[Rank]
Dominica in Septuagesima;;Semiduplex;;5.6

[Rank] (rubrica 1570 aut rubrica 1888)
Dominica in Septuagesima;;Semiduplex;;6.1

[Rank] (rubrica 196)
Dominica in Septuagesima;;Semiduplex;;5

[Rule]
9 lectiones
Symbolum Athanasium(rubrica tridentina)
Invit2

[Capitulum Vespera]
!1 Cor 9:24
v. Fratres: Nescítis quod ii qui in stádio currunt, omnes quidem currunt, sed unus áccipit bravíum? Sic cúrrite ut comprehendátis.
$Deo gratias

[Ant 1]
Dixit Dóminus * ad Adam: De ligno quod est in médio paradísi, ne comédas: in qua hora coméderis, morte moriéris.

[Versum 1]
@Psalterium/Major Special:Day6 Versum 3

[Oratio]
Preces pópuli tui, quǽsumus, Dómine, cleménter exáudi: ut, qui juste pro peccátis nostris afflígimur, pro tui nóminis glória misericórditer liberémur.
$Per Dominum.

[Invit]
Præoccupémus fáciem Dómini: * Et in psalmis jubilémus ei.

[Lectio1]
Incipit liber Génesis
!Gen 1:1-8
1 In princípio creávit Deus cælum et terram.
2 Terra autem erat inánis et vácua, et ténebræ erant super fáciem abýssi: et spíritus Dei ferebátur super aquas.
3 Dixítque Deus: Fiat lux. Et facta est lux.
4 Et vidit Deus lucem quod esset bona: et divísit lucem a ténebris.
5 Appellavítque lucem Diem, et ténebras Noctem: factúmque est véspere et mane, dies unus.
6 Dixit quoque Deus: Fiat firmaméntum in médio aquárum: et dívidat aquas ab aquis.
7 Et fecit Deus firmaméntum, divisítque aquas, quæ erant sub firmaménto, ab his, quæ erant super firmaméntum. Et factum est ita.
8 Vocavítque Deus firmaméntum, Cælum: et factum est véspere et mane, dies secúndus.

[Responsory1]
R. In princípio creávit Deus cælum, et terram, et fecit in ea hóminem, 
* Ad imáginem et similitúdinem suam.
V. Formávit ígitur Deus hóminem de limo terræ, et inspirávit in fáciem ejus spiráculum.
R. Ad imáginem et similitúdinem suam.

[Lectio2]
!Gen 1:9-19
9 Dixit vero Deus: Congregéntur aquæ, quæ sub cælo sunt, in locum unum: et appáreat árida. Et factum est ita.
10 Et vocávit Deus áridam Terram, congregationésque aquárum appellávit Mária. Et vidit Deus quod esset bonum.
11 Et ait: Gérminet terra herbam viréntem, et faciéntem semen, et lignum pomíferum fáciens fructum juxta genus suum, cujus semen in semetípso sit super terram. Et factum est ita.
12 Et prótulit terra herbam viréntem, et faciéntem semen juxta genus suum, lignúmque fáciens fructum, et habens unumquódque seméntem secúndum spéciem suam. Et vidit Deus quod esset bonum.
13 Et factum est véspere et mane, dies tértius.
14 Dixit autem Deus: Fiant luminária in firmaménto cæli, et dívidant diem ac noctem, et sint in signa et témpora, et dies et annos:
15 ut lúceant in firmaménto cæli, et illúminent terram. Et factum est ita.
16 Fecítque Deus duo luminária magna: lumináre majus, ut præésset diéi: et lumináre minus, ut præésset nocti: et stellas.
17 Et pósuit eas in firmaménto cæli, ut lucérent super terram,
18 et præéssent diéi ac nocti, et divíderent lucem ac ténebras. Et vidit Deus quod esset bonum.
19 Et factum est véspere et mane, dies quartus.

[Responsory2]
R. In princípio creávit Deus cælum et terram, et Spíritus Dei ferebátur super aquas:
* Et vidit Deus cuncta quæ fécerat, et erant valde bona.
V. Igitur perfécti sunt cæli et terra, et omnis ornátus eórum.
R. Et vidit Deus cuncta quæ fécerat, et erant valde bona.

[Lectio3]
!Gen 1:20-26
20 Dixit étiam Deus: Prodúcant aquæ réptile ánimæ vivéntis, et volátile super terram sub firmaménto cæli.
21 Creavítque Deus cete grándia, et omnem ánimam vivéntem atque motábilem, quam prodúxerant aquæ in spécies suas, et omne volátile secúndum genus suum. Et vidit Deus quod esset bonum.
22 Benedixítque eis, dicens: Créscite, et multiplicámini, et repléte aquas maris: avésque multiplicéntur super terram.
23 Et factum est véspere et mane, dies quintus.
24 Dixit quoque Deus: Prodúcat terra ánimam vivéntem in génere suo, juménta, et reptília, et béstias terræ secúndum spécies suas. Factúmque est ita.
25 Et fecit Deus béstias terræ juxta spécies suas, et juménta, et omne réptile terræ in génere suo. Et vidit Deus quod esset bonum,
26 et ait: Faciámus hóminem ad imáginem et similitúdinem nostram: et præsit píscibus maris, et volatílibus cæli, et béstiis, universǽque terræ, omníque réptili, quod movétur in terra.

[Responsory3]
R. Formávit Dóminus hóminem de limo terræ, 
* Et inspirávit in fáciem ejus spiráculum vitæ, et factus est homo in ánimam vivéntem.
V. In princípio fecit Deus cælum et terram, et plasmávit in ea hóminem.
R. Et inspirávit in fáciem ejus spiráculum vitæ, et factus est homo in ánimam vivéntem.
&Gloria
R. Et inspirávit in fáciem ejus spiráculum vitæ, et factus est homo in ánimam vivéntem.

[Lectio4]
Ex libro Enchirídii sancti Augustíni Epíscopi
!Cap 25, 26 et 27 tomi 3
Mortis supplícium Dóminus hómini comminátus fúerat, si peccáret: sic eum múnerans líbero arbítrio, ut tamen régeret império, terréret exítio: atque in paradísi felicitáte, tamquam in umbra vitæ, unde justítia custodíta in melióra conscénderet, collocávit. Hinc post peccátum exsul efféctus, stirpem quoque suam, quam peccándo in se tamquam in radíce vitiáverat, pœna mortis et damnatióne obstrínxit: ut quidquid prolis ex illo, et simul damnáta, per quam peccáverat, cónjuge, per carnálem concupiscéntiam, in qua inobediéntiæ pœna símilis retribúta est, nascerétur, tráheret originále peccátum, quo traherétur per erróres dolorésque divérsos ad illud extrémum cum desertóribus ángelis, vitiatóribus et possessóribus et consórtibus suis, sine fine supplícium.

[Responsory4]
R. Tulit Dóminus hóminem, et pósuit eum in paradíso voluptátis: 
* Ut operarétur et custodíret illum.
V. Plantáverat autem Dóminus Deus paradísum voluptátis a princípio, in quo pósuit hóminem quem formáverat.
R. Ut operarétur et custodíret illum.

[Lectio5]
Sic per unum hóminem peccátum intrávit in mundum, et per peccátum mors: et ita in omnes hómines pertránsiit, in quo omnes peccavérunt. Mundum quippe appellávit eo loco Apóstolus univérsum genus humánum. Ita ergo res se habebant. Jacebat in malis, vel étiam volvebátur, et de malis in mala præcipitabátur totius humani generis massa damnáta: et adjuncta parti eórum, qui peccáverant, angelórum, luebat impiæ desertiónis digníssimas pœnas.

[Responsory5]
R. Dixit Dóminus Deus: Non est bonum hóminem esse solum: 
* Faciámus ei adjutórium símile sibi.
V. Adæ vero non inveniebátur adjútor símilis sibi: dixit vero Deus.
R. Faciámus ei adjutórium símile sibi.

[Lectio6]
Ad iram quippe Dei pertinet justam, quidquid cæca et indómita concupiscéntia faciunt libénter mali, et quidquid maniféstis opértisque pœnis patiúntur invíti: non sane Creatoris desisténte bonitáte, et malis angelis subministrare vitam, vivacemque poténtiam, (quæ subministrátio si auferátur, interibunt) et hóminum, quamvis de propágine vitiáta damnatáque nascéntium, formare semina, et animare, et ordinare membra per témporum ætates, per locórum spatia vegetare sensus, aliménta donare. Mélius enim judicáre de malis bene fácere, quam mala nulla esse permittere.

[Responsory6]
R. Immísit Dóminus sopórem in Adam, et tulit unam de costis ejus: † Et ædificávit costam, quam túlerat Dóminus de Adam, in mulíerem, et addúxit eam ad Adam, ut vidéret quid vocáret eam: 
* Et vocávit nomen ejus Virágo, quia de viro sumpta est.
V. Cumque obdormísset, tulit unam de costis ejus, et replévit carnem pro ea.
R. Et ædificávit costam, quam túlerat Dóminus de Adam, in mulíerem, et addúxit eam ad Adam, ut vidéret quid vocáret eam.
&Gloria
R. Et vocávit nomen ejus Virágo, quia de viro sumpta est.

[Lectio7]
Léctio sancti Evangélii secúndum Matthǽum
!Matt 20:1-16
In illo témpore: Dixit Jesus discípulis suis parábolam hanc: Símile est regnum cælórum hómini patrifamílias, qui éxiit primo mane condúcere operários in víneam suam. Et réliqua.
_
Homilía sancti Gregórii Papæ
!Homil. 19 in Evangelium post princ.
Regnum cælórum hómini patrifamílias símile dícitur, qui ad excoléndam víneam suam operários condúcit. Quis vero patrisfamílias similitúdinem réctius tenet, quam Cónditor noster, qui regit quos cóndidit, et eléctos suos sic in hoc mundo póssidet, quasi subjéctos dóminus in domo? Qui habet víneam, universálem scílicet Ecclésiam, quæ ab Abel justo usque ad últimum eléctum, qui in fine mundi nascitúrus est, quot Sanctos prótulit, quasi tot pálmites misit.

[Responsory7]
R. Plantáverat autem Dóminus Deus paradísum voluptátis a princípio: 
* In quo pósuit hóminem, quem formáverat.
V. Produxítque Dóminus Deus de humo omne lignum pulchrum visu, et ad vescéndum suáve; lignum étiam vitæ in médio paradísi.
R. In quo pósuit hóminem, quem formáverat.

[Lectio8]
Hic ítaque paterfamílias ad excoléndam víneam suam, mane, hora tértia, sexta, nona et undécima operários condúcit: quia a mundi hujus inítio usque in finem ad erudiéndam plebem fidélium, prædicatóres congregáre non desístit. Mane étenim mundi fuit ab Adam usque ad Noë: hora vero tértia a Noë usque ad Abraham: sexta quoque ab Abraham usque ad Móysen: nona autem a Móyse usque ad advéntum Dómini: undécima vero ab advéntu Dómini usque ad finem mundi. In qua prædicatóres sancti Apóstoli missi sunt, qui mercédem plenam et tarde veniéntes accepérunt.

[Responsory8]
R. Ecce Adam quasi unus ex nobis factus est sciens bonum et malum: 
* Vidéte, ne forte sumat de ligno vitæ, et vivat in ætérnum.
V. Fecit quoque Dóminus Deus Adæ túnicam pellíceam, et índuit eum, et dixit.
R. Vidéte, ne forte sumat de ligno vitæ, et vivat in ætérnum.

[Lectio9]
Ad erudiéndam ergo Dóminus plebem suam, quasi ad excoléndam víneam suam, nullo témpore déstitit operários míttere: quia et prius per Patres, et póstmodum per legis Doctóres et Prophétas, ad extrémum vero per Apóstolos, dum plebis suæ mores excóluit, quasi per operários in víneæ cultúra laborávit: quamvis in quólibet módulo vel mensúra, quisquis cum fide recta bonæ prædicátor actiónis éxstitit, hujus víneæ operárius fuit. Operátor ergo mane, hora tértia, sexta, et nona, antíquus ille et Hebráicus pópulus designátur: qui in eléctis suis ab ipso mundi exórdio, dum recta fide Deum stúduit cólere, quasi non déstitit in víneæ cultúra laboráre. Ad undécimam vero Gentíles vocántur, quibus et dícitur: Quid hic statis tota die otiósi?

[Responsory9]
R. Ubi est Abel frater tuus? dixit Dóminus ad Cain. Néscio, Dómine, numquid custos fratris mei sum ego? Et dixit ad eum: Quid fecísti? 
* Ecce vox sánguinis fratris tui Abel clamat ad me de terra.
V. Maledíctus eris super terram, quæ apéruit os suum, et suscépit sánguinem fratris tui de manu tua.
R. Ecce vox sánguinis fratris tui Abel clamat ad me de terra.
&Gloria
R. Ecce vox sánguinis fratris tui Abel clamat ad me de terra.

[Ant Laudes]
Miserére * mei, Deus, et a delícto meo munda me: quia tibi soli peccávi.
Confitébor * tibi, quóniam exaudísti me.
Deus, Deus meus, * ad te de luce vígilo, quia factus es adjútor meus.
Benedíctus es * in firmaménto cæli, et laudábilis in sǽcula, Deus noster.
Laudáte * Dóminum de cælis.

[Capitulum Laudes]
@:Capitulum Vespera

[Ant 2]
Símile est * regnum cælórum hómini patrifamílias, qui éxiit primo mane condúcere operários in víneam suam, dicit Dóminus.

[Versum 2]
@Psalterium/Major Special:Day02 Versum 2

[Ant Prima]
Conventióne autem * facta cum operáriis ex denário diúrno, misit eos in víneam suam.

[Ant Tertia]
Ite et vos * in víneam meam, et quod justum fúerit, dabo vobis.

[Capitulum Tertia]
@:Capitulum Vespera

[Ant Sexta]
Quid hic statis * tota die otiósi? respondérunt, et dixérunt: Quia nemo nos condúxit.

[Capitulum Sexta]
!1 Cor 9:25
v. Omnis autem, qui in agóne conténdit, ab ómnibus se ábstinet: et illi quidem ut corruptíbilem corónam accípiant, nos autem incorrúptam.
$Deo gratias

[Ant Nona]
Voca operários, * et redde illis mercédem suam, dicit Dóminus.

[Capitulum Nona]
!1 Cor 10:4-5
v. Bibébant autem de spiritáli, consequénte eos, petra: petra autem erat Christus: sed non in plúribus eórum beneplácitum est Deo.
$Deo gratias

[Ant 3]
Dixit paterfamílias * operáriis suis: Quid hic statis tota die otiósi? At illi respondéntes dixérunt: Quia nemo nos condúxit. Ite et vos in víneam meam: et quod justum fúerit, dabo vobis.

[Versum 3]
@Psalterium/Major Special:Day0 Versum 3