[Name]
Missa Dedicationis Ecclesiae

[Rule]
Gloria
Credo
Prefatio=Communis

[Introitus]
!Gen 28:17
v. Terríbilis est locus iste: hic domus Dei est et porta coeli: et vocábitur~
aula Dei. (Allelúja, allelúja)
!Ps 83:2-3
Quam dilécta tabernácula tua, Dómine virtútum! concupíscit, et déficit ánima mea~
in átria Dómini.
&Gloria
v. Terríbilis est locus iste: hic domus Dei est et porta coeli: et vocábitur~
aula Dei. (Allelúja, allelúja)

[Oratio]
Deus, qui nobis per síngulos annos hujus sancti templi tui consecratiónis~
réparas diem, et sacris semper mystériis repæséntas incólumes: exáudi preces~
pópuli tui, et præsta; ut, quisquis hoc templum benefícia petitúrus ingréditur,~
cuncta se impetrásse lætétur.
$Per Dominum

[Oratio1] In ipsa die Dedicationis Ecclesiæ et per Octavam,,
Deus, qui invisibíliter ómnia cóntines, et tamen pro salúte géneris humáni signa~
tuæ poténtiæ visibíliter osténdis: templum hoc poténtia tuæ inhabitatiónis~
illústra, et concéde; ut omnes, qui huc deprecatúri convéniunt, ex quacúmque~
tribulatióne ad te clamáverint, consolatiónis tuæ benefícia consequántur.
$Per Dominum

[Lectio]
Léctio libri Apocalýpsis beáti Joánnis Apóstoli.
!Apoc 21:2-5
In diébus illis: Vidi sanctam civitátem Jerúsalem novam descendéntem de coelo a Deo, parátam sicut sponsam ornátam viro suo. Et audívi vocem magnam de throno dicéntem: Ecce tabernáculum Dei cum homínibus, et habitábit cum eis. Et ipsi pópulus ejus erunt, et ipse Deus cum eis erit eórum Deus: et abstérget Deus omnem lácrimam ab óculis eórum: et mors ultra non erit, neque luctus neque clamor neque dolor erit ultra, quia prima abiérunt. Et dixit, qui sedébat in throno: Ecce, nova fácio ómnia.

[Graduale]
Locus iste a Deo factus est, inæstimábile sacraméntum, irreprehensíbilis est.
V. Deus, cui astat Angelórum
chorus, exáudi preces servórum tuórum. Allelúja, allelúja
!Ps 137:2
Adorábo ad templum sanctum tuum: et confitébor nómini tuo. Allelúja.

[Tractus]
!Ps 124:1-2
Qui confídunt in Dómino, sicut mons Sion: non commovébitur in ætérnum, qui hábitat in Jerúsalem.
V. Montes in circúitu ejus, et Dóminus in circúitu pópuli sui, ex hoc nunc, et usque in saeculum.

[GradualeP]
Allelúja, allelúja
!Ps 137:2
Adorábo ad templum sanctum tuum: et confitébor nómini tuo.
Allelúja. V. Bene fundáta est domus Dómini supra firmam petram. Allelúja.

[Evangelium]
Sequéntia ++ sancti Evangélii secúndum Lucam.
!Luke 19:1-10
In illo témpore: Ingréssus Jesus perambulábat Jéricho. Et ecce, vir nómine~
Zachaeus: et hic princeps erat publicanórum, et ipse dives: et quærébat vidére~
Jesum, quis esset: et non póterat præ turba, quia statúra pusíllus erat. Et~
præcúrrens ascéndit in arborem sycómorum, ut vidéret eum; quia inde erat~
transitúrus. Et cum venísset ad locum, suspíciens Jesus vidit illum, et dixit ad~
eum: Zachaee, féstinans descénde; quia hódie in domo tua opórtet me manére. Et~
féstinans descéndit, et excépit illum gaudens. Et cum vidérent omnes,~
murmurábant, dicéntes, quod ad hóminem peccatórem divertísset. Stans autem~
Zachaeus, dixit ad Dóminum: Ecce, dimídium bonórum meórum, Dómine, do~
paupéribus: et si quid áliquem defraudávi, reddo quádruplum. Ait Jesus ad eum:~
Quia hódie salus dómui huic facta est: eo quod et ipse fílius sit Abrahæ. Venit~
enim Fílius hóminis quaerere et salvum fácere, quod períerat.

[Offertorium]
!Prov 29:17-18
Dómine Deus, in simplicitáte cordis mei lætus óbtuli univérsa; et pópulum tuum,~
qui repertus est, vidi cum ingénti gáudio: Deus Israël, custódi hanc voluntátem,~
~(Allelúja.)

[Secreta]
! In ipsa Ecclaesia dedicata
Annue, quaesumus, Dómine, précibus nostris: ut, quicúmque intra templi hujus,~
cujus anniversárium dedicatiónis diem celebrámus, ámbitum continémur, plena tibi~
atque perfécta córporis et ánimæ devotióne placeámus; ut, dum hæc vota præséntia~
réddimus, ad ætérna praemia, te adjuvante, perveníre mereámur.
$Per Dóminum

[Secreta2]
! Extra Ecclesiam dedicatam
Annue, quaesumus, Dómine, précibus nostris: ut, dum hæc vota præséntia réddimus,~
ad ætérna praemia, te adjuvánte, perveníre mereámur.
$Per Dóminum

[Secreta1]
! In ipsa die Dedicationis Ecclesiæ et per Octavam,
Deus, qui sacrandórum tibi auctor es múnerum, effúnde super hanc oratiónis domum~
benedictiónem tuam: ut ab ómnibus, in ea invocántibus nomen tuum, defensiónis~
tuæ auxílium se nitátur.
$Per Dominum

[Communio]
!Matth 21:13
Domus mea domus oratiónis vocábitur, dicit Dóminus: in ea omnis, qui pétii,~
accipit; et qui quærit, invénit; et pulsánti aperiétur. (Allelúja.)

[Postcommunio]
Deus, qui de vivis et electis lapídibus ætérnum majestáti tuæ praeparas~
habitáculum: auxiliáre pópulo tuo supplicánti; ut, quod Ecclésiæ tuæ~
corporálibus próficit spátiis, spirituálibus amplificétur augméntis.
$Per Dominum nostrum.

[Postcommunio1] In ipsa die Dedicationis Ecclesiæ et per Octavam,
. Quaesumus, omnípotens Deus: ut in hoc loco, quem nómini tuo indígni~
dedicávimus, cunctis peténtibus aures tuæ pietátis accómmodes.
$Per Dóminum

[ ]
! In die Dedicationis Altaris dicitur Missa ut in Dedicatione Ecclesiæ, præter orationes sequentes: quibus similiter, si agatur de Altari fixo, additur sub unica
conclusione Oratio de Mysterio vel Sancto, in cujus honorem Altare dedicatur.

[Oratio3]
Deus, qui ex omni coaptatióne Sanctórum ætérnum tibi condis habitáculum: da~
ædificatióni tuæ increménta coeléstia; ut, quorum hic relíquias pio amóre~
compléctimur, eórum semper méritis adjuvémur.
$Per Dominum.

[Secreta3]
Descéndat, quaesumus, Dómine, Deus noster, Spíritus tuus Sanctus super hoc~
altare: qui et pópuli tui dona sanctíficet, et suméntium corda dignánter~
emúndet.
$Per Dominum eiusdem

[Postcommunio3]
Omnípotens sempitérne Deus, altare hoc, nómini tuo dedicátum, cæléstis virtútis~
benedictióne sanctífica: et ómnibus in te sperántibus auxílii tui munus osténde;~
ut et hic sacramentórum virtus et votórum obtineátur efféctus.
$Per Dominum