(Canticum Habacuc * Hab 3:7-12)
3:7 Pro iniquitate vidi tentoria Æthiopiae; turbabuntur pelles terrae Madian. 
3:8 Numquid in fluminibus iratus es, Domine? aut in fluminibus furor tuus? vel in mari indignatio tua? Qui ascendes super equos tuos, et quadrigae tuae salvatio. 
3:9 Suscitans suscitabis arcum tuum, juramenta tribubus quae locutus es; fluvios scindes terrae.
3:10 Viderunt te, et doluerunt montes; gurges aquarum transiit: dedit abyssus vocem suam; altitudo manus suas levavit. 
3:11 Sol et luna steterunt in habitaculo suo: in luce sagittarum tuarum ibunt, in splendore fulgurantis hastae tuae. 
3:12 In fremitu conculcabis terram; in furore obstupefacies gentes.