02-21# Ex Régula Sancti Patri Nostri Benedícti. Caput 18: Quo órdine ipsi psalmi dicéndi sunt 
_
In primis dicátur versu: Deus, in adjutórium meum inténde; Dómine, ad adjuvándum me festína, Glória, inde hymnum unuscuiúsque Horæ. deínde Prima Hora, Domínica, dicénda quáttuor capítula psalmi centésimi octávi décimi. Réliquis vero Horis, id est Tértia, Sexta vel Nona, terna capítula suprascrípti psalmi centésimi octávi décimi dicántur. Ad Primam autem secúndæ fériæ dicántur tres psalmi, id est primus, secúndus et sextus. Et ita per síngulos dies ad Primam, usque Domínica, dicántur per órdinem terni psalmi usque nonum décimum psalmum, ita sane, ut nonus psalmus et séptimus décimus partiántur in binos. Et sic fit, ut ad Vigílias Domínica semper a vicésimo incipiátur.