[Absolutiones]
Exáudi, Dómine Jesu Christe, preces servórum tuórum, et miserére nobis: Qui cum Patre et Spíritu Sancto vivis et regnas in sǽcula sæculórum.
Ipsíus píetas et misericórdia nos ádjuvet, qui cum Patre et Spíritu Sancto vivit et regnat in sǽcula sæculórum.
A vínculis peccatórum nostrórum absólvat nos omnípotens et miséricors Dóminus.

[Nocturn 1]
Benedictióne perpétua benedícat nos Pater ætérnus.
Unigénitus Dei Fílius nos benedícere et adjuváre dignétur.
Spíritus Sancti grátia illúminet sensus et corda nostra.
In unitáte Sancti Spíritus, benedícat nos Pater et Fílius.

[Nocturn 2]
Deus Pater omnípotens sit nobis propítius et clemens.
Christus perpétuæ det nobis gáudia vitæ.
Ignem sui amóris accéndat Deus in córdibus nostris.
A cunctis vítiis et peccátis absólvat nos virtus sanctæ Trinitátis.

[Nocturn 3]
Ille nos benedícat, qui sine fine vivit et regnat.
Divínum auxílium máneat semper nobíscum.
Ad societátem cívium supernórum perdúcat nos Rex Angelórum.
Cujus festum cólimus, ipse intercédat pro nobis ad Dóminum.
Quorum festum cólimus, ipsi intercédant pro nobis ad Dóminum.
Cujus festum cólimus, ipsa intercédat pro nobis ad Dóminum.
Quarum festum cólimus, ipsæ intercédant pro nobis ad Dóminum.
Cujus festum cólimus, ipsa Virgo vírginum intercédat pro nobis ad Dóminum.
Cujus festum cólimus, ipse gloriósus Pater noster intercédat pro nobis ad Dóminum.

[Evangelica]
Evangélica léctio sit nobis salus et protéctio.

[Evangelica9]
Per evangélica dicta, deleántur nostra delícta.

[Nocturn 3 12-25]
Evangélica léctio sit nobis salus et protéctio.
Per evangélica dicta deleántur nostra delícta.
Verba sancti Evangélii dóceat nos Christus Fílius Dei.
Per Evangélicum verbum regnum mareámur ætérnum.