[Rank] Feria IV Quattuor Temporum in Adventu;;Feria major;;2.1 [Rank] (rubrica 196) Feria IV Quattuor Temporum Adventus;;Feria major;;4.9 [RankNewcal] Feria IV infra Hebdomadam III Adventus;;Feria major;;2.1 [Rule] Oratio Dominica no Gloria no Credo LectioL1 Suffr=Maria1;Ecclesiæ,Papa;; [Introitus] !Is 45:8 v. Roráte, cœli, désuper, et nubes pluant justum: aperiátur terra, et gérminet~ Salvatórem !Ps 18:2. Cœli enárrant glóriam Dei: et ópera mánuum ejus annúntiat firmaméntum. &Gloria v. Roráte, cœli, désuper, et nubes pluant justum: aperiátur terra, et gérminet~ Salvatórem [Oratio] Præsta, quǽsumus, omnípotens Deus: ut~ redemptiónis nostræ ventúra sollémnitas et præséntis nobis vitæ subsídia~ cónferat, et ætérnæ beatitúdinis prǽmia largiátur. $Per Dominum [LectioL1] Léctio Isaíæ Prophétæ !Is 2:2-5. In diébus illis: Dixit Isaias Prophéta: Erit in novíssimis diébus præparátus mons domus Dómini in vértice móntium, et elevábitur super colles, et fluent ad eum omnes gentes. Et ibunt pópuli multi, et dicent: Veníte et ascendámus ad montem Dómini, et ad domum Dei Jacob, et docébit nos vias suas, et ambulábimus in sémitis ejus: quia de Sion exíbit lex, et verbum Dómini de Jerúsalem. Et judicábit gentes, et árguet pópulos multos: et conflábunt gládios suos in vómeres, et lánceas suas in falces. Non levábit gens contra gentem gládium: nec exercebúntur ultra ad prǽlium. Domus Jacob, veníte, et ambulémus in lúmine Dómini, Dei nostri. $Deo gratias [GradualeL1] !Ps 23:7; 23:3; 23:4 v. Tóllite portas, principes, vestras: et elevámini, portæ æternáles: et~ introíbit Rex glóriæ. V. Quis ascéndet in montem Dómini? aut quis stabit in loco sancto ejus ? Innocens~ mánibus et mundo corde. [OratioL1] Festína, quǽsumus, Dómine, ne tardáveris, et auxílium nobis supérnæ virtútis~ impénde: ut advéntus tui consolatiónibus sublevéntur, qui in tua pietáte~ confídunt: $Qui vivis [Lectio] Lectio Isaíæ Prophétæ !Is 7:10-15 In diébus illis: Locútus est Dóminus ad Achaz, dicens: Pete tibi signum a Dómino, Deo tuo, in profúndum inférni, sive in excélsum supra. Et dixit Achaz: Non petam et non tentábo Dóminum. Et dixit: Audíte ergo, domus David: Numquid parum vobis est, moléstos esse homínibus, quia molesti estis et Deo meo? Propter hoc dabit Dóminus ipse vobis signum. Ecce, Virgo concípiet et páriet fílium, et vocábitur nomen ejus Emmánuel. Butýrum et mel cómedet, ut sciat reprobare malum et elígere bonum. [Graduale] !Ps 144:18; 144:21 Prope est Dóminus ómnibus invocántibus eum: ómnibus qui ínvocant eum in~ veritáte. V. Laudem Dómini loquétur os meum: et benedícat omnis caro nomen sanctum ejus. [Evangelium] Sequéntia ++ sancti Evangélii secundum Lucam !Luc 1:26-38 In illo tempore: Missus est Angelus Gábriel a Deo in civitatem Galilǽæ, cui~ nomen Názareth, ad Vírginem desponsátam viro, cui nomen erat Joseph, de domo~ David, et nomen Vírginis María. Et ingréssus Angelus ad eam, dixit: Ave, grátia~ plena; Dóminus tecum: benedícta tu in muliéribus. Quæ cum audísset, turbáta est in sermóne ejus: et cogitábat, qualis esset~ ista salutátio. Et ait Angelus ei: Ne tímeas, María, invenísti enim grátiam apud~ Deum: ecce, concípies in útero, et páries fílium, et vocábis nomen ejus Jesum.~ Hic erit magnus, et Fílius Altíssimi vocábitur, et dabit illi Dóminus Deus sedem~ David, patris ejus: et regnábit in domo Jacob in ætérnum, et regni ejus non erit~ finis. Dixit autem María ad Angelum: Quómodo fiet istud, quóniam virum non~ cognósco? Et respóndens Angelus, dixit ei: Spíritus Sanctus supervéniet in te,~ et virtus Altíssimi obumbrábit tibi. Ideóque et quod nascétur ex te Sanctum,~ vocábitur Fílius Dei. Et ecce, Elísabeth, cognáta tua, et ipsa concépit fílium~ in senectúte sua: et hic mensis sextus est illi, quæ vocátur stérilis: quia non~ erit impossíbile apud Deum omne verbum. Dixit autem María: Ecce ancílla Dómini,~ fiat mihi secúndum verbum tuum. [Offertorium] !Is 35:4. Confortámini, et jam nolite timére: ecce enim, Deus noster retríbuet judícium:~ ipse véniet, et salvos nos fáciet. [Secreta] Acépta tibi sint, quǽsumus, Dómine, nostra jejúnia: quæ et expiándo nos tua~ grátia dignos effíciant, et ad sempiterna promíssa perdúcant. $Per Dominum [Communio] !Is 7:14 Ecce, Virgo concípiet et páriet fílium: et vocábitur nomen ejus Emmánuel. [Postcommunio] Salutáris tui, Dómine, munere satiáti, súpplices deprecámur: ut, cujus lætámur~ gustu, renovémur efféctu. $Per Dominum