Idibus Septémbris
_
Alexandríæ natális beáti Philíppi, patris sanctæ Eugéniæ Vírginis. Hic, dignitátem Præfectúræ Ægýpti déserens, Baptismátis grátiam assecútus est; quem, in oratióne constitútum, jussit Teréntius Præféctus, ejus succéssor, gládio jugulári.
Item sanctórum Mártyrum Macróbii et Juliáni, qui sub Licínio passi sunt.
Eódem die sancti Ligórii Mártyris, qui a Gentílibus, in erémo degens, ob Christi fidem necátus est.
Alexandríæ sancti Eulógii Epíscopi, doctrína et sanctitáte célebris.
Andégavi, in Gállia, sancti Maurílii Epíscopi, qui innúmeris miráculis cláruit.
Apud Sénonas sancti Amáti, Epíscopi et Confessóris.
In monastério Romárico, in Gállia, sancti Amáti, Presbýteri et Abbátis, abstinéntia et miraculórum dono illústris.
Ipso die sancti Venérii Confessóris, admirándæ sanctitátis viri, qui in ínsula Palmária vitam eremíticam duxit.