XVI. De Horis Tertia Sexta et Nona 1.Ad Tertiam, Sextam, et Nonam, ante singulas Horas dicitur, Pater noster, Ave Maria, Deus in adjutorium, Hymnus, et Psalmi, ut in Psalterio: Antiphone secundum Officii qualitatem, ordine quo supra. Dictis Psalmis et Antiphona, dicitur Capitulum et Responsorium breve pro qualitate Officii: quae in Dominicis, et Feriis, quando non habentur propria in Proprio de Tempore, dicuntur ut in Psalterio: in Festis, si in Proprio Sanctorum non sint propria, sumuntur de Communi. Post Responsorium breve dicitur Dominus vobiscum et Oratio, que habetur in Proprio de Tempore: si autem fit de Sancto, ut in Proprio Sanctorum: alioquin ut in Communi. 2. Post Orationem repetitur Dominus vobiscum, et dicitur Benedicamus Domino, Fidelium anime, et Pater noster secreto, ut infra in Rubrica de Oratione Dominica explicatur.