[Rank]
S. Pii X Papæ Confessoris;;Duplex;;3;;vide C4b

[Rule]
vide C4b
Gloria
CredoDA

[Introitus]
!Ps 88:20-22
v. Extuli eléctum de pópulo, óleo sancto meo unxi eum: ut manus mea sit semper~
cum eo, et brácchium meum confírmet eum.
!Ps. 88:2
Grátias Dómini in ætérnum cantábo: per omnes generatiónes annuntiábo~
fidelitátem tuam ore meo.
&Gloria
v. Extuli eléctum de pópulo, óleo sancto meo unxi eum: ut manus mea sit semper~
cum eo, et brácchium meum confírmet eum.

[Oratio]
Deus, qui ad tuéndam cathólicam fidem, et univérsa in Christo instauránda~
sanctum Pium, Summum Pontíficem, cælésti sapiéntia et apostólica fortitúdine~
replevísti: concéde propítius; ut, ejus institúta et exémpla sectántes, præmia~
consequámur ætérna.
$Per eundem

[Lectio]
Lectio prima Sancti Pauli apóstoli ad Thessalonicénses
!1 Thess 2:2-8
v. Fratres: Fidúciam habúimus in Deo nostro, loqui ad vos Evangélium Dei in multa sollicitúdine. Exhortátio enim nostra non de erróre, neque de immundítia, neque in dolo, sed sicut probáti sumus a Deo ut crederétur nobis Evangélium: ita lóquimur non quasi homínibus placéntes, sed Deo, qui probat corda nostra. Neque enim aliquándo fúimus in sermóne adulatiónis, sicut scitis: neque in occasióne avarítiæ: Deus testis est: nec quæréntes ab homínibus glóriam, neque a vobis, neque ab áliis. Cum possémus vobis óneri esse ut Christi apóstoli: sed facti sumus párvuli in médio vestrum, tamquam si nutrix fóveat fílios suos. Ita desiderántes vos, cúpide volebámus trádere vobis non solum Evangélium Dei, sed étiam ánimas nostras: quóniam caríssimi nobis facti estis.

[Graduale]
!Ps 39:10-11
v. Annuntiávi justítiam tuam in cœtu magno; ecce lábia mea non cohíbui: Dómine, tu nosti.
V. Justítiam tuam non abscóndi in corde meo; fidelitátem tuam et auxílium tuum narrávi. Allelúia, allelúia.
!Ps 22:5-6
Paras mihi mensam, inúngis óleo caput meum, calix meus ubérrimus est. Allelúia.

[Tractus]
!Ps 131:16-18
v. Sacerdótes ejus índuam salúte, et sancti ejus exsultántes exsultábunt.
V. Illic David suscitábo cornu, parábo lucérnam uncto meo.
V. Inimícos ejus índuam confusióne, super ipsum autem fulgébit diadéma meum.

[GradualeP]
Alleluia, alleluia.
!Ps 22:5-6
v. Paras mihi mensam, inúngis óleo caput meum, calix meus ubérrimus est. Allelúia.
!Ps 25:8
V. Dómine, díligo habitáculum domus tuæ et locum tabernáculi glóriæ tuæ. Allelúia.

[Evangelium]
Sequéntia Sancti evangélii secúndum Joánnem
!Joannes 21:15-17
v. In illo témpore, dicit Jesus Simóni Petro: Simon Joánnis, díligis me plus~
his? Dicit ei: Etiam Dómine, tu scis quia amo te. Dicit ei: Pasce agnos meos.~
Dicit ei íterum: Simon Joánnis, díligis me? Ait illi: Etiam Dómine, tu scis quia~
amo te. Dicit ei: Pasce agnos meos. Dicit ei tértio: Simon Joánnis, amas me?~
Contristátus est Petrus, quia dixit ei tértio: Amas me? et dixit ei: Dómine, tu~
ómnia nosti, tu scis quia amo te. Dixit ei: Pasce oves meas.

[Offertorium]
!Ps 33:12
v. Veníte, fílii; audíte me: timórem Dómini docébo vos.

[Secreta]
Oblatiónibus nostris, quǽsumus, Dómine, benígne suscéptis, da nobis, ut hæc~
divína mystéria, sancto Pio Summo Pontífice intercedénte, sincéris tractémus~
obséquiis et fidéli mente sumámus.
$Per Dominum

[Communio]
!Joannes 6:56-57
Caro enim mea vere est cibus: et sanguis meus, vere est potus; qui mandúcat meam~
carnem et bibit meum sánguinem, in me manet, et ego in illo.

[Postcommunio]
Mensæ cæléstis virtúte refécti, quǽsumus, Dómine Deus noster: ut,~
interveniénte sancto Pio Summo Pontífice; fortes efficiámur in fide, et in tua~
simus caritáte concórdes.
$Per Dominum