[Pater noster]
v. Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum cotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

[Ave Maria]
v. Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

[Credo]
v. Credo in Deum, Patrem omnipoténtem, Creatórem cæli et terræ.
Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos.
Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.

[Gloria]
V. Glória Patri, et Fílio, et Spirítui Sancto.
R. Sicut erat in princípio, et nunc, et semper, et in sǽcula sæculórum. Amen.

[Gloria1]
V. Glória Patri, et Fílio, * et Spirítui Sancto.

[Requiem]
V. Réquiem ætérnam dona eis, Dómine.
R. Et lux perpétua lúceat eis.

[Alleluia]
v. Allelúja.
v. Laus tibi, Dómine, Rex ætérnæ glóriæ.

[Dominus]
V. Dóminus vobíscum.
R. Et cum spíritu tuo.
V. Dómine, exáudi oratiónem meam.
R. Et clamor meus ad te véniat.
!omittitur secunda Domine, exaudi

[Flectamus]
V. Flectámus génua.
R. Leváte.

[Dominus vobiscum]
V. Dóminus vobíscum.
R. Et cum spíritu tuo.

[IteMissa]
V. Ite, Missa est.
R. Deo grátias.
V. Ite, Missa est, allelúja, allelúja.
R. Deo grátias, allelúja, allelúja.
V. Benedicámus Dómino.
R. Deo grátias.
V. Requiéscant in pace.
R. Amen.

[Confiteor]
v. Confíteor Deo omnipoténti, beátæ Maríæ semper Vírgini, beáto Michaéli Archángelo, beáto Joánni Baptístæ, sanctis Apóstolis Petro et Paulo, et ómnibus Sanctis, quia peccávi nimis, cogitatióne, verbo et ópere: /:percutit sibi pectus:/ mea culpa, mea culpa, mea máxima culpa. Ídeo precor beátam Maríam semper Vírginem, beátum Michaélem Archángelum, beátum Joánnem Baptístam, sanctos Apóstolos Petrum et Paulum, et omnes Sanctos, oráre pro me ad Dóminum Deum nostrum.

[Misereatur]
v. Misereátur nostri omnípotens Deus, et dimíssis peccátis nostris, perdúcat nos ad vitam ætérnam. Amen.

[Indulgentiam]
v. Indulgéntiam, + absolutiónem et remissiónem peccatórum nostrórum tríbuat nobis omnípotens et miséricors Dóminus. Amen.

[Domine labia]
V. Dómine, lábia ++ mea apéries.
R. Et os meum annuntiábit laudem tuam.

[Deus in adjutorium]
V. Deus + in adjutórium meum inténde.
R. Dómine, ad adjuvándum me festína.

[Tu autem]
V. Tu autem, Dómine, miserére nobis.
R. Deo grátias.

[Benedicamus Domino]
V. Benedicámus Dómino.
R. Deo grátias.

[Benedicamus Domino1]
V. Benedicámus Dómino, allelúja, allelúja.
R. Deo grátias, allelúja, allelúja.

[Deo gratias]
R. Deo grátias.

[Gloria tibi]
R. Glória tibi, Dómine.

[Laus tibi]
R. Laus tibi, Christe.
S. Per Evangélica dicta, deleántur nostra delícta.

[Fidelium animae]
V. Fidélium ánimæ per misericórdiam Dei requiéscant in pace.
R. Amen.

[Per Dominum]
r. Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.
R. Amen.

[Per Dominum eiusdem]
r. Per Dóminum nostrum Jesum Christum, Fílium tuum: qui tecum vivit et regnat in unitáte ejúsdem Spíritus Sancti Deus, per ómnia sǽcula sæculórum.
R. Amen.

[Qui cum Patre]
r. Qui cum Pátre et Spíritu Sancto vivis et regnas Deus per ómnia sǽcula sæculórum.
R. Amen.

[Per eumdem]
r. Per eúndem Dóminum nostrum Jesum Christum Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum.
R. Amen.

[Per eundem]
r. Per eúndem Dóminum nostrum Jesum Christum Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum.
R. Amen.

[Qui vivis]
r. Qui vivis et regnas cum Deo Patre, in unitáte Spíritus Sancti, Deus, per ómnia sǽcula sæculórum.
R. Amen.

[Qui tecum]
r. Qui tecum vivit et regnat in unitáte Spíritus Sancti Deus per ómnia sǽcula sæculórum.
R. Amen.

[Qui tecum eiusdem]
r. Qui tecum vivit et regnat in unitáte ejúsdem Spíritus Sancti Deus per ómnia sǽcula sæculórum.
R. Amen.

[Te Deum]
v. Te Deum laudámus: * te Dóminum confitémur.
Te ætérnum Patrem * omnis terra venerátur.
Tibi omnes Ángeli, * tibi Cæli, et univérsæ Potestátes:
Tibi Chérubim et Séraphim * incessábili voce proclámant:
_
/:(Fit reverentia):/ Sanctus, Sanctus, Sanctus * Dóminus Deus Sábaoth.
_
Pleni sunt cæli et terra * majestátis glóriæ tuæ.
Te gloriósus * Apostolórum chorus,
Te Prophetárum * laudábilis númerus,
Te Mártyrum candidátus * laudat exércitus.
Te per orbem terrárum * sancta confitétur Ecclésia,
Patrem * imménsæ majestátis;
Venerándum tuum verum * et únicum Fílium;
Sanctum quoque * Paráclitum Spíritum.
Tu Rex glóriæ, * Christe.
Tu Patris * sempitérnus es Fílius.
_
!Fit reverentia
Tu, ad liberándum susceptúrus hóminem: * non horruísti Vírginis uterum.
_
Tu, devícto mortis acúleo, * aperuísti credéntibus regna cælórum.
Tu ad déxteram Dei sedes, * in glória Patris.
Judex créderis * esse ventúrus.
_
!Sequens versus dicitur flexis genibus
Te ergo quǽsumus, tuis fámulis súbveni, * quos pretióso sánguine redemísti.
_
Ætérna fac cum Sanctis tuis * in glória numerári.
Salvum fac pópulum tuum, Dómine, * et bénedic hereditáti tuæ.
Et rege eos, * et extólle illos usque in ætérnum.
Per síngulos dies * benedícimus te.
_
!Fit reverentia, secundum consuetudinem
Et laudámus nomen tuum in sǽculum, * et in sǽculum sǽculi.
_
Dignáre, Dómine, die isto * sine peccáto nos custodíre.
Miserére nostri, Dómine, * miserére nostri.
Fiat misericórdia tua, Dómine, super nos, * quemádmodum sperávimus in te.
In te, Dómine, sperávi: * non confúndar in ætérnum.

[Ante]
/:flexis genibus:/
v. Aperi Dómine, os meum ad benedicéndum nomen sanctum tuum: munda quoque cor meum ab ómnibus vanis, pervérsis et aliénis cogitatiónibus; intelléctum illúmina, afféctum inflámma, ut digne, atténte ac devóte hoc Offícium recitáre váleam, et exaudíri mérear ante conspéctum divínæ Majestátis túæ. Per Christum Dóminum nostrum.
R. Amen.
v. Dómine, in unióne illíus divínæ intentiónis, qua ipse in terris laudes Deo persolvísti, has tibi Horas (vel hanc tibi Horam) persólvo.

[Post]
v. Sacrosánctæ et indivíduæ Trinitáti, crucifíxi Dómini nostri Jesu Christi humanitáti, beatíssimæ et gloriosíssimæ sempérque Vírginis Maríæ fœcúndæ integritáti, et ómnium Sanctórum universitáti sit sempitérna laus, honor, virtus et glória ab omni creatúra, nobísque remíssio ómnium peccatórum, per infiníta sǽcula sæculórum.
R. Amen.
_
V. Beáta víscera Maríæ Vírginis, quæ portavérunt ætérni Pátris Fílium.
R. Et beáta úbera, quæ lactavérunt Christum Dóminum.
_
r. Pater noster.
r. Ave Maria.

[Conclmart]
V. Et álibi aliórum plurimórum sanctórum Mártyrum et Confessórum, atque sanctárum Vírginum.
$Deo gratias

[DefunctV]
&Dominus_vobiscum
&Benedicamus_Domino
! %Vespera defunctorum% recitata est, omittuntur Pater, Ave
$Fidelium animae
$Pater noster

[DefunctM]
! %Officium defunctorum% recitatum est

[Oremus]
v. Orémus.

[Papa]
!Pro Papa

[Te decet]
v. Te decet laus, + te decet hymnus: tibi glória Deo Patri, et Fílio, cum Spíritu Sancto in sǽcula sæculórum. Amen.

[MLitany]
v. Kyrie eléison. Christe, eléison. Kyrie, eléison.
&pater_noster

[Vidi aquam]
#Vidi aquam
Ant. Vidi aquam egrediéntem de templo a látere dextro, allelúja: et omnes ad quos pervénit aqua ista salvi facti sunt et dicent: allelúja, allelúja. 	_	
Ps. Confitémini Dómino, quoniam bonus: quoniam in sǽculum misericórdia eius. 		
&Gloria
Ant. Vidi aquam egrediéntem de templo a látere dextro, allelúja: et omnes ad quos pervénit aqua ista salvi facti sunt et dicent: allelúja, allelúja. 	_	
_
V. Osténde nobis, Dómine, misericórdiam tuam, allelúja.
R. Et salutáre tuum da nobis, allelúja.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.
_
v. Orémus.
Exáudi nos, Dómine sancte, Pater omnípotens, ætérne Deus, et míttere dignéris sanctum Angelum tuum de cælis, qui custódiat, fóveat, prótegat, vísitet atque deféndat omnes habitántes in hoc habitáculo. Per Christum Dóminum nostrum. Amen. 		  

[Asperges me]
# Asperges me
Ant. Aspérges me, Dómine, hyssópo, et mundábor: lavábis me, et super nivem dealbábor.  	 	   
Ps. Miserére mei, Deus, secúndum magnam misericórdiam tuam. 		
&Gloria
Ant. Aspérges me, Dómine, hyssópo, et mundábor: lavábis me, et super nivem dealbábor.  
_
V. Osténde nobis, Dómine, misericórdiam tuam.
R. Et salutáre tuum da nobis.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.
_
v. Orémus.
Exáudi nos, Dómine sancte, Pater omnípotens, ætérne Deus, et míttere dignéris sanctum Angelum tuum de cælis, qui custódiat, fóveat, prótegat, vísitet atque deféndat omnes habitántes in hoc habitáculo. Per Christum Dóminum nostrum. Amen.

[Ultima Evangelium]
v. Inítium ++ sancti Evangélii secúndum Joánnem
!Joann. 1, 1-14. 
!Junctis manibus prosequitur:
v. In princípio erat Verbum, et Verbum erat apud Deum, et Deus erat Verbum. Hoc erat in princípio apud Deum. Omnia per ipsum facta sunt: et sine ipso factum est nihil, quod factum est: in ipso vita erat, et vita erat lux hóminum: et lux in ténebris lucet, et ténebræ eam non comprehendérunt. 
Fuit homo missus a Deo, cui nomen erat Joánnes. Hic venit in testimónium, ut testimónium perhibéret de lúmine, ut omnes créderent per illum. Non erat ille lux, sed ut testimónium perhibéret de lúmine. 
Erat lux vera, quæ illúminat omnem hóminem veniéntem in hunc mundum. In mundo erat, et mundus per ipsum factus est, et mundus eum non cognóvit. In própria venit, et sui eum non recepérunt. Quotquot autem recepérunt eum, dedit eis potestátem fílios Dei fíeri, his, qui credunt in nómine ejus: qui non ex sanguínibus, neque ex voluntáte carnis, neque ex voluntáte viri, sed ex Deo nati sunt. (Genuflectit dicens:) Et Verbum caro factum est, (Et surgens prosequitur:) et habitávit in nobis: et vídimus glóriam ejus, glóriam quasi Unigéniti a Patre, plenum grátiæ et veritátis.