[Rank]
De missa chrismatis;;Feria privilegiata Duplex I classis;;7

[Rule]
Gloria
Credo
Prefatio=Chrismatis
celebranda aut de missa chrismatis aut missa in coena Domini
prelude

[Prelude]
!Benedictio olei catechumenorum et infirmorum, et confectio sacri chrismatis peraguntur secundum ordinem in Pontificali Romano descriptum.

[Introitus]
!Ex 30:25,31
v. Fácies unctiónis óleum, et fíliis Israël dices: Hoc óleum unctiónis sanctum erit mihi in generatiónes vestras.
!Ps 88:2
Misericórdias Dómini in ætérnum cantábo: in generatiónem et generatiónem annuntiábo veritátem tuam in ore meo. Fácies unctiónis.
v. Fácies unctiónis óleum, et fíliis Israël dices: Hoc óleum unctiónis sanctum erit mihi in generatiónes vestras.

[Oratio]
Dómine, Deus, qui in regenerándis plébibus tuis ministério úteris sacerdótum; tríbue nobis perseverántem in tua voluntáte famulátum; ut dono grátiæ tuæ, in diébus nostris, et méritis et número sacrátus tibi pópulus augeátur.
$Per Dominum

[Lectio]
Léctio Epístolæ beáti Jacóbi Apóstoli.
!Jc 5:13-16
Fratres: Tristátur áliquis vestrum? Oret. Æquo ánimo est? Psallat. Infirmátur quis in vobis? Indúcat presbýteros ecclésiæ, et orent super eum, ungéntes eum óleo in nómine Dómini; et orátio fídei salvábit infírmum, et alleviábit eum Dóminus; et si in peccátis sit, remitténtur ei. Confitémini ergo altérutrum peccáta vestra, et oráte pro ínvicem ut salvémini; multum enim valet deprecátio justi assídua.

[Graduale]
!Ps 27:7-8
In Deo sperávit cor meum, et adjútus sum. Et reflóruit caro mea: et ex voluntáte mea confitébor ei.
V. Dóminus fortitúdo plebis suæ: et protéctor salvatiónum Christi sui est.

[Evangelium]
Sequéntia ++ sancti Evangélii secúndum Marcum.
!Marc 6:7-13
In illo témpore: Vocávit Jesus duódecim, et coepit eos míttere binos, et dabat illis potestátem spirítuum immundórum. Et præcépit eis, ne quid tóllerent in via, nisi virgam tantum; non peram, non panem, neque in zona æs, sed calceátos sandáliis, et ne indueréntur duábus túnicis. Et dicébat eis: « Quocúmque introiéritis in domum, illic manéte, donec exeátis inde; et quicúmque non recéperint vos, nec audíerint vos, exeúntes inde, excútite púlverem de pédibus vestris, in testimónium illis ». Et exeúntes prædicábant ut pæniténtiam ágerent; et dæmónia multa ejiciébant, et ungébant óleo multos ægros, et sanábant.

[Offertorium]
!Ps 44:7
Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ.

[Secreta]
Hujus sacrifícii poténtia, Dómine, quǽsumus, et vetustátem nostram cleménter abstérgat, et novitátem nobis áugeat et salútem.
$Per Dominum

[Communio]
!Marc. 6:12-13
Prædicábant Apóstoli ut pæniténtiam ágerent, et ungébant óleo multos ægros, et sanábant.

[Postcommunio]
Præsta, quǽsumus, Dómine: ut, sicut de prætéritis ad nova transímus; ita, vetustáte depósita, sanctificátis méntibus innovémur.
$Per Dominum