[Rank]
In Apparitione Beatæ Mariæ Virginis Immaculatæ;;Duplex majus;;4;;ex C11

[Rank] (rubrica 196)
In Apparitione Beatæ Mariæ Virginis Immaculatæ;;Duplex;;3;;ex C11

[Rank] (rubrica innovata)
In apparitione Beatae Mariae Virginis;;Duplex optional;;2;;ex C11

[Rule]
ex C11;
9 lectiones
Psalmi Dominica
Antiphonas horas
Doxology=Nat

[Ant Vespera]
Candor est * lucis ætérnæ, et spéculum sine mácula.;;109
Múlier * amícta sole, et luna sub pédibus ejus, et in cápite ejus coróna stellárum duódecim.;;112
Tu glória Jerúsalem, * tu lætítia Israël, tu honorificéntia pópuli nostri.;;121
Benedícta es tu, * Virgo María, a Dómino Deo excélso præ ómnibus muliéribus super terram.;;126
Hódie nomen tuum * ita magnificávit Dóminus, ut non recédat laus tua de ore hóminum.;;147

[Ant 1]
Ista est * colúmba mea, perfécta mea, immaculáta mea.

[Oratio]
Deus, qui per immaculátam Vírginis Conceptiónem dignum Fílio tuo habitáculum præparásti: súpplices a te quǽsumus; ut, ejúsdem Vírginis Apparitiónem celebrántes, salútem mentis et córporis consequámur.
$Per eumdem

[Invit]
@Sancti/12-08

[Hymnus Matutinum]
v. Te dícimus præcónio,
Intácta Mater Núminis,
Nostris benígna láudibus
Tuam repénde grátiam.
_
Sontes Adámi pósteri
Infécta proles gígnimur;
Labis patérnæ néscia
Tu sola, Virgo, créderis.
_
Caput dracónis ínvidi
Tu cónteris vestígio,
Et sola glóriam refers
Intaminátæ oríginis.
_
O gentis humánæ decus
Quæ tollis Hevæ oppróbrium,
Tu nos tuére súpplices,
Tu nos labántes érige.
_
Serpéntis antíqui potens
Astus retúnde et ímpetus,
Ut cǽlitum perénnibus
Per te fruámur gáudiis.
_
* Jesu, tibi sit glória
Qui natus es de Vírgine,
Cum Patre, et almo Spíritu
In sempitérna sǽcula.
Amen.

[Ant Matutinum]
Ave, grátia plena; * Dóminus tecum.;;8
Benedícta tu inter mulíeres * et benedíctus fructus ventris tui.;;18
Ne tímeas, María, * invenísti grátiam apud Dóminum.;;23
V. Deus omnípotens præcínxit me virtúte.
R. Et pósuit immaculátam viam meam.
Fecit mihi magna * qui potens est, et sanctum nomen ejus.;;44
Sanctificávit * tabernáculum suum Altíssimus: Deus in médio ejus, non commovébitur.;;45
Dóminus possédit te * in inítio viárum suárum, et in caritáte perpétua diléxit te.;;86
V. Adjuvábit eam Deus vultu suo.
R. Deus in médio ejus, non commovébitur.
Manus Dómini * confortávit te, et ídeo eris benedícta in ætérnum.;;95
Noli metúere, * non enim pro te, sed pro ómnibus hæc lex constitúta est.;;96
Benedíxit te Dóminus * in virtúte sua, quia per te ad níhilum redégit inimícos nostros.;;97
V. Diffúsa est grátia in lábiis tuis.
R. Proptérea benedíxit te Deus in ætérnum.

[Lectio1]
De Parábolis Salomónis
@Tempora/081-3:Lectio3

[Responsory1]
R. Sapiéntia quæ attíngit a fine usque ad finem fórtiter, et dispónit ómnia suáviter, ædificávit sibi domum: 
* Ecce tabernáculum Dei cum homínibus.
V. Vidi sanctam civitátem Jerúsalem novam, parátam sicut sponsam ornátam viro suo.
R. Ecce tabernáculum Dei cum homínibus.

[Lectio2]
!Prov 8:18-25
18 Mecum sunt divítiæ et glória, opes supérbæ et justítia. 
19 Mélior est enim fructus meus auro et lápide pretióso, et genímina mea argénto elécto. 
20 In viis justítiæ ámbulo, in médio semitárum judícii, 
21 ut ditem diligéntes me et thesáuros eórum répleam. 
22 Dóminus possidébit me in inítio viárum suárum, ántequam quidquam fáceret a princípio. 
23 Ab ætérno ordináta sum et ex antíquis, ántequam terra fíeret. 
24 Nondum erant abýssi, et ego jam concépta eram; necdum fontes aquárum erúperant, 
25 necdum montes gravi mole constíterant; ante colles ego parturiébar.

[Responsory2]
R. Quasi arcus refúlgens inter nébulas, et quasi flos rosárum in diébus vernis, et quasi lília in tránsitu aquæ, 
* Sic fulget Virgo immaculáta.
V. Arcum meum ponam in núbibus, et erit signum fœ́deris mei vobíscum.
R. Sic fulget Virgo immaculáta.

[Lectio3]
!Prov 8:34-36; 9:1-5
34 Beátus homo qui audit me, et qui vígilat ad fores meas cotídie, et obsérvat ad postes óstii mei. 
35 Qui me invénerit, invéniet vitam, et háuriet salútem a Dómino;
36 qui autem in me peccáverit, lædet ánimam suam. Omnes, qui me odérunt, díligunt mortem. 
1 Sapiéntia ædificávit sibi domum, excídit colúmnas septem. 
2 Immolávit víctimas suas, míscuit vinum et propósuit mensam suam. 
3 Misit ancíllas suas ut vocárent ad arcem et ad mœ́nia civitátis:
4 Si quis est párvulus, véniat ad me. Et insipiéntibus locúta est:
5 Veníte, comédite panem meum, et bíbite vinum quod míscui vobis.

[Responsory3]
R. Surge, amíca mea, speciósa mea, et veni, colúmba mea: 
* Osténde mihi fáciem tuam, sonet vox tua in áuribus meis.
V. Vox túrturis audíta est in terra nostra.
R. Osténde mihi fáciem tuam, sonet vox tua in áuribus meis.
&Gloria
R. Osténde mihi fáciem tuam, sonet vox tua in áuribus meis.

[Lectio4]
Anno quarto a dogmática definitióne de immaculáto beátæ Vírginis Concéptu, ad Gavi flúminis oram prope óppidum Lourdes diœcésis Tarbiénsis in Gállia, ipsa Virgo in rupis sinu super specum Massabiélle puéllæ cuidam, vernácula lingua Bernadétte nuncupátæ, paupérrimæ quidem sed ingénuæ ac piæ, plúries se conspiciéndam óbtulit. Immaculáta Virgo juveníli ac benígno videbátur aspéctu, nívea veste niveóque pállio contécta, ac zona cærúlea succíncta; nudos pedes áurea rosa ornábat. Primo apparitiónis die, qui fuit undécimus Februárii anno millésimo octingentésimo quinquagésimo octávo, puéllam signum crucis rite piéque faciéndum edócuit, atque ad sacri rosárii recitatiónem, exémplo suo, corónam, quæ prius ex brácchio demíssa pendébat, manu advólvens, excitávit: quod in céteris étiam apparitiónibus prǽstitit. Altero autem apparitiónis die, puélla in simplicitáte cordis sui, diabólicam fraudem timens, lustrálem aquam in Vírginem effúdit; sed beáta Virgo, léniter arrídens, benigniórem illi vultum osténdit. Cum vero tértio apparuísset, puéllam ad specum per quíndecim dies invitávit. Exínde eam sǽpius est allocúta, ac pro peccatóribus oráre, terram deosculári, pœnitentiámque ágere est hortáta; deínde imperávit, ut sacerdótibus edíceret, ædificándum ibi esse sacéllum, solemnísque supplicatiónibus more illo accedéndum. Mandávit ínsuper ut e fonte, qui sub aréna adhuc latébat sed mox erat eruptúrus, aquam bíberet, eáque se abstérgeret. Dénique die festo Annuntiatiónis, percontánti eníxe puéllæ illíus nomen, cujus aspéctu tóties dignáta fúerat, Virgo, admótis péctori mánibus elatísque in cælum óculis, respóndit: Immaculáta Concéptio ego sum.

[Responsory4]
R. Quæ est ista, quæ progréditur quasi auróra consúrgens, 
* Pulchra ut luna, elécta ut sol?
V. Ipsa est colúmba mea, perfécta mea, immaculáta mea.
R. Pulchra ut luna, elécta ut sol.

[Lectio5]
Percrebrescénte fama beneficiórum, quæ in sacro specu recepísse fidéles dicebántur, augebátur in dies hóminum concúrsus, quos loci relígio ad specum advocábat. Itaque prodigiórum fama puellǽque candóre mortus Tarbiénsis epíscopus, quarto ab enarrátis anno, post jurídiam factórum inquisitiónem, supernaturáles esse apparitiónis notas sua senténtia probávit, cultúmque Vírginis immaculátæ in eódem specu permísit. Mox ædificátum sacéllum: ex illa die pene innúmeræ fidélium turbæ, voti ac supplicatiónis causa, ex Gállia, Bélgio, Itália, Hispánia ceterísque Európæ provínciis necnon ex longínquis Américæ regiónibus quovis anno illuc advéniunt, noménque Immaculátæ de Lourdes ubíque terrárum inclaréscit. Fontis aqua, in cunctas orbis partes deláta, ægris sanitátem restítuit. Orbis vero cathólicus tantórum memor benefactórum, ædes sacras mirábili ópere ibi exstrúxit. Vexílla innúmera, acceptórum beneficiórum véluti sede immaculáta Virgo júgiter cólitur: intérdiu quidem précibus, religióso cantu solemnibúsque áliis cæremóniis; noctu vero sacris illis supplicatiónibus, quibus infinítæ propémodum peregrinántium turbæ céreis facibúsque accénsis procédunt et laudes beátæ Vírginis cóncinunt.

[Responsory5]
R. Erit in novíssimis diébus mons præparátus Vírgini Maríæ in vértice móntium, et elevábitur super cælos, et ibunt pópuli multi et dicent: 
* Veníte et ascendámus ad montem.
V. Sicut lætántium ómnium habitátio est in te.
R. Veníte et ascendámus ad montem.

[Lectio6]
Peregrinatiónes hujúsmodi fidem, frigescénte sǽculo, excitásse, ánimum ad christiánam legem profiténdam addidísse, cultúmque Vírginis immaculátæ mirum in modum auxísse, ómnibus compértum est. In qua mirábili fídei professióne christiánus pópulus sacerdótes véluti duces habet, qui illuc suas plebes addúcunt. Ipse étiam Sacrórum antístites sanctum locum frequénter ádeunt, peregrinatiónibus præsunt, solemnioribúsque festis intérsunt. Nec ádeo rarum est ipsos Románæ Ecclésiæ purpurátos patres húmili peregrinórum more accedéntes conspícere. Ipsi quoque Románi Pontífices, pro sua erga Immaculátam de Lourdes pietáte, sacram ædem donis nobilíssimis cumulárunt. Pius nonus, sacris indulgéntiis, archiconfraternitátis privilégio ac minóris Basílicæ título ipsam insignívit; ac Deíparæ imáginem íbidem cultam, solémni ritu per legátum suum apostólicum in Gállia, diadémate distínctam vóluit. Leo vero décimus tértius innúmera étiam cóntulit benefícia, indulgéntias ad modum jubilǽi vigésimo quinto Apparitiónis anno verténte concéssit, peregrinatiónes sua auctoritáte verbóque provéxit, ac solémnem Ecclésiæ sub título Rosárii dedicatiónem suo nómine péragi curávit. Quorum beneficiórum amplitúdinem cumulávit, cum, plúrium episcopórum rogátu, solémne festum sub título Apparitiónis beátæ Maríæ Vírginis immaculátæ, próprio Offício et própria Missa celebrándum benígne concéssit. Tandem Pius décimus Póntifex máximus pro sua erga Deíparam pietáte, ac plurimórum votis ánnuens Sacrórum antístitum, idem festum ad Ecclésiam univérsam exténdit.

[Responsory6]
R. Prævenísti eam, Dómine, in benedictiónibus dulcédinis, posuísti in cápite ejus 
* Corónam de lápide pretióso.
V. Magna est glória ejus in salutári tuo, glóriam et magnum decórem impónes super eam.
R. Corónam de lápide pretióso.
&Gloria
R. Corónam de lápide pretióso.

[Lectio94]
Anno quarto a dogmática definitióne de immaculáto beátæ Vírginis Concéptu, ad Gavi flúminis oram prope óppidum Lourdes diœcésis Tarbiénsis in Gállia, cum puélla quædam, nómine Bernadétte, in rupis sinu plúries se immaculátam Dei Genetrícem conspexísse asséreret, tot et tanta mirabília facta sunt, ut dígitum Dei ibi esse prudens quisque et pius Christifidélis fácile intellégeret. Quæ inter illud est célebre quod ægri hauriéntes aquam e fonte in specu tunc primo mirabíliter scaténte, sæpe sǽpius sanitátem recípiant. Percrebrescénte ítaque fama beneficiórum quæ in sacro specu recepísse fidéles dicebántur, et aucto in dies hóminum concúrsu, Tarbiénsis epíscopus, post jurídicam factórum inquisitiónem, cultum ejúsdem Vírginis immaculátæ in eódem specu permísit. Mox ædificáto templo, innúmeræ fidélium turbæ quovis anno illuc advéniunt, noménque Deíparæ immaculátæ ubíque terrárum in dies inclaréscit; eo magis, quod síngulis annis, duránte processióne sanctíssimi Sacraménti, infírmis úndique eo delátis, nonnúlli, sanatiónem a Dómino per intercessiónem immaculátæ Matris peténtes, íllico convaléscunt. Quibus jure commótus summus Póntifex Pius décimus, festum, a Leóne décimo tértio alíquibus locis concéssum ad univérsam exténdit Ecclésiam.
&teDeum

[Lectio7]
@Sancti/12-10:Lectio7

[Responsory7]
R. Tu ergo ínvoca Dóminum, lóquere Regi pro nobis, 
* Et líbera nos de morte.
V. Omnes sitiéntes, veníte ad aquas, et hauriétis salútem a Dómino.
R. Et líbera nos de morte.

[Lectio8]
@Sancti/12-10:Lectio8

[Responsory8]
R. Plantávit Dóminus Deus paradísum voluptátis, produxítque lignum vitæ in médio ejus: 
* Et flúvius egrediebátur de loco voluptátis.
V. Emissiónes tuæ paradisus, Virgo María.
R. Et flúvius egrediebátur de loco voluptátis.
&Gloria
R. Et flúvius egrediebátur de loco voluptátis.

[Lectio9]
@Sancti/12-10:Lectio9

[Ant Laudes]
Candor est * lucis ætérnæ, et spéculum sine mácula.
Múlier * amícta sole, et luna sub pédibus ejus, et in cápite ejus coróna stellárum duódecim.
Tu glória Jerúsalem, * tu lætítia Israël, tu honorificéntia pópuli nostri.
Benedícta es tu, * Virgo María, a Dómino Deo excélso præ ómnibus muliéribus super terram.
Hódie nomen tuum * ita magnificávit Dóminus, ut non recédat laus tua de ore hóminum.

[Capitulum Laudes]
!Cant 2:13-14
v. Surge, amíca mea, speciósa mea, et veni, colúmba mea, in foramínibus petræ, in cavérna macériæ, osténde mihi fáciem tuam, sonet vox tua in áuribus meis.
$Deo gratias

[Hymnus Laudes]
v. Auróra soli prǽvia,
Felix salútis núntia,
In noctis umbra plebs tua
Te, Virgo, supplex ínvocat.
_
Torrens nefástis flúctibus
Cunctos trahens vorágine,
Leni resídit ǽquore
Cum transit Arca fœ́deris.
_
Dum torret aréscens humus,
Tu rore sola spárgeris;
Tellúre circum rórida,
Intácta sola pérmanes.
_
Fatále virus évomens
Attóllit anguis vérticem;
At tu dracónis túrgidum
Invícta cónteris caput.
_
Mater benígna, réspice
Fletus precésque súpplicum,
Et dimicántes, tártari
Victrix, tuére ab hóstibus.
_
Jesu, tibi sit glória,
Qui natus es de Vírgine,
Cum Patre, et almo Spíritu,
In sempitérna sǽcula.
Amen.

[Ant 2]
Præclára salútis auróra, * ex te, Virgo María, exívit sol justítiæ, qui visitávit nos óriens ex alto.

[Lectio Prima]
!Sir 24:25-26
v. In me grátia omnis viæ et veritátis, in me omnis spes vitæ et virtútis. Transíte ad me, omnes qui concupíscitis me, et a generatiónibus meis implémini.

[Responsory Tertia]
R.br. Quæ est ista quæ ascéndit de desérto, * Delíciis áffluens?
R. Quæ est ista quæ ascéndit de desérto, * Delíciis áffluens?
V. Inníxa super diléctum suum.
R. Delíciis áffluens.
&Gloria
R. Quæ est ista quæ ascéndit de desérto, * Delíciis áffluens?
_
V. Vidérunt eam fíliæ Sion.
R. Et beatíssimam prædicavérunt.

[Capitulum Sexta]
!Prov 8:18-19
v. Mecum sunt divítiæ et glória, opes supérbæ et justítia: mélior est enim fructus meus auro et lápide pretióso.
$Deo gratias

[Responsory Sexta]
R.br. Ego Mater * Pulchræ dilectiónis.
R. Ego Mater * Pulchræ dilectiónis.
V. Et timóris et agnitiónis et sanctæ spei.
R. Pulchræ dilectiónis.
&Gloria
R. Ego Mater * Pulchræ dilectiónis.
_
V. In me omnis grátia viæ et veritátis.
R. In me omnis spes vitæ et virtútis.

[Capitulum Nona]
@:Lectio Prima
$Deo gratias

[Responsory Nona]
R.br. Qui me invénerit * Invéniet vitam.
R. Qui me invénerit * Invéniet vitam.
V. Et háuriet salútem a Dómino.
R. Invéniet vitam.
&Gloria
R. Qui me invénerit * Invéniet vitam.
_
V. Transíte ad me, omnes qui concupíscitis me.
R. Et a generatiónibus meis implémini.

[Hymnus Vespera 3]
v. Omnis expértem máculæ Maríam
Edocet summus fídei magíster;
Vírginis gaudens celébrat fidélis
Terra triúmphum.
_
Ipsa se præbens húmili puéllæ
Virgo spectándam, récreat pavéntem,
Seque concéptam sine labe, sancto
Prǽdicat ore.
_
O specus felix, decoráte divæ
Matris aspéctu! veneránda rupes,
Unde vitáles scatuére pleno
Gúrgite lymphæ!
_
Huc catervátim pia turba nostris,
Huc ab extérnis peregrína terris
Affluit supplex, et opem poténtis
Vírginis orat.
_
Excipit Mater lácrimas precántum,
Donat optátam míseris salútem;
Compos hinc voti pátrias ad oras
Turba revértit.
_
Súpplicum, Virgo, miseráta casus,
Semper o nostros réfove labóres,
Impetrans mæstis bona sempitérnæ
Gáudia vitæ.
_
Sit decus Patri, genitǽque Proli,
Et tibi, compar utriúsque virtus
Spíritus semper, Deus unus omni
Témporis ævo.
Amen.

[Ant 3]
Hódie gloriósa cæli Regína * in terris appáruit; hódie pópulo suo verba salútis et pígnora pacis áttulit; hódie Angelórum et fidélium chori immaculátam Conceptiónem celebrántes gáudio exsúltant. Allelúja.