[Rank]
In Vigilia Epiphaniæ;;Semiduplex;;4.9;;ex Sancti/01-01

[Rank] (rubrica tridentina)
In Vigilia Epiphaniæ;;Semiduplex;;2.9;;ex Sancti/01-01

[Rank] (rubrica 196)
Die Quinta Januarii;;Feria;;1.2;;vide Sancti/01-01

[Rule]
CPapaM=Telésphorum;
ex Sancti/101-01;
Gloria
CredoDA
Prefatio=Nat
Suffragium=Maria2;;

[Introitus]
!Sap 18:14-15.
v. Dum médium siléntium tenérent ómnia, et nox in suo cursu médium iter habéret, omnípotens Sermo tuus, Dómine, de coelis a regálibus sédibus venit
!Ps 92:l
Dóminus regnávit, decórem indútus est: indutus est Dóminus fortitúdinem, et præcínxit se.
&Gloria
v. Dum médium siléntium tenérent ómnia, et nox in suo cursu médium iter habéret, omnípotens Sermo tuus, Dómine, de coelis a regálibus sédibus venit

[Oratio]
Omnípotens sempitérne Deus, dírige actus nostros in beneplácito tuo: ut in nómine dilécti Fílii tui mereámur bonis opéribus abundáre:
$Qui tecum

[Commemoratio Oratio]
!Pro S. Telesphori Papæ et Mart.
@Commune/C2b:Oratio:s/N\./Telésphori/
(sed communi Summorum Pontificum)
@Commune/C4b:Oratio Gregem

[Lectio]
Léctio Epístolæ beáti Pauli Apóstoli ad Gálatas.
!Gal 4:1-7
Fratres: Quanto témpore heres párvulus est, nihil differt a servo, cum sit dóminus ómnium: sed sub tutóribus et actóribus est usque ad præfinítum tempus a patre: ita et nos, cum essémus párvuli, sub eleméntis mundi erámus serviéntes. At ubi venit plenitúdo témporis, misit Deus Fílium suum, factum ex mulíere, factum sub lege, ut eos, qui sub lege erant, redímeret, ut adoptiónem filiórum reciperémus. Quóniam autem estis fílii, misit Deus Spíritum Fílii sui in corda vestra, clamántem: Abba, Pater. Itaque jam non est servus, sed fílius: quod si fílius, et heres per Deum.

[Graduale]
!Ps 44:3; 44:2
Speciósus forma præ fíliis hóminum: diffúsa est grátia in lábiis tuis.
V. Eructávit cor meum verbum bonum, dico ego ópera mea Regi: lingua mea cálamus scribæ, velóciter scribéntis. Allelúja, allelúja
!Ps 92:l
Dóminus regnávit, decórem índuit: índuit Dóminus fortitúdinem, et præcínxit se virtúte. Allelúja.

[Evangelium]
Sequéntia ++ sancti Evangélii secúndum Matthǽum.
!Matt 2:19-23.
In illo témpore: Defúncto Heróde, ecce, Angelus Dómini appáruit in somnis Joseph in Ægýpto, dicens: Surge, et áccipe Púerum et Matrem ejus, et vade in terram Israël: defúncti sunt enim, qui quærébant ánimam Pueri. Qui consúrgens, accépit Púerum et Matrem ejus, et venit in terram Israël. Audiens autem, quod Archeláus regnáret in Judæa pro Heróde patre suo, tímuit illo ire: et, admonítus in somnis, secéssit in partes Galilææ. Et véniens habitávit in civitáte, quæ vocátur Názareth: ut adimplére tur quod dictum est per Prophétas: Quóniam Nazaræus vocábitur.

[Offertorium]
!Ps 92:1-2
Deus firmávit orbem terræ, qui non commovébitur: paráta sedes tua, Deus, ex tunc, a sǽculo tu es.

[Secreta]
Concéde, quǽsumus, omnípotens Deus: ut óculis tuæ majestátis munus oblátum, et grátiam nobis piæ devotiónis obtíneat, et efféctum beátæ perennitátis acquírat.
$Per Dominum

[Commemoratio Secreta]
!Pro S. Telesphori Papæ et Mart.
@Commune/C2b:Secreta:s/N\./Telésphoro/
(sed communi Summorum Pontificum)
@Commune/C4b:Secreta Gregem


[Communio]
!Matt 2:20
Tolle Púerum et Matrem ejus, et vade in terram Israël: defúncti sunt enim, qui quærébant ánimam Púeri.

[Postcommunio]
Per hujus, Dómine, operatiónem mystérii, et vítia nostra purgéntur, et justa desidéria compleántur.
$Per Dominum

[Commemoratio Postcommunio]
!Pro S. Telesphori Papæ et Mart.
@Commune/C2c:Postcommunio:s/N\./Telésphoro/
(sed communi Summorum Pontificum)
@Commune/C4b:Postcommunio Gregem