[Rank] Dominica Infra Octavam Nativitatis;;Semiduplex;;5;;ex Sancti/12-25 [Rank] (rubrica 196) Dominica Infra Octavam Nativitatis;;Semiduplex;;5.5;;ex Sancti/12-25 [Rule] Gloria Credo Prefatio=Nat no commemoratio (rubrica 1960) [Introitus] !Sap 18:14-15. v. Dum médium siléntium tenérent ómnia, et nox in suo cursu médium iter háberet,~ omnípotens Sermo tuus, Dómine, de cœlis a regálibus sédibus venit. !Ps 92:1 Dóminus regnávit, decórem indútus est: indútus est Dóminus fortitúdinem, et~ præcínxit se. &Gloria v. Dum médium siléntium tenérent ómnia, et nox in suo cursu médium iter háberet,~ omnípotens Sermo tuus, Dómine, de cœlis a regálibus sédibus venit. [Oratio] Omnípotens sempitérne Deus, dírige actus nostros in beneplácito tuo: ut in~ nómine dilécti Fílii tui mereámur bonis opéribus abundáre: $Qui tecum [Commemoratio Oratio] !Pro Octava Nativitatis: Concéde, quǽsumus, omnípotens Deus: ut nos Unigéniti tui nova per carnem~ Natívitas líberet; quos sub peccáti jugo vetústa sérvitus tenet. $Per eundem [Lectio] Lectio Epístolæ beati Pauli Apóstoli ad Gálatas. !Gal 4:1-7 Fratres: Quanto témpore heres párvulus est, nihil differt a servo, cum sit dóminus ómnium: sed sub tutóribus et actóribus est usque ad præfinítum tempus a patre: ita et nos, cum essémus párvuli, sub eleméntis mundi erámus serviéntes. At ubi venit plenitúdo témporis, misit Deus Fílium suum, factum ex mulíere, factum sub lege, ut eos, qui sub lege erant, redímeret, ut adoptiónem filiórum reciperémus. Quóniam autem estis fílii, misit Deus Spíritum Fílii sui in corda vestra, clamántem: Abba, Pater. Itaque jam non est servus, sed fílius: quod si fílius, et heres per Deum. [Graduale] !Ps 44:3; 44:2 Speciósus forma præ filiis hóminum: diffúsa est gratia in lábiis tuis. V. Eructávit cor meum verbum bonum, dico ego ópera mea Regi: lingua mea cálamus~ scribæ, velóciter scribéntis. Allelúja, allelúja. !Ps 92:1. Dóminus regnávit, decórem índuit: índuit Dóminus fortitúdinem, et præcínxit se~ virtúte. Allelúja. [Evangelium] Sequéntia ++ sancti Evangélii secundum Lucam. !Luc 2:33-40 In illo témpore: Erat Joseph et María Mater Jesu, mirántes super his quæ~ dicebántur de illo. Et benedíxit illis Símeon, et dixit ad Maríam Matrem ejus:~ Ecce, pósitus est hic in ruínam et in resurrectiónem multórum in Israël: et in~ signum, cui contradicétur: et tuam ipsíus ánimam pertransíbit gládius, ut~ reveléntur ex multis córdibus cogitatiónes. Et erat Anna prophetíssa, fília~ Phánuel, de tribu Aser: hæc procésserat in diébus multis, et víxerat cum viro~ suo annis septem a virginitáte sua. Et hæc vídua usque ad annos octogínta~ quátuor: quæ non discedébat de templo, jejúniis et obsecratiónibus sérviens~ nocte ac die. Et hæc, ipsa hora supervéniens, confitebátur Dómino, et loquebátur~ de illo ómnibus, qui exspectábant redemptiónem Israël. Et ut perfecérunt ómnia~ secúndum legem Dómini, revérsi sunt in Galilǽam in civitátem suam Názareth. Puer autem crescébat, et confortabátur, plenus~ sapiéntia: et grátia Dei erat in illo. [Offertorium] !Ps 92:1-2 Deus firmávit orbem terræ, qui non commovébitur: paráta sedes tua, Deus, ex tunc, a~ sǽculo tu es. [Secreta] Concéde, quǽsumus, omnípotens Deus: ut óculis tuæ majestátis munus oblátum, et~ grátiam nobis piæ devotiónis obtineat, et efféctum beátæ perennitátis acquírat. $Per Dominum [Commemoratio Secreta] !Pro Octava Nativitatis: Obláta, Dómine, múnera, nova Unigéniti tui Nativitáte sanctífica: nosque a~ peccatórum nostrórum máculis emúnda. $Per eundem [Communio] !Matt 2:20 Tolle Púerum et Matrem ejus, et vade in terram Israël: defúncti sunt enim, qui~ quærébant ánimam Púeri. [Postcommunio] Per hujus, Dómine, operatiónem mystérii, et vitia nostra purgéntur, et justa~ desidéria compleántur. $Per Dominum [Commemoratio Postcommunio] !Pro Octava Nativitatis: Præsta, quǽsumus, omnípotens Deus: ut natus hódie Salvátor mundi, sicut divínæ~ nobis generatiónis est auctor; ita et immortalitátis sit ipse largítor: $Qui tecum