[Name]
Commune Virgine et martyre=Loquebar

[Rule]
Gloria

[Introitus]
!Ps 118:46-47
v. Loquébar de testimóniis tuis in conspéctu regum, et non confundébar: et~
meditábar in mandátis tuis, quæ diléxi nimis.
!Ps 118:1
Beáti immaculáti in via: qui ámbulant in lege Dómini.
&Gloria
v. Loquébar de testimóniis tuis in conspéctu regum, et non confundébar: et~
meditábar in mandátis tuis, quæ diléxi nimis.

[Oratio]
Deus, qui inter cétera poténtiæ tuæ mirácula étiam in sexu frágili victóriam~
martýrii contulísti: concéde propítius; ut, qui beátæ N. Vírginis et Mártyris~
tuæ natalítia cólimus, per ejus ad te exémpla gradiámur.
$Per Dominum

[Lectio]
Léctio libri Sapiéntiæ
!Eccli 51:1-8; 51:12
Confitébor tibi, Dómine, Rex, et collaudábo te Deum, Salvatórem meum. Confitébor nómini tuo: quóniam adjútor et protéctor factus es mihi, et liberásti corpus meum a perditióne, a láqueo línguæ iníquæ et a lábiis operántium mendácium, et in conspéctu astántium factus es mihi adjutor. Et liberasti me secúndum multitúdinem misericórdiæ nóminis tui a rugiéntibus, præparátis ad escam, de mánibus quæréntium ánimam meam, et de portis tribulatiónum, quæ circumdedérunt me: a pressúra flammæ, quæ circúmdedit me, et in médio ignis non sum æstuáta: de altitúdine ventris inferi, et a lingua coinquináta, et a verbo mendácii, a rege iníquo, et a lingua injústa: laudábit usque ad mortem ánima mea Dóminum: quóniam éruis sustinéntes te, et líberas eos de mánibus géntium, Dómine, Deus noster.

[Graduale]
!Ps 44:8
Dilexísti justítiam, et odísti iniquitátem.
V. Proptérea unxit te Deus, Deus tuus, óleo lætítiæ. Allelúja, allelúja.
!Ps 44:15; 44:16
V. Adducéntur Regi Vírgines post eam: próximæ ejus afferéntur tibi in lætítia. Allelúja.

[Tractus]
!Ps 44:8.
Dilexísti justítiam, et odísti iniquitátem.
V. Proptérea unxit te Deus, Deus tuus, óleo lætítiæ.
!
Veni, Sponsa Christi,
áccipe corónam, quam tibi Dóminus præparávit in ætérnum: pro cujus amóre sánguinem tuum fudísti
!Ps 44:8; 44:5
Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis.
V. Spécie tua et pulchritúdine tua inténde, próspere procéde et regna. Tempore autem Pascháli omittitur

[GradualeP]
Allelúja, allelúja
!Ps 44:15; 44:16
Adducéntur Regi Vírgines post eam: próximæ ejus afferéntur tibi in lætítia.~
Allelúja.
!Ps 44:5
Spécie tua et pulchritúdine tua inténde, próspere procéde et regna. Allelúja.

[Evangelium]
Sequéntia ++ sancti Evangélii secúndum Matthǽum
!Matt 25:1-13
In illo témpore: Dixit Jesus discípulis suis parábolam hanc: Símile erit regnum~
coelórum decem virgínibus: quæ, accipiéntes lámpades suas, exiérunt óbviam~
sponso et sponsæ. Quinque autem ex eis erant fátuæ, et quinque prudéntes: sed~
quinque fátuæ, accéptis lampádibus, non sumpsérunt óleum secum: prudéntes vero~
accepérunt óleum in vasis suis cum lampádibus. Horam autem faciénte sponso,~
dormitavérunt omnes et dormiérunt. Média autem nocte clamor factus est: Ecce,~
sponsus venit, exíte óbviam ei. Tunc surrexérunt omnes vírgines illae, et~
ornavérunt lámpades suas. Fátuæ autem sapiéntibus dixérunt: Date nobis de óleo~
vestro: quia lámpades nostræ exstinguúntur. Respondérunt prudéntes, dicéntes: Ne~
forte non suffíciat nobis et vobis, ite pótius ad vendéntes, et émite vobis. Dum~
autem irent émere, venit sponsus: et quæ parátæ erant, intravérunt cum eo ad~
núptias, et clausa est jánua. Novíssime vero véniunt et réliquæ vírgines,~
dicéntes: Dómine, Dómine, áperi nobis. At ille respóndens, ait: Amen, dico vobis,~
néscio vos. Vigiláte ítaque, quia nescítis diem neque horam.

[Offertorium]
!Ps 44:15; 44:16
Afferéntur Regi Vírgines post eam: próximæ ejus afferéntur tibi in lætítia et~
exsultatióne: adducéntur in templum Regi Dómino.

[Secreta]
Súscipe, Dómine, múnera, quæ in beátæ N. Vírginis et Mártyris tuæ sollemnitáte~
deférimus: cujus nos confídimus patrocínio liberári.
$Per Dominum

[Communio]
!Ps 118:78; 118:80
Confundántur supérbi, quia injúste iniquitátem fecérunt in me: ego autem in~
mandátis tuis exercébor, in tuis justificatiónibus, ut non confúndar.~

[Postcommunio]
Auxiliéntur nobis, Dómine, sumpta mystéria: et, intercedénte beáta N. Vírgine et~
Mártyre tua, sempitérna fáciant protectióne gaudére.
$Per Dominum