[Rank]
Beatæ Mariæ Virginis Reginæ;;Duplex II classis;;5.1;;ex C11

[Rank] (rubrica 196)
Beatæ Mariæ Virginis Reginæ;;Duplex II classis;;5;;ex C11

[Rule]
ex C11;
Gloria
Credo
Prefatio=Maria=festivitate

[Introitus]
v. Gaudeámus omnes in Dómino, diem festum celebrántes sub honóre beátæ Maríæ Vírginis Regínæ: de cuius solemnitáte gaudent Angeli, et colláudant Fílium Dei. ~(Alleluia, alleluia.)
!Ps 44:2
Effúndit cor meum verbum bonum: dico ego carmen meum Regi.
&Gloria
v. Gaudeámus omnes in Dómino, diem festum celebrántes sub honóre beátæ Maríæ Vírginis Regínæ: de cuius solemnitáte gaudent Angeli, et colláudant Fílium Dei. ~(Alleluia, alleluia.)

[Introitus1]
!Sedulius
v. Salve, sancta parens, eníxa puérpera Regem: qui cælum térramque regit in sǽcula sæculórum. (Allelúia, allelúia.)
!Ps 44:2
Eructávit cor meum verbum bonum: dico ego ópera mea Regi.
&Gloria
v. Salve, sancta parens, eníxa puérpera Regem: qui cælum térramque regit in sǽcula sæculórum. (Allelúia, allelúia.)

[Oratio]
Concéde nobis, quǽsumus, Dómine: ut, qui solemnitátem beátæ Maríæ Vírginis Regínæ nostræ celebrámus; eius muníti præsídio, pacem in præsénti et glóriam in futúro cónsequi mereámur.
$Per Dominum

[Lectio]
Lectio libri Sapientiæ.
!Eccli 24:5, 7, 9-11, 30-31
Ego ex ore Altíssimi prodívi, primogénita ante omnem creatúram; ego in altíssimis habitávi, et thronus meus in colúmna nubis. In omni terra steti; et in omni pópulo, et in omni gente primátum hábui, et ómnium excelléntium et humílium corda virtúte calcávi. Qui audit me, non confundétur, et qui operántur in me, non peccábunt; qui elúcidant me, vitam ætérnam habébunt.

[GradualeP]
Alleluia, alleluia.
V. Beáta es, Virgo María, quæ sub Cruce Dómini sustinuísti. Allelúia.
V. Nunc cum eo regnas in ætérnum. Allelúia.

[Graduale]
!Apo 19:16
Ipse habet in vestiménto et in fémore suo scriptum: Rex regum et Dóminus dominántium.
!Ps 44:10
Regína adstat ad déxteram eius, ornáta auro ex Ophir. Allelúia, allelúia.
V. Salve, Regína misericórdiæ, tu nos ab hoste prótege, et mortis hora súscipe. Allelúia.

[Tractus]
Gaude, María Virgo, cunctas hǽreses sola interemísti.
V. Quæ Gabriélis Archángeli dictis credidísti.
V. Dum Virgo Deum et hóminem genuísti: et post partum, Virgo, invioláta permansísti.
V. Dei Génetrix, intercéde pro nobis.

[Evangelium]
Sequentia sancti Evangelii secundum Lucam.
!Luc 1:26-33
In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Ioseph, de domo David, et nomen Vírginis María. Et ingréssus Angelus ad eam, dixit: Ave, grátia plena: Dóminus tecum: benedícta tu in muliéribus. Quæ cum audísset, turbáta est in sermóne eius: et cogitábat, qualis esset ista salutátio. Et ait Angelus ei: Ne tímeas, María, invenísti enim grátiam apud Deum: ecce concípies in útero, et páries fílium, et vocábis nomen eius Iesum. Hic erit magnus, et Fílius Altíssimi vocábitur, et dabit illi Dóminus Deus sedem David patris eius: et regnábit in domo Iacob in ætérnum, et regni eius non erit finis.

[Offertorium]
Regáli ex progénie María exórta refúlget; cuius præscibus nos adiuvári, mente et spíritu devotíssime póscimus. (Allelúia.)

[Secreta]
Accipe, quǽsumus, Dómine, múnera lætántis Ecclésiæ, et, beátæ Vírginis Maríæ Regínæ suffragántibus méritis, ad nostræ salútis auxílium proveníre concéde.
$Per Dominum

[Communio]
Regína mundi digníssima, María Virgo perpétua, intercéde pro nostra pace et salúte, quæ genuísti Christum Dóminum, Salvatórem ómnium. (Allelúia.)

[Postcommunio]
Celebrátis solémniis, Dómine, quæ pro sanctæ Maríæ Regínæ nostræ festivitáte (memória) perégimus: eius, quǽsumus, nobis intercessióne fiant salutária; in cuius honóre sunt exsultánter impléta.
$Per Dominum