Quarto Kaléndas Novémbris
_
Sanctórum Episcopórum Maximiliáni Mártyris, et Valentíni Confessóris.
Sidóne, in Phœnícia, sancti Zenóbii Presbýteri, qui, sub novíssimæ persecutiónis acerbitáte, ad martýrium álios exhórtans, martýrio et ipse dignátus est.
In Lucánia sanctórum Mártyrum Hyacínthi, Quincti, Feliciáni et Lúcii.
Bérgomi sanctæ Eusébiæ, Vírginis et Mártyris.
Hierosólymis natális beáti Narcíssi Epíscopi, sanctitáte, patiéntia ac fide laudábilis, qui, centum et séxdecim annórum senex, felíciter migrávit ad Dóminum.
Augustodúni sancti Joánnis, Epíscopi et Confessóris.
Cassíope, in ínsula Corcýra, sancti Donáti Epíscopi, de quo scribit beátus Gregórius Papa.
Viénnæ, in Gállia, deposítio beáti Theodóri Abbátis.