlverem, et projécit super sepúlcra vulgi.
7 Destrúxit quoque ædículas effeminatórum quæ erant in domo Dómini, pro quibus mulíeres texébant quasi domúnculas luci.
8 Congregavítque omnes sacerdótes de civitátibus Juda, et contaminávit excélsa ubi sacrificábant sacerdótes, de Gábaa usque Bersabée.

[Responsory3]
@Tempora/Pent03-2Feria:Responsory3