[Rank]
Dominica II Adventus;;Semiduplex;;5.6

[Rank] (rubrica tridentina)
Dominica II Adventus;;Semiduplex;;6.1

[Rank] (rubrica 196)
Dominica II Adventus;;Semiduplex;;6

[Rule]
no Gloria
Credo
Suffr=Maria1;Ecclesiæ,Papa;;

[Introitus]
!Is 30:30
v. Pópulus Sion, ecce, Dóminus véniet ad salvándas gentes: et audítam fáciet~
Dóminus glóriam vocis suæ in lætítia cordis vestri.
!Ps 79:2
Qui regis Israël, inténde: qui dedúcis, velut ovem, Joseph.
&Gloria
v. Pópulus Sion, ecce, Dóminus véniet ad salvándas gentes: et audítam fáciet~
Dóminus glóriam vocis suæ in lætítia cordis vestri.

[Oratio]
Excita, Dómine, corda nostra ad præparándas Unigéniti tui vias: ut, per ejus~
advéntum, purificátis tibi méntibus servíre mereámur:
$Qui tecum

[Lectio]
Lectio Epístolæ beáti Pauli Apostoli ad Romános
!Rom 15:4-13.
Fratres: Quæcúmque scripta sunt, ad nostram doctrínam scripta sunt: ut per patiéntiam et consolatiónem Scripturárum spem habeámus. Deus autem patiéntiæ et solácii det vobis idípsum sápere in altérutrum secúndum Jesum Christum: ut unánimes, uno ore honorificétis Deum et Patrem Dómini nostri Jesu Christi. Propter quod suscípite ínvicem, sicut et Christus suscépit vos in honórem Dei. Dico enim Christum Jesum minístrum fuísse circumcisiónis propter veritátem Dei, ad confirmándas promissiónes patrum: gentes autem super misericórdia honoráre Deum, sicut scriptum est: Proptérea confitébor tibi in géntibus, Dómine, et nómini tuo cantábo. Et íterum dicit: Lætámini, gentes, cum plebe ejus. Et iterum: Laudáte, omnes gentes, Dóminum: et magnificáte eum, omnes pópuli. Et rursus Isaías ait: Erit radix Jesse, et qui exsúrget régere gentes, in eum gentes sperábunt. Deus autem spei répleat vos omni gáudio et pace in credéndo: ut abundétis in spe et virtúte Spíritus Sancti.

[Graduale]
!Ps 49:2-3; 49:5
Ex Sion species decóris ejus: Deus maniféste véniet,
V. Congregáte illi sanctos ejus, qui ordinavérunt testaméntum ejus super~
sacrifícia. Allelúja, allelúja,
!Ps 121:1
V. Lætátus sum in his, quæ dicta sunt mihi: in domum Dómini íbimus. Allelúja.

[GradualeF]
!Ps 49:2-3; 49:5
Ex Sion species decóris ejus: Deus maniféste véniet,
V. Congregáte illi sanctos ejus, qui ordinavérunt testaméntum ejus super~
sacrifícia.

[Evangelium]
Sequéntia ++ sancti Evangélii secúndum Matthǽum
!Matt 11:2-10
In illo tempore: Cum audísset Joánnes in vínculis ópera Christi, mittens duos de~
discípulis suis, ait illi: Tu es, qui ventúrus es, an alium exspectámus? Et~
respóndens Jesus, ait illis: Eúntes renuntiáte Joánni, quæ audístis et vidístis.~
Cæci vident, claudi ámbulant, leprósi mundántur, surdi áudiunt, mórtui resúrgunt,~
páuperes evangelizántur: et beátus est, qui non fúerit scandalizátus in me.~
Illis autem abeúntibus, cœpit Jesus dícere ad turbas de Joánne: Quid exístis in~
desértum vidére? arúndinem vento agitátam? Sed quid exístis videre? hóminem~
móllibus vestitum? Ecce, qui móllibus vestiúntur, in dómibus regum sunt. Sed~
quid exístis vidére? Prophétam? Etiam dico vobis, et plus quam Prophétam. Hic~
est enim, de quo scriptum est: Ecce, ego mitto Angelum meum ante fáciem tuam,~
qui præparábit viam tuam ante te. 

[Offertorium]
!Ps 84:7-8
Deus, tu convérsus vivificábis nos, et plebs tua lætábitur in te: osténde nobis,~
Dómine, misericórdiam tuam, et salutáre tuum da nobis.

[Secreta]
Placáre, quǽsumus, Dómine, humilitátis nostræ précibus et hóstiis: et, ubi~
nulla suppétunt suffrágia meritórum, tuis nobis succúrre præsídiis.
$Per Dominum

[Communio]
!Bar 5:5; 4:36
Jerúsalem, surge et sta in excélso, et vide jucunditátem, quæ véniet tibi a Deo~
tuo.

[Postcommunio]
Repléti cibo spirituális alimóniæ, súpplices te, Dómine, deprecámur: ut, hujus~
participatióne mystérii, dóceas nos terréna despícere et amáre cœléstia.
$Per Dominum