[Name] Missa Votiva in Creatione et Coronatione Papae et in die anniversarii [Rule] Gloria Credo [Introitus] !Eccli 45:30 v. Státuit ei Dóminus testaméntum pacis, et príncipem fecit eum: ut sit illi~ sacerdótii dígnitas in ætérnum. (Alleluia, alleluia.) !Ps 131:1 Meménto, Dómine, David: et omnis mansuetúdinis ejus. &Gloria v. Státuit ei Dóminus testaméntum pacis, et príncipem fecit eum: ut sit illi~ sacerdótii dígnitas in ætérnum. (Alleluia, alleluia.) [Oratio] Deus, ómnium fidélium pastor et rector, fámulum tuum N.p, quem pastórem Ecclésiæ~ tuæ præésse voluísti, propítius réspice: da ei, quaesumus, verbo et exémplo,~ quibus præest, profícere; ut ad vitam, una cum grege sibi crédito, pervéniat~ sempitérnam. $Per Dominum [Lectio] Léctio Epístolæ beáti Petri Apóstoli. !1. Pet 1:1-7 Petrus, Apóstolus Jesu Christi, eléctis ádvenis dispersiónis Ponti, Galátiæ, Cappadóciæ, Asiæ et Bithýniæ secúndum præsciéntiam Dei Patris, in sanctificatiónem Spíritus, in oboediéntiam, et aspersiónem sánguinis Jesu Christi: grátia vobis et pax multiplicétur. Benedíctus Deus et Pater Dómini nostri Jesu Christi, qui secúndum misericórdiam suam magnam regenerávit nos in spem vivam, per resurrectiónem Jesu Christi ex mórtuis, in hereditátem incorruptíbilem et incontaminátam et immarcescíbilem, conservátam in coelis in vobis, qui in virtúte Dei custodímini per fidem in salútem, parátam revelári in témpore novíssimo. In quo exsultábitis, modicum nunc si opórtet contristári in váriis tentatiónibus: ut probátio vestræ fídei multo pretiósior auro (quod per ignem probatur) inveniátur in laudem et glóriam et honórem, in revelatióne Jesu Christi, Dómini nostri. [Graduale] !Ps 106:32; 106:31. Exáltent eum in ecclésia plebis: et in cathedra seniórum laudent eum.~ Confiteántur Dómino misericórdiæ ejus, et mirabília ejus fíliis hóminum.~ Allelúja, allelúja !Matt 16:18 Tu es Petrus, et super hanc petram ædificábo Ecclésiam meam. Allelúja. [Tractus] !Matt 16:18-19 Tu es Petrus, et super hanc petram ædificábo Ecclésiam meam. V. Et portæ ínferi non prævalébunt advérsus eam: et tibi dabo claves regni coelórum. V. Quodcúmque ligáveris super terram, erit ligátum et in coelis. V. Et quodcúmque sólveris super terram, erit solútum et in coelis. [GradualeP] Allelúja, allelúja !Ps 106:8 Confitébitur Dómino misericórdiæ ejus, et mirabília ejus fíliis hóminum !Matt 6:18 Tu es Petrus, et super hanc petram ædificábo Ecclésiam meam. Allelúja. [Evangelium] Sequéntia ++ sancti Evangélii secúndum Matthǽum. !Matth 16:13-19 In illo témpore: Venit Jesus in partes Cæsaréæ Philippi, et interrogábat~ discípulos suos, dicens: Quem dicunt hómines esse Fílium hóminis? At illi~ dixérunt: Alii Joánnem Baptístam, alii autem Elíam, álii vero Jeremíam, aut unum~ ex Prophétis. Dicit illis Jesus: Vos autem quem me esse dícitis? Respóndens~ Simon Petrus, dixit: Tu es Christus, Fílius Dei vivi. Respóndens autem Jesus,~ dixit ei: Beátus es, Simon Bar Jona: quia caro et sanguis non revelávit tibi,~ sed Pater meus, qui in coelis est. Et ego dico tibi, quia tu es Petrus, et super~ hanc petram ædificábo Ecclésiam meam, et portæ ínferi non prævalébunt advérsus~ eam. Et tibi dabo claves regni coelórum. Et quodcúmque ligáveris super terram,~ erit ligátum et in coelis: et quodcúmque sólveris super terram, erit solútum et~ in coelis. [Offertorium] !Matth.16,18-19 Tu es Petrus, et super hanc petram ædificábo Ecclésiam meam: et portæ ínferi non~ prævalébunt advérsus eam: et tibi dabo claves regni coelórum. (Alleluia.) [Secreta] Oblátis, quaesumus, Dómine, placáre munéribus: et fámulum tuum N.p, quem pastórem~ Ecclésiæ tuæ præésse voluísti, assídua protectióne gubérna. $Per Dominum. [Communio] !Matt 16:18 Tu es Petrus, et super hanc petram ædificábo Ecclésiam meam. (Alleluia) [Postcommunio] Hæc nos, quæsumus, Dómine, divíni sacraménti percéptio prótegat: et fámulum tuum~ N.p, quem pastórem Ecclésiæ tuæ præésse voluísti; una cum commísso sibi grege,~ salvet semper et múniat. $Per Dominum